दरसाव 3:9 - जीवन को च्यानणो (सेकावाटी नया नियम की पोथ्या)

⁹ सुण, तेरै कनै अंय्यां का मिनख ह जखा सेतान की बिस्वासी मंडळी का हीं बे खुदनै यहूदि बतावै जदकी बे ह कोनी, बे झूठा हीं। म बाकै सागै अंय्यां को बरताव करस्युं जिऊँ बे तेरै कनै आर तेरा पगा म धोक खासी अर आ जाणज्यासी क म तेरूँ परेम करूं हूँ।

दरसाव 3:9 Iomraidhean Croise

यहून्ना 17:23

म बामै हूँ अर थे मेर म, जिऊँ बे पूरीतर्या एक होर आपणै म रळज्यावै। अर इ जगत का मिनख जाणै, क मनै भेजबाळा थे हो। थे बानै बी बंय्यांई परेम करो जंय्यां थे मेरूँ परेम करो हो।

दरसाव 2:9

म थारा दुख अर गरीबी क बारां म जाणू हूँ, इकै वावजुद बी थे भर्यापूरा हो। अर जखा खुदनै यहूदि खेवै ह पण बे ह कोनी, म बा मिनखा की बुरी बातानै बी जाणू हूँ जखी थारै बेई बे करै ह, बे सेतान की बिस्वासी मंडळी ह।