फलिपी 1:15 - जीवन को च्यानणो (सेकावाटी नया नियम की पोथ्या)

^15-17 आ बात बी साची ह क, क्युंक ह जखा जळता-बळता अर राड़ करबा ताँई मसी को हेलो पाड़ीं हीं। बे सचा मनऊँ मसी को हेलो कोनी पाड़ै पण खुदकी गरज काडबा ताँई मसी को परचार कर मेरी केद की टेम मई बे मनै दुख देबो चावीं हीं, पण दुसरा भली मनस्याऊँ मसी को परचार करीं हीं, अ अंय्यां प्यार-परेमऊँ करै ह क्युंक अ जाणै ह क, परमेसर मनै चोखा समचारनै सबूत देर साबित करबा को काम दिओ ह।

फलिपी 1:15 Iomraidhean Croise

मत्ती 23:5

बे जोक्यु बी करै ह बे मिनखानै दिखाबा ताँई करीं हीं। हात अर माथा प बांदबाळा ताबिजानै जिमै धरमसास्तर की पोथ्या धरी जावै ह, क्युं बेत्तीई चोड़ी करवावीं। अर आपका चोळानै बेत्तीई लामो करवावीं हीं। जिऊँ मिनख बानै धरमी जाणी।

भेजेड़ा चेला का काम 10:36

परमेसर इजरायली मिनखानै चोखा समचार को संदेस दिओ क ईसु मसीऊँ थानै स्यांती मिलसी। जखो सगळा को परबु ह।

भेजेड़ा चेला का काम 11:20

आमऊँ क्युंक साईपरस अर कुरेन का हा। अर जद बे अंताकीया म आया जणा बे यूनानी मिनखा म बी ईसु को समचार सुणाबा लागगा।

भेजेड़ा चेला का काम 5:42

बे रोजकी मनदर अर मिनखा क घरा म सीखाता अर चोखा समचार को परचार करता कोनी थक्या क ईसुई मसी ह।

भेजेड़ा चेला का काम 8:35

जणा फलिपूस बोलबा लाग्यो अर बिनै सास्तर की आ बाताऊँ लेर ईसु का चोखा समचार ताँई सुणा दिओ।

भेजेड़ा चेला का काम 8:5

फलिपूस सामरीया नाम की नगरी म जार बठै ईसुई मसी ह इकै बारां म परचार करबा लाग्यो।

भेजेड़ा चेला का काम 9:20

अर बो बिना देर कर्या दमिसक नगरी की अरदास करबाळी झघा म जार परचार कर्यो क ईसु परमेसर को बेटो ह।

रोमीयो 2:8

पण जखा खुदकी परवा करीं हीं अर सचनै कोनी मानी पण बुरो करीं हीं, बापै परमेसर की झाळ अर रीस पड़सी।

1 कुरन्थीयो 1:23

पण म्हें तो सुळी प चढाईड़ा ईसु मसी को हेलो पाड़ां हां, जखो यहूदि मिनखा ताँई आखळी अर गैर-यहूदि मिनखा ताँई बकवास ह।

1 कुरन्थीयो 13:3

अर ज म मेरी सगळी धन सम्पति गरीबा म बाट द्‍युँ, अर ज म चोखा समचार ताँई मेरी कायानै जळाबानै बी दे द्‍युँ। इकै बावजुदबी ज म परेम नइ करूं, जणा मनै काँई फाईदो।

2 कुरन्थीयो 1:19

क्युं क परमेसर का बेटा ईसु मसी जिको परचार तिमूतियूस, सिलवानुस अर म कर्या हा बो हाँ-हाँ अर नइ-नइ म कोनी हो। पण ईसु मसी म बो हाँ म हो।

2 कुरन्थीयो 11:13

क्युं क अंय्यां का मिनख झूठ मई भेजेड़ा चेला बण्या बेठ्या हीं अर धोकाऊँ काम करीं हीं, अर मसी का भेजेड़ा चेला जंय्यां को भेस बणावीं हीं।

2 कुरन्थीयो 12:20

म डरूँ हूँ क, जद म थारै कनै आऊँ, जणा कदै अंय्यां नइ होवै क, जंय्यां म थानै देखबो चाऊँ हूँ, बिऊँ न्याराई दिखो। अर जंय्यांको थे मनै नइ देखबो चाओ हो, बिऊँ न्यारोई देखो। अर मनै ओ बी डर ह क, कदै थारै मांयनै आपसरी म राड़, एक दुसराऊँ बळबो, झाळ काडबो, मतलबीपुणो, बदनामी अर बेजती करबो, काना-फूसी अर हेकड़ोपूणो अर काम बिगाड़बो नइ देखूँ।

2 कुरन्थीयो 4:5

क्युं क म्हें म्हारो नइ पण ईसु मसी को आ खेर क बोई परबु ह परचार करां हां। अर म्हें ईसु की बजेऊँ खेवां हां क म्हें थारा दास हां।

गलातियो 2:4

म्हें बठै बा मिनखा की बजेऊँ गया जखा म्हारै बिचमै ओलै-छानै मसी ईसु क गेल चालबाळा बणर आगा हा। अर बे अंय्यां इ बजेऊँ कर्या क मसी ईसुऊँ आबाळी अजादि को चोखो समचार जखो म्हानै मिल्यो ह बिको भेद लेर म्हानै दास बणावै।

फलिपी 2:3

खुदकी गरज काडबा अर बुरी इंछ्या राख'र फांप मारबा ताँई क्युंई मना करो, पण छोटा बाप का बणर एक-दुसरानै खुदऊँ चोखो मानो।

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।