फलिपी 1:9 - जीवन को च्यानणो (सेकावाटी नया नियम की पोथ्या)

⁹ थारो प्यार-परेम सचा ज्ञान अर सई समज क सागै बोळो-बोळो बढतो जावै इ ताँई म अरदास करूं हूँ।

फलिपी 1:9 Iomraidhean Croise

1 कुरन्थीयो 14:20

मेरा लाडला बिस्वास्यो, थे थारी समज म टाबर मना बणो। बुराई ताँई टाबर बण्या रेह्ओ पण समज म स्याणा बणज्याओ।

2 कुरन्थीयो 8:7

थे सगळी बाता म बढर्या हो जंय्यां क, बिस्वास म, बोली म, ज्ञान म, ईमानदारी म, परेम म, जखो थे म्हारूँ राखो हो। बंय्यांई दान देबा म बी बढता जाओ।

इफिसुस 5:17

इ ताँई मूरख मना बणो, पण परमेसर थारूँ काँई चावै ह बिनै ध्यानऊँ समजो।

कलुसीयो 1:9

इ बजेऊँ जनाड़ैऊँ म्हें थारै बारां म सुण्यो हो थारै ताँई अरदास करबो कोनी छोड्यो। म्हें अरदास करां हां क परमेसर थानै बिकी इंछ्या का गेरा ज्ञान अर बि सगळी बुदी अर समजऊँ भरै जखी आत्मिक ह।

कलुसीयो 3:10

अर नएड़ा सुभावनै ध्यार लिओ ह। अर थे परमेसर का गुण अर बिका सगळा ज्ञान म दिन-दिन बढता जाओ।

1 थिसलूनिकी 3:12

अर परबु करै थारो प्यार-परेम आपसरी म अर सगळा मिनखा क सागै दिन-दिन बढतो अर ओर बी बेत्ती बढतो जावै जंय्यां म्हारो प्यार-परेम थारै सागै ह।

1 थिसलूनिकी 4:1

मेरा लाडला बिस्वास्यो, म्हें थारूँ ईसु मसी का नामऊँ आ अरदास करां अर थानै समजावां हां क जंय्यां थे म्हारूँ परमेसरनै राजी करबाळो जीवन जिबो सीख्यो, अर बंय्यांई जीओ बी हो। जणा म्हें चावां हां क, थे बिमै ओर बी बेत्ती बढता जाओ।

2 थिसलूनिकी 1:3

मेरा लाडला बिस्वास्यो, थारै ताँई म्हानै पिता परमेसरनै धनेवाद देतो रेह्णो चाए अर ओ बाजीब बी ह, क्युं क थे बिस्वास म बोळा बढर्या हो। था सगळा म आपसरी म बोळो प्यार-परेम ह।

फिलेमोन 1:6

म आ अरदास करूं हूँ क, तू मिनखानै तेरै बिस्वास क बारां म बतावै जणा बिकै जरिए बे मसी का सगळा आसिरबादा क बारां म जाणै जखा आपानै दियड़ा ह।

इबरानीआ 5:14

पण रोटी तो स्याणा ताँई होवै, जखा सीखता सीखता भला-बुरा म भेद करबो जाणज्यावीं।

1 पतरस 1:22

थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।

2 पतरस 3:18

पण आपणा परबु अर छुटकारो देबाळा ईसु मसी की दया अर बिकी पिछाण म बढता जाओ। बिकी मेमा इब अर सदा-सदाई होती रेह्‍वै। अंय्यांई होवै!