फलिपी 4:5 - जीवन को च्यानणो (सेकावाटी नया नियम की पोथ्या)

⁵ सगळा ताँई नरमाई को भेवार राखो। क्युं क परबु बेगोई ओज्यु आर्यो ह।

फलिपी 4:5 Iomraidhean Croise

मत्ती 6:25

“म थारूँ खेऊँ हूँ, थे थारा जीव की चिंत्या मना करज्यो की काँई खास्यो अर काँई पीस्यो? अर नइ काया की चिंत्या करज्यो की इनै किऊँ ढकस्युं? क्युं क गाबाऊँ काया अर रोट्याऊँ जीव बडो ह।

मत्ती 6:34

काल की चिंत्या मना करो, क्युं क काल ताँई काल किई चिंत्या घणी ह। अर हरेक दिन की चिंत्या बि दिन ताँई घणिई होवै ह।

लूका 21:34

“इ ताँई चेता म रेह्‍वो, कदै अंय्यां नइ होज्या क थे तो लाग्या रेह्‍वो पीबा-खाबा अर आटा चून की चिंत्या म अर बो दिन थार प फंदा की जंय्यां आ पड़ै।

1 कुरन्थीयो 16:22

अर ज कोई परबुऊँ परेम कोनी करै बिपै स्राप पड़ै ह। म्हारा परबु जी तावळा आवै ह!

1 कुरन्थीयो 6:7

सचाई तो आ ह क थे आपसरी म एक दुसरा प मुकदमाबाजी करर्या हो जखी थारी हारनै दरसावै ह। इऊँ चोखो तो ओ होवै क थे अन्याय सेल्यो अर थे थारी हानी उठाल्यो।

1 कुरन्थीयो 8:13

इ ताँई ज खाबो मेरा बिस्वासी भाईनै पाप करबा ताँई उकसावै ह जणा म कदैई मास कोनी खास्युं जिऊँ म मेरा बिस्वासी भाई क सामै पाप की बजै नइ बणू।

1 कुरन्थीयो 9:25

अर थे जाणो हो क खेल-कूद म भाग लेबाळा सगळा खिलाड़ी सगळी बाता प खराईऊँ चाली हीं। अर बे तो नास होबाळा मुकटनै पाबा ताँई अंय्यां करै ह, पण आपा बि मुकट ताँई कर्या हां जखो कदैई नास कोनी होबा को।

2 कुरन्थीयो 10:1

मसी की दिनता अर नरमाई क सागै म पोलुस निजी तोरऊँ बोलुँ हूँ। थारै मऊँ क्युं क जणा मेरै बारां म बोलीं हीं क जद म थारै आमै-सामै होऊँ बि टेम थारै सागै नरमाईऊँ रेह्ऊँ हूँ अर जद म थारूँ दूर रेह्ऊँ बि टेम सकताई बरतुँ हूँ।

2 थिसलूनिकी 2:2

ज थे कोईऊँ अंय्यां सुणो क परबु क ओज्यु आबा को दिन आग्यो ह जणा थे उकचुक मना होज्यो, नइ दरमई घबराज्यो। नइ कोई आत्माऊँ, नइ बोलऊँ नइ कोई लिखावटऊँ जखी म्हारी सी क्युना लागै जणा बी बिको बिस्वास मना करज्यो।

तितूस 3:2

बाऊँ बोल क बे कोईकी बुराई नइ करै, पण सगळा क सागै चोखो बरताव कर रळमिलर स्यांतीऊँ रेह्‍वै।

इबरानीआ 10:25

थे भेळो होबो मना छोडो, जंय्यां क कयानै तो बाणई पड़गी ह। पण एक दुसरानै समजाता रेह्ओ अर जंय्यां-जंय्यां बि दिननै कनै आता देखो जणा थानै ओर बी बेत्ती अंय्यां करबो चाए।

इबरानीआ 10:37

क्युं क पबितर सास्तर बतावै ह, “जिनै आणो ह, बो परमेसर तावळोई आसी। अर बो उवांर कोनी करसी।

1 पतरस 1:11

परमेसर की खेबाळा म बाई पबितर आत्मा ही, जखी मसी म ह। आ आत्मा बानै बताई क मसीनै दुख भोगणो पड़सी अर इकै पाछै बिकी मेमा होसी। परमेसर की खेबाळा ओबी जाणबो चाता हा क ओ कद अर कंय्यां होसी।

1 पतरस 4:7

बा घड़ी सांकड़ैई ह जद सक्यु नास होज्यासी। इ ताँई स्याणा बणो अर खुदनै बस म राखो जिऊँ थानै अरदास करबा म मदद मिलै।

दरसाव 22:20

ईसु जखो आ बाता को गुवा ह बो खेवै ह, “हाँ, म तावळोई आऊँ हूँ।” अंय्यांई होवै। ओ परबु ईसु, आ।

दरसाव 22:7

ईसु कह्यो, “सुणो! म तावळोई आऊँ हूँ। भागहाळा ह बे जखा इ पोथी म मांडेड़ा बचनानै जखा आबाळा टेम म पूरा होबाळा हीं बानै मानी हीं।”