दरसाव 22:2 - जीवन को च्यानणो (सेकावाटी नया नियम की पोथ्या)

² नगरी क गळ्या क बिच मऊँ भेरी ही। इकै दोनू किनारा प जीवन देबाळो दरखत लागर्यो हो। बापै हर म्हेना बारा भात का फळ लागता हा। अर दरखत का पत्ताऊँ सगळा देसा का मिनख निरोगा होता हा।

दरसाव 22:2 Iomraidhean Croise

लूका 4:18

“परबु की पबितर आत्मा मेर प ह, क्युं क बे मेरो अभिसेक करर भेज्यो ह, क म बोदानै चोखो समचार सुणाऊँ, केद्‍या की अजादि को हेलो पाड़ूँ, आँदानै आँख्या द्‍युँ, दब्या-चिथ्यानै उठाऊँ,

1 पतरस 2:24

बो आपणा पापनै खुदकी काया प लेर सुळी प चढगो, जिऊँ आपा पाप करबा बेई मर्या समान होवां अर जखो सई ह बिनै करबा बेई जीवां। थानै निरोगो कर्यो जा सकै, इ ताँई बो आपकी काया प घाव लिआ।

दरसाव 2:7

जिकै कान ह बे बानै खोल ले क, पबितर आत्मा बिस्वासी मंडळ्याऊँ काँई बोलै ह। जखो बी बुराईऊँ जीतसी म बिनै जीवन का दरख्त को फळ खाबा को हक देस्युँ जखो परमेसर का बाग म ह।

दरसाव 21:21

बारा बारना बारा मोत्याऊँ बणेड़ा हा, एक-एक बारनो एक-एक मोतीऊँ बणेड़ो हो। नगरी की गळ्या आरपार दिखबाळा सिसा की जंय्यां का खरा सोनाऊँ बणेड़ी ही।

दरसाव 21:24

सगळा मिनख इ दिआ का च्यानणा क सारैई आगै चालता ज्यासी। अर इ धरती का राजा आपको ठाट-बाट इ नगरी म लिआसी।

दरसाव 22:1

इकै पाछै ईस्बर नगरी दुत मनै जीवन देबाळी पाणी की नदि दिखाई , बा नदि सिसा की जंय्यां साप ही , बा नदि परमेसर अर उन्या का सिंघासनऊँ भेह्ती होई,

दरसाव 22:14

“भागहाळा हीं बे जखा हुकमानै मानी हीं जिऊँ बानै जीवन का दरखत का फळ खाबा की छुट होसी। बानै दरवाजा होर नगरी म बड़बा की छुट होसी।

दरसाव 22:19

अर ज कोई परमेसर की खेबाळा की इ पोथी की बाता मऊँ क्युं घटासी जणा परमेसर इ पोथी म मांडेड़ा जीवन का दरखत अर पबितर नगरी मऊँ बिको फळ खोस लेसी।