दरसाव 11:4 - जीवन को च्यानणो (सेकावाटी नया नियम की पोथ्या)

⁴ अ गुवा दो जेतून का दरख्तानै अर दो दिपदान दरसावै ह जखा धरती प राज करबाळा परबु परमेसर क सामै ईस्बर नगरी म खड़्या रेह्‍वै।

दरसाव 11:4 Iomraidhean Croise

लूका 11:33

“दिआनै जळार कोईबी बिनै ओला म कोनी राखै। अर नइ कुंडा तळै म्हेलीं, पण बिनै उचासा आळ्या म म्हेलीं जिऊँ मांयनै आबाळानै च्यानणो दिखै।

लूका 21:36

इ ताँई सदाई चेता म रेह्ओ अर सदाई अरदास करता रेह्ओ जिऊँ थे सगळी होबाळी बाताऊँ बच सको अर मिनख का बेटा क सामै खड़्या हो सको।”

रोमीयो 11:17

पण ज पाळेड़ा जेतून का दरख्त की क्युंक डाळ्यां तोड़र फेक दि जावै, अर एक जंगली जेतून की डाळीनै बिपै कलम चढा दिओ जावै, जणा थे गैर-यहूदि जखा पाळेड़ा दरख्त प कलम चढाईड़ी डाळ्यां की जंय्यां हो जेतून की जड़्या का पोसण का साती हो।

दरसाव 1:20

बा सात तारा, जिनै तू मेरै दाया हात म देख्यो हो अर बा सात सोना का दिपदाना को भेद ओ ह क बे सात तारा बिस्वासी मंडळ्या का सात ईस्बर नगरी दुतानै दिखावै अर बे सात दिपदान सात बिस्वासी मंडळ्यानै दिखावै ह।