दरसाव 2:5 - जीवन को च्यानणो (सेकावाटी नया नियम की पोथ्या)

⁵ इ ताँई चेता म आ अर आ सोच क तू कठैऊँ गिर्यो, तू तौबा कर अर पेल्या की जंय्यां काम कर, अर ज तू अंय्यां कोनी करसी जणा म तेरै कनै आर तेरा दिपदानानै बि झघाऊँ हटा देस्युँ।

दरसाव 2:5 Iomraidhean Croise

मत्ती 5:14

थे जगत का मिनखा ताँई च्यानणा हो। अर जखी नगरी डूँगर प ह बा कोनी लुख सकै।

मत्ती 5:15

मिनख दिओ जळार कुंडा तळै कोनी म्हेलीं पण आळ्या म म्हेलीं हीं जिऊँ घर म आबा-जाबाळा मिनखानै च्यानणो दिख सकै।

मरकुस 12:9

इ बातनै सुणर अँगूरा का बाग को मालिक बा किसाना क सागै काँई करसी?” बो बठै ज्यासी अर बा किसानानै मारसी अर अँगूरा को बाग दुसरा किसानानै दे देसी।

लूका 1:17

बो एलिआ जंय्यां की सक्‍ति अर आत्मा म परबु क आगै-आगै चालसी। बो बापा को मन बाका टाबरा कानि मोड़ देसी अर खयो नइ करबाळानै धारमिक्‍ता की बुदी कानि लेज्यासी अर मिनखानै परबु ताँई त्यार करसी।”

लूका 20:16

बो आर बा ठेकेदारानै मार अँगूरा को बाग दुसरानै समाळबा ताँई दे देसी।” आ बात सुण बे बोल्या, “अंय्यां कदैई नइ हो।”

गलातियो 5:4

जखा बी नेम-कायदानै मानबा की बजेऊँ परमेसरनै राजी करबो चावीं, बिको मतबल ह क बे मसीऊँ न्यारा होगा हीं अर परमेसर की दयाऊँ दूर हीं।

फलिपी 2:15

जिऊँ थे इ जगत म रेह्बाळा कुटिचर अर पापी मिनखा म परमेसर का खरा अर बिना बलेम हाळा सायर टाबर बण सको। अर आसमान म तारा जंय्यां चिलकै ह बंय्यां थानै बी जगत का मिनखा म चिलकणो चाए,

इबरानीआ 10:32

थे बा पेलड़ा दिनानै याद करो, जद थे मसी क बारां म जाण्या हा जणा बोळा सताव अर दुख की घड़ी म बी मजबूत रिह्या हा।

2 पतरस 3:17

ओ लाडलो, थे पेल्याऊँई आ बातानै जाणर चेता म रेह्ओ, जिऊँ थे बुराई करबाळा की बाता म आर थारी मजबूतिनै नइ खो द्‍यो।

यहूदा 1:24

परबु ईसु मसी की बजेऊँ आपानै बचाबाळा परमेसर की जे-जैकार हो। परमेसरई थानै बचा सकै ह, अर पापऊँ धो सकै ह। अर बोई ह जखो थानै आपकी मेमाभरी मोजूदगीऊँ राजी कर सकै ह अर खुद क सामै निरदोस खड़्यो कर सकै ह। जुगादऊँ इब ताँई अर आबाळा जुग-जुग ताँई मेमा, मान, ताकत अर अधिकार परमेसर कोई ह। अंय्यांई होवै।

दरसाव 1:20

बा सात तारा, जिनै तू मेरै दाया हात म देख्यो हो अर बा सात सोना का दिपदाना को भेद ओ ह क बे सात तारा बिस्वासी मंडळ्या का सात ईस्बर नगरी दुतानै दिखावै अर बे सात दिपदान सात बिस्वासी मंडळ्यानै दिखावै ह।

दरसाव 16:9

जिऊँ बे मिनख भेंकर गरमीऊँ तपगा अर परमेसर का नाम की बुराई करबा लाग्या जिकै बस म आ म्हामारी ही , पण बे तौबा कोनी कर्या अर नइ परमेसर की मेमा करी।

दरसाव 2:16

इ ताँई तौबा करो, नहिस म आर बाकै सागै मुंडा की तलवारऊँ लड़स्युं।

दरसाव 2:19

म तेरै करमानै, बिस्वासनै, परेमनै, तेरी सेवानै अर तेरा थ्यावसनै जाणू हूँ। अर म आ बी जाणू हूँ क तू इब आ बातानै ओर बी बेत्ती करै ह।

दरसाव 2:2

म तेरा कामानै, तेरी मेनतनै अर तेरा थ्यावसनै जाणू हूँ। म ओबी जाणू हूँ क, तू बुरा मिनखानै बरदास कोनी करै अर तू बा मिनखानै जखा खुदनै भेजेड़ा चेला बोलै ह पण बे ह कोनी, तू बानै परख्यो अर बे झूठा निकळ्या।

दरसाव 3:19

म जिऊँ बी परेम करूं हूँ बानै दकालूं हूँ अर सूदारूँ हूँ। जणा मजबूत होज्या अर तौबा कर।