फलिपी 2:7 - जीवन को च्यानणो (सेकावाटी नया नियम की पोथ्या)

⁷ पण सक्यु तज'र गुलाम को सुभाव धर'र मिनख रूप म जलम लिओ। अंय्यां मिनख होर

फलिपी 2:7 Iomraidhean Croise

मत्ती 12:18

“देखो ओ मेरो दास ह जिनै म टाळ्यो हूँ, ओ मेरो लाडलो ह, जिऊँ म बोळो राजी हूँ। म मेरी पबितर आत्मा इकै उपर उतारस्युं, अर ओ धरती का सगळा मिनखा म हेलो पाड़सी क परमेसर ईमानदारीऊँ बाको न्याय करसी।

मत्ती 20:28

थे मिनख का बेटा की जंय्यां बणो जखो सेवा-पाणी कराबा ताँई कोनी आयो। पण सेवा-पाणी करबा अर बोळासारा मिनखानै छुटाबा ताँई आपका पिराण देबा आयो ह।”

मरकुस 9:12

ईसु बाऊँ बोल्यो, “सगळी बातानै सई करबा ताँई पक्कोई एलिआ पेल्या आसी। पण मिनख का बेटा क बारां म पबितर सास्तर म ओ क्युं मंडर्यो ह क बिनै बोळो दुख भोगणो पड़सी। अर लोग बिनै ठुकरासी?

लूका 22:27

बडो कूण? जखो खाबा ताँई चोकी प बेठ्यो ह, नहिस परूसगारो? के बो कोनी जखो खाबा बेठ्यो ह, पण म तो थारै मांयनै परूसगारा की जंय्यां हूँ।

यहून्ना 1:14

बचन देधारी होयो। बो दया अर सच क सागै म्हारै मांयनै रिह्यो। अर म्हें बिकी अंय्यां की मेमा देखी जंय्यां परम-पिता का इकलोता बेटा की मेमा।

रोमीयो 15:3

क्युं क मसी खुदनै राजी कोनी कर्यो हो। पण जंय्यां क, पबितर सास्तर म मंडेड़ो ह, “जखा तेरो अपमान कर्यो हो, बो अपमान मेर प आ पड़्यो ह।”

रोमीयो 15:8

म थानै बताऊँ हूँ क बडकाऊँ करेड़ा परमेसर का करार का सचनै, सचो साबित करबा ताँई मसी परमेसर की सचाई गेल यहूदि मिनखा को दास बण्यो।

रोमीयो 8:3

नेम-कायदो आपानै कोनी बचा सक्यो क्युं क पापी मिनख सुभाव की बजेऊँ बो कमजोर होगो। जणा परमेसर बो कर्यो जखो नेम-कायदो कोनी कर सक्यो, बो आपका एकलोता बेटानै आपणा पाप की सजा भोगबा ताँई आपणी पाप्या की काया स्यारकी काया म भेज्यो। अंय्यां परमेसर पापी काया म पापनै दंड दिओ।

2 कुरन्थीयो 13:4

बो कमजोरी म हो जणा बो सुळी प मर्यो, पण बो परमेसर की सक्‍तिऊँ जिंदो ह। अर म्हें बी बिमै तो कमजोर हां पण परमेसर की सक्‍ति की बजेऊँ बिकै सागै जीवां हां जिऊँ थानै सुदार सकां।

2 कुरन्थीयो 8:9

क्युं क थे आपणा परबु ईसु मसी की दयानै जाणो हो। बो सक्याको मालिक होर बी थारै ताँई गरीब बण्यो। जिऊँ थे बिकी गरीबी की बजेऊँ हर चिज का धणी बण सको।

गलातियो 4:4

पण जद ते टेम आयो, जणा परमेसर आपका बेटानै भेज्यो बो लूगाईऊँ जलम्यो। अर बो नेम-कायदानै मान्यो,

फलिपी 2:6

बो परमेसर का सुभाव म होर बी परमेसर क बराबर होबा को हक कोनी जतायो।

इबरानीआ 12:2

आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।

इबरानीआ 13:3

केदिआनै अंय्यां याद राखो जंय्यां थे बी बिकै सागै केद म रिह्या हो। अर जाकै सागै बुरो बरताव कर्यो गयो ह बाकी आ जाणर सुदी ल्यो क जंय्यां थे खुद पिड़ा म हो।

इबरानीआ 4:15

क्युं क आपणो म्हायाजक अंय्यां को कोनी जखो आपणी कमजोरीनै म्हेसुस कोनी कर सकै; क्युं क बिनै सगळी बाता म आपणी जंय्यां बिचास्यो गयो हो जणा बी बिमै कोई पाप कोनी लाध्यो।