फलिपी 4:2 - जीवन को च्यानणो (सेकावाटी नया नियम की पोथ्या)

² म यूओदिआ अर सन्तुखेऊँ अरदास करूं हूँ क दोन्यु जणी परबु म आपसरी म मेळमिलाप कर भाणा की जंय्यां रेह्‍वै।

फलिपी 4:2 Iomraidhean Croise

मरकुस 9:50

लुण चोखो ह पण लुण मऊँ सुवाद चल्योजा जणा बिनै कंय्यां चरचरो कर सकां हां? थे थारै म लुण जंय्यां को सुवाद राखो अर आपसरी म स्यांतीऊँ रिह्यो।”

1 कुरन्थीयो 1:10

जणा इब मेरा लाडला बिस्वास्यो, म आपणा परबु ईसु मसी क नाम म था सगळाऊँ अरदास करूं हूँ। जोक्यु थे बोलो बिपै सगळा एक मत होवो, जिऊँ थारै मांयनै फूट ना होवै। अर थारा बिचार अर इंछ्या एकई होवै।

फलिपी 3:16

जखो बी हो आओ ल्यो आपा एकसा नियमनै मानर आगैऊँ-आगै बढता जावां जिनै इब ताँई मानर आया हां।

1 थिसलूनिकी 5:13

बाका कामा की बजेऊँ प्यार-परेम क सागै बानै बोळा आदरमान क जोगा जाण्या करो अर आपसरी म मेळमिलापऊँ रेह्ओ।

इबरानीआ 12:14

सगळा क सागै मेळमिलाप राखबा अर पबितर होबा ताँई हरेक जंय्यां कोसिस करो क्युं क बिना पबितरता क कदैई कोई परबुनै कोनी देख सकै।