दरसाव 6:1 - जीवन को च्यानणो (सेकावाटी नया नियम की पोथ्या)

¹ म देख्यो क बो उन्यो बा सात म्होरा मऊँ पेली म्होर की चेपी खोली। जणा म बा च्यार जीवता पराण्या मऊँ एकनै बादळा की गरजबा की उवाज म आ बोलता सुण्यो, “आ।”

दरसाव 6:1 Iomraidhean Croise

यहून्ना 1:29

आगलै दिन ईसुनै आप कानि आतो देखर यहून्ना बोल्यो, “देखो, ओ परमेसर को उन्यो ह, जखो जगत का मिनखा का पाप ताँई बलिदान होसी।

भेजेड़ा चेला का काम 4:20

क्युं क आ तो होय कोनी सकै क जोक्यु म्हें देख्यो अर सुण्यो ह बिनै कोनी खेवां।”

दरसाव 11:19

इकै पाछै परमेसर का मनदरनै जखो ईस्बर नगरी म ह बिनै खोल्यो गयो, अर मनै मनदर म करार हाळी पेटी दिखी। बिकै पाछै बिजळी को पळको आयो, बिजळी की कड़कबा की उवाज आई अर बादळ की गरजबा की उवाज होई, भूचाळ आयो अर ओळा बरसबा लाग्या।

दरसाव 13:8

जखा मिनखा को नाम बि उन्या की जीवन हाळी पोथी म कोनी मांडेड़ो बे सगळा मिनख इ डरावना जानबरनै धोकसी। ओ उन्यो जखो इ सरस्टि की सरूआतऊँई बलि होबा ताँई ते कर्यो गयो हो।

दरसाव 14:2

अर मनै ईस्बर नगरीऊँ एक जोरकी उवाज सुणी। बा उवाज भेता झरना की सी अर बिजळी की गरजबा की सी ही। जखी उवाज म सुणी बा उवाज मानो जंय्यां घणा सारका मिनख बीणा बजावै ह बंय्यांकी ही।

दरसाव 19:6

इकै पाछै मनै ओज्यु बोळासारा मिनखा को एकसागै हेलो सुण्यो। ओ हेलो अंय्यां लागर्यो हो जंय्यां की पाणी का झरना की नहिस बादळा की गरजबा की उवाज हो। बे मिनख गार्या हा, “हालेलुया! क्युं क आपणो सऊँ सक्‍तिसाली परमेसर राज करै ह।

दरसाव 4:8

बा च्यारू जीवता पराण्या क छ: छ: पंख हा बाकै च्यारूमेर आँख्याई आँख्या ही, अठै ताँई बाकै पांखड़ा क तळै बी आँख्या ही अर बे रात-दिन एकई बात बोलता रेह्ता हा, “‘सऊँ सक्‍तिसाली परबु परमेसर पबितर, पबितर, पबितर ह,’ जखो हो, जखो ह, जखो आबाळो ह।”

दरसाव 5:1

जणा म देख्यो क जखो सिंघासन प बेठ्यो हो बिकै दाया हात म समटेड़ो कागद हो बि कागद क दोन्यु नाकै आंक मंडर्या हा। अर बिकै सात म्होरा की चेपी लागरी ही।

दरसाव 5:12

बे जोर-जोरऊँ हेलो पाड़र्या हा, “जखो उन्यो बलि चढायो गयो हो, बो मेमा, मान, धनेवाद, बळबूतो, सक्‍ति, बुदी अर धन पाबा जोगो ह।”

दरसाव 5:8

अर जद बो बि कागदनै ले लिओ जणा बे च्यारू जीवता पराणी अर बे चोबिस बडका बि उन्या क धोक खाई। बा सगळा क कनै विणा ही अर बे सुगंद देबाळी चिजाऊँ भरेड़ा सोना का प्याला ले राख्या हा, अ परमेसर का मिनखा की अरदासनै दिखावै ह।

दरसाव 6:3

अर जद बो उन्यो दुसरी म्होर की चेपी खोली जणा म दुसरा जीवता पराणीनै बोलता सुण्यो, “आ।”

दरसाव 6:5

जद बो उन्यो तीसरी म्होर की चेपी खोली जणा म बि तीसरा जीवता पराणीनै बोलतो सुण्यो, “आ।” जणा म एक ओर घोड़ो देख्यो जखो काळो हो। बिका सुवार क हात म एक ताखड़ी ही।

दरसाव 6:7

बिकै पाछै बो उन्यो चोथी म्होर की चेपी खोली, जणा म चोथा जीवता पराणीनै बोलता सुण्यो, “आ।”

दरसाव 8:1

जद बो उन्यो सातवी म्होर की चेपी खोली, जणा आदा घंटा ताँई ईस्बर नगरी म सुनसट होगी।