दरसाव 15:3 - जीवन को च्यानणो (सेकावाटी नया नियम की पोथ्या)

³ बे मिनख परमेसर का दास मूसा अर उन्या का गीत गावा हा, “परबु परमेसर थे सऊँ सक्‍तिसाली हो। थारा काम बडा अर ताजूबभर्या हीं। ओ जुग-जुग का राजा। थारो गेलो सचो अर धारमिक ह।

दरसाव 15:3 Iomraidhean Croise

यहून्ना 1:17

मूसा क जरिए परमेसर नेम-कायदा दिआ। पण दया अर सच ईसु मसी की बजेऊँ आयो।

1 तिमूतियूस 1:17

अर इब सदाई राज करबाळो राजा, अनदेख्यो, अमर अर बस बि एकई परमेसर को मान अर गुणगान जुग-जुग होतो रेह्‍वै। अंय्यांई होवै।

इबरानीआ 3:5

मूसा तो परमेसर क घर म बिस्वास जोगो दास बणर रिह्यो, जिऊँ बो बा बाता क बारां म गुवाई देवै जखी आबाळा टेम म बोली जाबाळी ही।

दरसाव 1:8

परबु परमेसर, जखो ह, जखो हो अर जखो आबाळो ह, जखो सऊँ सक्‍तिसाली ह बो खेवै ह, “मई अलफा अर ओमेगा हूँ।”

दरसाव 11:17

अर बोलबा लाग्या, “सऊँ सक्‍तिसाली परबु परमेसर को म्हें धनेवाद करां हां, जखो पेलाऊँ हो, अर इब बी ह। क्युं क थे थारी म्हान सक्‍तिनै लेर राज करबो चालू कर्या हो।

दरसाव 14:3

अर एक लाख चोमाळिस हझार मिनख सिंघासन क सामै, च्यारू जीवता पराण्या क सामै अर बडका क सामै नयो गीत गार्या हा। अर इ गीतनै आ एक लाख चोमाळिस हझार मिनख जानै धरती की केदऊँ छुडायो गयो हो बाकै अलावा कोईबी कोनी गा सकतो हो।

दरसाव 14:8

बिकै गेलकी गेल दुसरो ईस्बर नगरी दुत आर बोल्यो, “‘बडी नगरी बाबुल नास हो! नास हो,’ आ नगरी सगळा मिनखानै आपकी कुकरम की वासना की अँगूरी पिलाई ही।”

दरसाव 17:14

बे उन्याऊँ लड़सी पण बो उन्यो आपका टाळेड़ा, बुलाईड़ा अर आपकै गेल चालबाळा बिस्वास जोगानै सागै लेर बिनै हरा गेरसी क्युं क बो उन्यो राजाओं को बि राजा अर परबुआ को बी परबु ह।”

दरसाव 19:16

बिकी जांघ अर बिका गाबा प अंय्यां मंडर्यो हो, ओ राजाओं को राजा अर परबुआ का परबु।

दरसाव 19:2

बाको न्याय सदाई सचो ह, क्युं क बे बि बेस्या को न्याय कर्या हीं, जखी धरती का मिनखानै कुकरम करवाती, अर बानै बिगाड़ती ही, अर बो बिऊँ आपका दासा का लोय को बदलो लिओ ह।”

दरसाव 4:8

बा च्यारू जीवता पराण्या क छ: छ: पंख हा बाकै च्यारूमेर आँख्याई आँख्या ही, अठै ताँई बाकै पांखड़ा क तळै बी आँख्या ही अर बे रात-दिन एकई बात बोलता रेह्ता हा, “‘सऊँ सक्‍तिसाली परबु परमेसर पबितर, पबितर, पबितर ह,’ जखो हो, जखो ह, जखो आबाळो ह।”