दरसाव 16:2 - जीवन को च्यानणो (सेकावाटी नया नियम की पोथ्या)

² जणा पेलो ईस्बर नगरी दुत गयो अर धरती प आपको प्यालो उंदका दिओ, जिऊँ जखा मिनख बि डरावना जानबरनै अर बिकी मूरतीनै धोक्या हा अर बिको आंक लिआ हा बाकै राद हाळा सूगला गुमड़ा निकळ्याया।

दरसाव 16:2 Iomraidhean Croise

भेजेड़ा चेला का काम 12:23

बि टेमई परबु को ईस्बर नगरी दुत बिनै मार्यो क्युं क बो परमेसरनै मेमा कोनी दि। अर बिकी काया म किड़ा पड़्या अर बिनै खाबा लाग्या जिऊँ बो मरगो।

दरसाव 13:12

ओ बि पेलड़ा खुखार ज्यानबर को सगळो अधिकार काम म लेर्यो हो अर धरती प रेह्बाळा सगळा मिनखाऊँ बि जानबरनै जिको घाव भरगो हो बिनै पूजावै हो।

दरसाव 14:16

जणा जखो बादळ प बेठ्यो हो बो हसियो चलायो अर धरती की फसल काट ली।

दरसाव 14:9

बा दोनू ईस्बर नगरी दुता क गेलकी गेल तीसरो ईस्बर नगरी दुत आर उची उवाज म बोल्यो, “ज कोई इ डरावना जानबर अर इकी मूरतीनै धोकै अर इकी छापनै आपका माथा नहिस हात प लेवै,

दरसाव 16:1

जणा म सुण्यो क बा सात्यु ईस्बर नगरी दुतानै मनदर मऊँ कोई जोरको हेलो देर बोल्यो, “जाओ, अर परमेसर का परकोपऊँ भरेड़ा आ सात्यु प्यालानै धरती प उंदकाद्‍यो।”

दरसाव 16:11

बे मिनख दरद अर गुमड़ा की बजेऊँ ईस्बर नगरी का परमेसर की बुराई करर्या हा, पण बे आपका कामाऊँ तौबा कोनी कर्या।

दरसाव 8:7

पेलो ईस्बर नगरी दुत जंय्यांई तूताड़ी बजाई बंय्यांई ओळा, लोय अर आग एक सागै मिलेड़ी दिखी। अर बानै धरती प फेक दिओ गयो जिऊँ धरती अर दरख्ता को एक तिहाई भाग बळर राख होगो, अर सगळी हरी घास बी बळगी।