दरसाव 1:1 - जीवन को च्यानणो (सेकावाटी नया नियम की पोथ्या)

¹ इ पोथी म बे बाता मांडी गई जखी ईसु मसी दरसाव क जरिए बताई ह। अ बाता ईसु मसीनै परमेसर बताई ह जिऊँ बो आपका दासानै, दरसावा क जरिए बतावै क आबाळा टेम म काँई होबाळो ह। ईसु मसी आपका ईस्बर नगरी दुतनै यहून्ना क कनै भेजर अ बाता बताई।

दरसाव 1:1 Iomraidhean Croise

यहून्ना 12:49

ओ सच ह, क्युं क म मेरी मरजीऊँ क्युंई कोनी बोल्यो, पण मनै भेजबाळा परम-पिता का हुकमऊँ जखो मनै बोलबो चाए हो, बोई बोल्यो।

यहून्ना 15:15

म इबऊँ थानै दास कोनी खेऊँ, क्युं क दास कोनी जाणै क बिको मालिक काँई करै ह। पण म थानै भाईला खेस्युं, क्युं क म थानै बे सगळी बाता बता दिनी ह जखी म परम-पिताऊँ सुणी।

यहून्ना 17:8

म बानै बाई सीख दिनी, जखी थे मनै सीखाया हो, अर बे बिपै चाली हीं। बे सूल्या जाणी हीं क म थारै कानिऊँ आयो हूँ अर बानै इ बात को बिस्वास होगो ह क मनै भेजबाळा थेई हो।

यहून्ना 3:32

बो जोक्यु देख्यो अर सुण्यो बिनैई बोलै ह, पण कोईबी मिनख बिकी बातानै कोनी मानै।

यहून्ना 8:26

मेरै कनै थारा बारां म बोलबा ताँई बोळी बाता ह। अर बोळी बाता ह जा ताँई थानै सजा देणी ह। मनै भेजबाळो सचो ह अर म इ जगत का मिनखानै बाई खेवूँ हूँ जखी म बिऊँ सुण्यो।”

रोमीयो 16:25

बिकी बडाई होवै जखो थानै, ईसु मसी का संदेस, जि चोखा समचार को म हेलो पाड़ूँ हूँ अर परमेसर का परगट होयड़ा बि भेदभर्या सच गेल जखो जुगादऊँ लुखेड़ो हो, मजबूत बणाबा की सक्‍ति राखै ह।

गलातियो 1:12

क्युं क ओ मनै कोई मिनखऊँ कोनी मिल्यो अर नइ कोई मनै सीखायो, पण ओ मेर प ईसु मसी क जरिए परगट कर्यो गयो।

इफिसुस 3:3

परमेसर आपका भेदनै मेर प परगट कर्यो ह। पिछै बी म, इ कागद म आ बाता क बारां म थोड़ो-भोत थानै मांड्यो हूँ।

तितूस 1:1

म ईसु मसीऊँ भेजेड़ो चेलो, परमेसर को दास पोलुस आ चिठी तितूस तनै मांडूँ हूँ। म परमेसर का टाळेड़ा मिनखानै बिस्वास म बढाबा भेज्यो गयो हूँ। जिऊँ बे सचनै जाणर पबितर जीवन जीवै।

दरसाव 1:19

“इ ताँई जखी बाता तू देखी ह, जखी बाता होरी ह अर जखी बाता होबाळी ह बा सगळ्यानै मांडले।

दरसाव 1:9

म यहून्ना थारो बिस्वासी भाई हूँ, म आपणा ईसु मसी म पिड़ा, थ्यावस अर राज म थारो साती हूँ। मनै परमेसर का बचन अर ईसु मसी की गुवाई देबा की बजेऊँ देस निकाळो देर पत्तमुस नाम का टापू प भेज दिओ गयो हो।

दरसाव 17:1

इकै पाछै सात ईस्बर नगरी दुता मऊँ जाकै कनै सात प्याला हा, एक मेरै कनै आर बोल्यो, “अठै आ, म तनै बि सऊँ बडी बेस्यानै सजा भोगता दिखास्युं जखी बोळी नद्‍या क किनारै बेठी ह।

दरसाव 19:10

जणा म बिकी जेजैकार करतो होयो ईस्बर नगरी दुत क आगै धोक खाई। पण बो मेरूँ बोल्यो, “अंय्यां मना करै! क्युं क म तो तेरै अर तेरा साती-संगी भाया क सागै परमेसर को दास हूँ। जखानै ईसु मसी की गुवाई देबा की जिमेबारी दि गई ह। तू परमेसर क धोक खा, क्युं क आ परमेसर की आत्मा ह जखी मिनखानै ईसु मसी क बारा म बोलबा की सक्‍ति देवै ह।”

दरसाव 19:9

जणा बो ईस्बर नगरी दुत मेरूँ बोल्यो, “अंय्यां मांड: बे मिनख भागहाळा हीं जखा उन्या का ब्या की मेळ म नूत्या गया हीं।” बो ओज्यु बोल्यो, “अ बचन परमेसर का सचा बचन हीं।”

दरसाव 21:2

म पबितर नगरी नया यरूसलेमनै ईस्बर नगरीऊँ परमेसर क कनैऊँ तळै उतरता देख्यो। बि नगरीनै बंय्यां सजायो गयो हो जंय्यां मानो कोई बनड़ीनै बिका बनड़ा ताँई सजायो जावै ह।

दरसाव 21:9

इकै पाछै बा सात्यु ईस्बर नगरी दुता मऊँ जाकै कनै सात म्हामारीऊँ भरेड़ा प्याला हा एक जणो आगै आर मेरूँ बोल्यो, “अठै आ, म तनै बा बनड़ी दिखास्युं जखी उन्या की बिनणी ह।”

दरसाव 22:1

इकै पाछै ईस्बर नगरी दुत मनै जीवन देबाळी पाणी की नदि दिखाई , बा नदि सिसा की जंय्यां साप ही , बा नदि परमेसर अर उन्या का सिंघासनऊँ भेह्ती होई,

दरसाव 22:16

“म, ईसु खुद, थारै अर बिस्वासी मंडळी क कनै आ बाता की गुवाई देबा ताँई मेरा ईस्बर नगरी दुतनै भेज्यो हूँ। म दाऊद का कूणबा मऊँ हूँ। म भोर को चमकतो तारो हूँ।”

दरसाव 22:6

इकै पाछै बो ईस्बर नगरी दुत मनै बोल्यो, “अ बचन बिस्वास जोगा अर सचा हीं। परबु परमेसर, जखो परमेसर की खेबाळानै आत्मा देवै ह, बो आपका दासानै जोक्यु तावळोई होबाळो ह, बिकै बारां म बताबा ताँई आपका दुतनै भेज्यो ह।”

दरसाव 22:8

म, यहून्ना, जखो अ बाता देखी अर सुणी हूँ। अर जद म अ बाता देखी अर सुणी जणा म बि ईस्बर नगरी दुत क जखो मनै अ बाता दिखाया करतो हो बिकै पगा पड़र धोक खाई।

दरसाव 22:9

पण बो मेरूँ बोल्यो, “अंय्यां मना कर क्युं क म तेरै अर परमेसर की खेबाळा तेरा साती-संग्या क अर जत्ताबी इ पोथी का बचनानै मानबाळा हीं बाकै सागै संगी दास हूँ। इ ताँई तू परमेसर कई धोक खा।”

दरसाव 4:1

इकै पाछै म देख्यो, ईस्बर नगरी म एक दरूजो खुल्यो। अर म ओज्यु नरसिंगा की सी उवाज सुणी जखी म पेली बी सुणी ही। बा उवाज मेरूँ बोली, “उपर आज्या, म तनै बे बाता दिखास्युं जखी आबाळा टेम म होबाळी ह।”

दरसाव 5:7

बो सिंघासन क कनै आयो अर जखो बिपै बेठ्यो हो बिकै दाया हातऊँ बो कागद ले लिओ।