दरसाव 13:2 - जीवन को च्यानणो (सेकावाटी नया नियम की पोथ्या)

² म जखा खुखार ज्यानबरनै देख्यो हो बो दिखबा म तो चीता की जंय्यां को हो पण बिका पग रीछ की जंय्यां का अर मुंडो नार की जंय्यां को हो। बो अजगर बिनै आपको सिंघासन आपको सगळो अधिकार, अर सक्‍ति सूप दिनी।

दरसाव 13:2 Iomraidhean Croise

2 तिमूतियूस 4:17

पण परबु मेरै सागै खड़्यो रिह्यो अर मनै ताकत दिओ, जणाई तो म सगळा गैर-यहूदिआनै सुणाबा ताँई चोखा समचार को खूब हेलो पाड़ सक्यो अर म मोत की सजाऊँ बचायो गयो।

1 पतरस 5:8

थे चेता म रह्यो अर जागता रह्यो; क्युं क थारो बेरी सेतान धाड़बाळा सेर की जंय्यां इ खोज म रेह्‍वै ह क किनै पाड़ खाऊँ।

दरसाव 12:13

जद बो अजगर देख्यो क, “मनै धरती प फेक दिओ गयो ह,” जणा बो बि लूगाई कानि लपक्यो जखी छोरो जलमी ही।

दरसाव 12:15

जणा बो बडोसारो नाग बि लूगाई क गेल आपका मुंडाऊँ नदि की जंय्यां पाणी गेल कर्यो जिऊँ बो पाणी बिनै भुवा लेज्यावै।

दरसाव 12:9

अर बि बडासारा अजगरनै धरती प फेक दिओ गयो, ओ बोई पुराणो बडो नाग ह जिनै दानव, सेतान बोल्यो गयो ह। ओ सगळा जगत का मिनखानै भंगरावै ह। बो आपका दुता क सागै धरती प फेक दिओ गयो।

दरसाव 13:12

ओ बि पेलड़ा खुखार ज्यानबर को सगळो अधिकार काम म लेर्यो हो अर धरती प रेह्बाळा सगळा मिनखाऊँ बि जानबरनै जिको घाव भरगो हो बिनै पूजावै हो।

दरसाव 13:4

मिनख बि अजगरनै धोकबा लाग्या क्युं क बो आपको सगळो अधिकार बि खुखार ज्यानबरनै दे दिओ हो। अर बे बि डरावना जानबरनै बी धोकर खेबा लाग्या, “इ जानबर जत्तो सक्‍तिसाली कोई कोनी। अर इऊँ लड़बा की हिमत कोईकी इ कोनी।”

दरसाव 16:10

बिकै पाछै पाचवो ईस्बर नगरी दुत आपको प्यालो बी डरावना जानबर का सिंघासन प उंदका दिओ, जिऊँ बिका राजपाट म अँधकार छागो। पिड़ा क मार्या मिनख आपका दांताऊँ आपकी जीब काट ली।

दरसाव 17:12

“अर जखा दस सींग तू देख्यो हो बे बी दस राजानै दिखावै ह, पण बानै इबी ताँई राजपाट कोनी मिल्यो, पण आनै बि खुखार ज्यानबर क सागै क्युं क टेम ताँई राज करबा को हक दिओ ज्यासी।

दरसाव 19:20

पण बि खुखार ज्यानबरनै अर झूठा परमेसर की खेबाळानै जखो बिकै कानिऊँ सेलाणी-चमत्कार दिखाया करतो हो बानै केद कर लिओ गयो। ओ बोई झूठो खेबाळो ह जखो आपकी सेलाणीऊँ बा मिनखानै भंगरायो हो जखा बि खुखार ज्यानबर का आंक लिआ हा अर बिकी मूरतीनै धोक्या हा। अर बि खुखार ज्यानबर अर झूठा परमेसर की खेबाळानै तिजाब हाळी नरक का भबकता आग का कूंड म जिंदोई गेर दिओ गयो।

दरसाव 2:13

म जाणू हूँ क, तू बठै रेह्‍वै ह जठै सेतान को सिंघासन ह। इकै वावजुद बी तू मेरै नाम प सचो बिस्वास करै ह। तेरी नगरी म सेतान को सिंघासन ह जठै मेरा बिस्वास जोगा दास अन्तिपासनै मार्यो गयो जणाबी तू मेर प बिस्वास करबो कोनी छोड्यो।

दरसाव 20:2

बो बि अजगरनै जखो पुराणो साँप, दुस्ट अर सेतान खुवावै ह बिनै पकड़र एक हझार बरस ताँई साँकळऊँ बांद दिओ।