दरसाव 10:11 - जीवन को च्यानणो (सेकावाटी नया नियम की पोथ्या)

¹¹ जणा मेरूँ बोल्यो गयो, “तनै परमेसर को समचार सगळा देसानै, सगळा राजानै, सगळी बोली बोलबाळा मिनखानै सुणाणो ह।”

दरसाव 10:11 Iomraidhean Croise

दरसाव 17:15

बो ईस्बर नगरी दुत मेरूँ ओज्यु बोल्यो, “तू जखी नद्‍या देखी ही जाकै किनारै बा सऊँ बडी बेस्या बेठी ही, बे नद्‍या सगळा कूणबा का मिनखानै, सगळी बोली बोलबाळानै, देस-देस का मिनखानै, सगळा देसानै दिखावै ह।

दरसाव 14:6

इकै पाछै म एक ओर ईस्बर नगरी दुतनै आसमान क बिचमै उडता देख्यो। बिकन धरती प रेह्बाळा सगळा कूणबा का मिनखा, सगळा देसा, सगळी बोली बोलबाळा अर सगळा कुल का मिनखानै सुणाबा ताँई जुग-जुग ताँई को चोखो समचार हो।

दरसाव 11:9

धरती का सगळा देसा का मिनखा मऊँ, सगळी बोली बोलबाळा मऊँ अर सगळा कूणबा का मिनखा मऊँ क्युंक मिनख बाकी लासनै साडे तीन दिना ताँई देखसी पण बे बाकी लासनै कबर म कोनी धरबा देसी।

दरसाव 5:9

बे एक नयो गीत गार्या हा, “तूई, इ कागदनै अर इपै लगाईड़ी म्होरा की चेपीनै, खोलबा जोगो ह, क्युं क तू बलि होयो, थारा लोयऊँ, सगळा कूणबा का मिनखानै, सगळी बोली बोलबाळानै, देस-देस का मिनखानै परमेसर ताँई मोल लिआ हो।

दरसाव 10:10

म बी ईस्बर नगरी दुत क हातऊँ बा पोथी लेली अर खागो। अर बिऊँ मेरो मुंडो सहदऊँ बी मिठो होगो पण पेट म गळदाई होगी।

दरसाव 11:1

इकै पाछै मनै एक फलडो दिओ गयो। बो नाप लेबाळा डंडा की जंय्यां हो अर ईस्बर नगरी दुत मेरूँ बोल्यो, “खड़्यो होर परमेसर का मनदर अर बेदीनै नापले, अर जखा मिनख मनदर म जे-जैकार करर्या ह बानै गिणले।

दरसाव 17:10

अ सात सीर सात राजानै बी दिखावै ह, आमैऊँ पाच को तो नास हो चुक्यो, एक इबी राज करै ह, अर एक इब ताँई आयो कोनी। पण जद बो आसी जणा क्युं क टेम ताँई रेह्सी।

दरसाव 17:12

“अर जखा दस सींग तू देख्यो हो बे बी दस राजानै दिखावै ह, पण बानै इबी ताँई राजपाट कोनी मिल्यो, पण आनै बि खुखार ज्यानबर क सागै क्युं क टेम ताँई राज करबा को हक दिओ ज्यासी।