दरसाव 12:4 - जीवन को च्यानणो (सेकावाटी नया नियम की पोथ्या)

⁴ बो आपकी पूंछऊँ सपाटो मार'र आसमानऊँ एक तिहाई तारानै धरती प फेक दिओ। अर बो बी लूगाई क सामै जखी टाबर जलम्बाळी ह खड़्यो होगो जिऊँ जद बा टाबर जलमै जणा बो बि टाबरनै निगळज्या।

दरसाव 12:4 Iomraidhean Croise

दरसाव 12:9

अर बि बडासारा अजगरनै धरती प फेक दिओ गयो, ओ बोई पुराणो बडो नाग ह जिनै दानव, सेतान बोल्यो गयो ह। ओ सगळा जगत का मिनखानै भंगरावै ह। बो आपका दुता क सागै धरती प फेक दिओ गयो।

यहून्ना 8:44

थारो बाप सेतान ह, अर थे बिकी इंछ्या प चालबो चाओ हो। बो तो सरूसई हत्यारो ह अर कदैई सच कानि कोनी रिह्यो क्युं क बिमै सच कोनी। बिको झूठ बोलबाळो सुभाव ह क्युं क बो झूठो अर झूठ को बाप ह,

दरसाव 9:19

बा घोड़ा का मुंडा अर पूंछ म सक्‍ति ही। क्युं क बाकी पूंछ साँप की जंय्यां ही, अर बाकी पूंछ क सीर बी हा, जिऊँ बे मिनखानै पिड़ा देरी ही।

दरसाव 9:10

बाकी पूंछ बिछू का डंक स्यारकी ही। अर बाकी पूंछ म पाच म्हेना ताँई मिनखानै पिड़ा देबा की सक्‍ति ही।

दरसाव 8:7

पेलो ईस्बर नगरी दुत जंय्यांई तूताड़ी बजाई बंय्यांई ओळा, लोय अर आग एक सागै मिलेड़ी दिखी। अर बानै धरती प फेक दिओ गयो जिऊँ धरती अर दरख्ता को एक तिहाई भाग बळर राख होगो, अर सगळी हरी घास बी बळगी।

1 पतरस 5:8

थे चेता म रह्यो अर जागता रह्यो; क्युं क थारो बेरी सेतान धाड़बाळा सेर की जंय्यां इ खोज म रेह्‍वै ह क किनै पाड़ खाऊँ।

दरसाव 17:18

जखी लूगाईनै तू देख्यो हो आ बि बडी नगरीनै दिखावै जखी धरती का देस-देस प राज करै ह।”

दरसाव 8:8

बिकै पाछै दुसरो ईस्बर नगरी दुत तूताड़ी फूंकी, जणा मानो एक बळता डूँगरनै समदर क मांयनै फेक दिओ गयो हो, जिऊँ समदर को एक तिहाई पाणी लोय बणगो।

दरसाव 8:9

जिकी बजेऊँ समदर का एक तिहाई जीव मरगा अर एक तिहाई झाज बी नास होगा।

दरसाव 8:10

जद तीसरो ईस्बर नगरी दुत तूताड़ी फूंकी जणा आसमान मऊँ एक मसाल की जंय्यां बळ-बळतो तारो पड़्यो, ओ तारो एक तिहाई नद्‍या अर झरना का पाणी प पड़्यो।

दरसाव 8:11

इ तारा को नाम नागदौना हो, जिकै बजेऊँ एक तिहाई पाणी नागदौना म बदलगो , अर खारो होगो , जिनै पीबाऊँ बोळा मिनख मरगा।

दरसाव 8:12

जद चोथो ईस्बर नगरी दुत जंय्यांई तूताड़ी फूंकी जणा एक तिहाई सूरज, चाँद अर तारा प विपदा आई। अर बाको एक तिहाई भाग काळो होगो जिकी बजेऊँ एक तिहाई दिन अर रात म अँधेरो छागो।

दरसाव 12:7

इकै पाछै ईस्बर नगरी म राड़ छिड़गी। जिमै मुखियो ईस्बर नगरी दुत मीकाईल अर बिका दुत बि बडासारा अजगरऊँ, अर बो अजगर अर इका दुत बाऊँ लड़्यो।

दरसाव 13:2

म जखा खुखार ज्यानबरनै देख्यो हो बो दिखबा म तो चीता की जंय्यां को हो पण बिका पग रीछ की जंय्यां का अर मुंडो नार की जंय्यां को हो। बो अजगर बिनै आपको सिंघासन आपको सगळो अधिकार, अर सक्‍ति सूप दिनी।

दरसाव 13:4

मिनख बि अजगरनै धोकबा लाग्या क्युं क बो आपको सगळो अधिकार बि खुखार ज्यानबरनै दे दिओ हो। अर बे बि डरावना जानबरनै बी धोकर खेबा लाग्या, “इ जानबर जत्तो सक्‍तिसाली कोई कोनी। अर इऊँ लड़बा की हिमत कोईकी इ कोनी।”

दरसाव 16:13

इकै पाछै म काँई देख्यो क बी बडासारका अजगर क मुंडाऊँ, अर बी डरावना जानबर क मुंडाऊँ अर बाका झूठा परमेसर की खेबाळा का मुंडाऊँ मिंडका सारकी तीन सूगली आत्मा निकळी।

दरसाव 20:2

बो बि अजगरनै जखो पुराणो साँप, दुस्ट अर सेतान खुवावै ह बिनै पकड़र एक हझार बरस ताँई साँकळऊँ बांद दिओ।