दरसाव 13:1 - जीवन को च्यानणो (सेकावाटी नया नियम की पोथ्या)

¹ जणा म समदर क मांयनैऊँ एक खुखार ज्यानबरनै बारनै निकळता देख्यो। बिकै दस तो सींग अर सात सीर हा। अर बिकै सींगा प दस ताज हा। बिका हरेक माथा प परमेसर की बुराई करबाळा नाम मंडर्या हा।

दरसाव 13:1 Iomraidhean Croise

दरसाव 11:7

जद बे परमेसर को हेलो मिनखा म पाड़ देसी जणा बो खुखार ज्यानबर जखो पताळ मऊँ निकळसी बाऊँ लड़र बानै मार गेरसी।

दरसाव 12:3

ईस्बर नगरीऊँ एक ओर सेलाणी परगट होई, मेरै सामै एक लाल रंग को बडोसारो अजगर खड़्यो हो बिकै सात सीर अर दस सींग हा अर बिकै सात सीरां प सात ताज हा।

दरसाव 13:11

इकै पाछै म धरतीऊँ एक ओर डरावना जानबरनै बारनै निकळता देख्यो। जंय्यां उन्या क सींग होवै ह बंय्यां बिकै दो सींग हा, पण बिकी उवाज अजगर जंय्यां की ही।

दरसाव 13:14

पेलड़ा डरावना जानबर का अधिकारऊँ बो चमत्कार दिखातो हो। अंय्यां कर बो धरती का परमेसर प बिस्वास नइ करबाळा मिनखानै भंगरा दिओ जिऊँ बानै ओ बिस्वास होज्यावै क बानै पेलड़ा डरावना जानबरनै धोकणो चाए। बो मिनखानै पेलड़ा डरावना जानबर की मूरती बणाबा ताँई बोल्यो जिकै तलवारऊँ घाव होयो अर बो हाल जीवै हो। जिऊँ बिनै मान मिलै।

दरसाव 13:15

बि दुसरा डरावना जानबरनै बि मूरती म पिराण गेरबा की सक्‍ति दि गई ही। जिऊँ बा बोल सकै। अर जत्ता बी मिनख बि मूरतीनै नइ धोकै बानै मार दिओ ज्यासी।

दरसाव 15:2

इकै पाछै मनै काच की जंय्यां को समदर दिख्यो बो अंय्यां दिखै हो जंय्यां क बिकै मांयनै आग बळरी हो। जखा मिनख बि डरावना जानबर की मूरती अर बिका नाम का आंकऊँ जीतगा हा बानै बी काच का समदर क सारै खड़्या देख्या। बे परमेसर की देयड़ी बीणा ले राखी ही

दरसाव 16:13

इकै पाछै म काँई देख्यो क बी बडासारका अजगर क मुंडाऊँ, अर बी डरावना जानबर क मुंडाऊँ अर बाका झूठा परमेसर की खेबाळा का मुंडाऊँ मिंडका सारकी तीन सूगली आत्मा निकळी।

दरसाव 17:16

बे दस सींग अर जि खुखार ज्यानबरनै तू देख्यो हो बे बि सऊँ बडी बेस्याऊँ नफरत करसी बे बिको सक्यु खोसर बिनै उघाड़ी कर देसी। अर बिको मास खाज्यासी अर बिनै आग म बाळ गेरसी।

दरसाव 17:3

जणा बो दुत पबितर आत्मा म मनै उजाड़ म लेगो। बठै म एक लूगाईनै लाल रंग का खुखार ज्यानबर प बेठी देख्यो। बि जानबर क उपर परमेसर की बुराई करबाळा नाम मंडर्या हा। बिकै सात सीर अर दस सींग हा।

दरसाव 17:5

बिकै माथा प नाम मंडर्यो हो जखो एक भेद हो , सऊँ बडी नगरी बाबुल बेस्या अर सूगली चिजा की माँ

दरसाव 19:19

इकै पाछै म बि खुखार ज्यानबरनै अर धरती प राज करबाळा राजानै देख्यो। बाकै सागै बाकी सेना ही। बे बि धोळा घोड़ा का सवार अर बिकी सेनाऊँ लड़बा ताँई एकजुट हा।