फलिपी 1:21 - जीवन को च्यानणो (सेकावाटी नया नियम की पोथ्या)

²¹ मेर ताँई जिबो तो मसी ह, अर मरबो सऊँ चोखो।

फलिपी 1:21 Iomraidhean Croise

1 कुरन्थीयो 1:30

पण परमेसर थानै मसी ईसु म जोड़्यो अर मसीनै थारी बुदी बणायो। अर बिकै जरिएई आपा परमेसर की नजर्या म धरमी हां अर आपा परमेसर का पबितर मिनख बण्या अर अजाद कर्या गया।

1 कुरन्थीयो 3:22

जणा चाए बो पोलुस हो, चाए अपुलोस हो, चाए केफा हो, चाए सरस्टि हो, जीवन हो नहिस मोत हो, चाए आज की बाता हो नहिस आबाळा काल की बाता हो अ सगळी चिजा थारी ह।

2 कुरन्थीयो 5:1

क्युं क आपा जाणा हां आपणी काया जखी धरती का टापरा की जंय्यां ह जखी माटी होज्यासी। पण आपणा ताँई परमेसर जुग-जुग ताँई रेह्बाळो टापरो बणा राख्यो ह जखो ईस्बर नगरी म ह।

2 कुरन्थीयो 5:6

इ ताँई आपानै सदाई हिमत राखबो चाए क्युं क आपा जाणा हां क जद ताँई इ काया म हां, जणा बि झघाऊँ दूर हा जठै आपा परबु क सागै रेहस्यां।

2 कुरन्थीयो 5:8

जणा आपानै हिमत राखबो चाए क्युं क खुदकी कायानै छोडर परबु क सागै बिका घर म रेह्बो चोखो ह।

गलातियो 2:20

अर इब म खुद जिंदो कोनी हूँ, पण मसी मेरै म जीवै ह। अर ज म काया म जिंदो हूँ तो बस बि बिस्वासऊँ जिंदो हूँ जखो परमेसर का बेटा प ह, जखो मेरूँ परेम कर्यो अर मेरै ताँई खुदनै दे दिओ।

गलातियो 6:14

पण परबु ईसु मसी जखो सुळी प मर्यो, मनै आ बाता क अलावा ओर कोई बात पई गुमान कोनी। अर म जगत ताँई अर जगत मेरै ताँई सुळी प मरग्यो ह।

फलिपी 1:20

मेरी दिली इंछ्या अर आस ह क, म कदैई मेरा काम म सरमिंदा नइ होऊँ, पण हर टेम अर खासकर इब म हिमतऊँ भरज्याऊँ जिऊँ चाएस म जीऊँ अर मरूँ बस मेरी काया क जरिए मसी की मेमा होवै।

फलिपी 1:22

पण ज म काया म जीतो रिह्यो जणा म बोळा फायदा देबाळा काम कर सकूँ हूँ, आमऊँ कूणसी बातनै टाळबो चाए आ म कोनी जाणू।

फलिपी 1:23

म आ दो मता म अळजर्यो हूँ। इ कायानै छोडर मसी क सागै रेह्बो तो म बोळो चाऊँ हूँ क्युं क ओ मेर ताँई घणोई चोखो ह;

फलिपी 2:21

क्युं क बाकी सगळा ह जखा खुदको मतबल काडबा ताँई लाग्या रेह्‍वै ह, ईसु मसी का कामा की बानै जमाई चिंत्या कोनी।

दरसाव 14:13

जणा ईस्बर नगरीऊँ म ओ हेलो सुण्यो, “इनै मांडले: जखा इबऊँ परबु म मरी हीं बे भागहाळा हीं।” पबितर आत्मा खेवै ह, “हाँ क्युं क बे आपका कामाऊँ अराम पासी, अर बाका काम बाकै सागै ह।”