इफिसुस 5:2 - जीवन को च्यानणो (सेकावाटी नया नियम की पोथ्या)

² अर प्यार-परेमऊँ जीवन बसर करो, जंय्यां मसी आपणाऊँ प्यार-परेम कर्यो अर परमेसर क सामै आपणै ताँई खुदकी भेंट चढा दि बिको आपणा ताँई ओ परेम चोखी सुगंद हाळी धूप की जंय्यां ह जखी परमेसरनै भावै ह।

इफिसुस 5:2 Iomraidhean Croise

मत्ती 20:28

थे मिनख का बेटा की जंय्यां बणो जखो सेवा-पाणी कराबा ताँई कोनी आयो। पण सेवा-पाणी करबा अर बोळासारा मिनखानै छुटाबा ताँई आपका पिराण देबा आयो ह।”

यहून्ना 13:34

“अर इ टेम म थानै नयो हुकम देऊँ हूँ क एक दुसराऊँ प्यार-परेम राखो। जंय्यां को प्यार-परेम म थारूँ कर्यो, बंय्यांई आपसरी म थे बी करो।

यहून्ना 6:51

बा जीवती रोटी म हूँ जखी ईस्बर नगरीऊँ उतरी। जखो बी इ रोटीनै खासी बो सदाई जिंदो रेह्सी। अर इ जगत का मिनखानै जीबा ताँई जखी रोटी म देस्युँ, बो मेरो मास ह।”

रोमीयो 15:16

क्युं क गैर-यहूदि मिनखा ताँई मसी ईसु को दास होर म परमेसरऊँ मिलेड़ा चोखा समचार को हेलो पाड़बा ताँई एक याजक की जंय्यां काम करूं हूँ, जिऊँ गैर-यहूदि मिनख पबितर आत्मा क जरिए पूरा का पूरा पबितर होर परमेसर क चढबा जोगो चढावो बण सकै।

रोमीयो 4:25

ईसुनै आपणा पाप ताँई मरबानै दिओ गयो अर आपानै धरमी बणाबा ताँई मरेड़ा मऊँ ओज्यु जीवायो गयो।

रोमीयो 8:3

नेम-कायदो आपानै कोनी बचा सक्यो क्युं क पापी मिनख सुभाव की बजेऊँ बो कमजोर होगो। जणा परमेसर बो कर्यो जखो नेम-कायदो कोनी कर सक्यो, बो आपका एकलोता बेटानै आपणा पाप की सजा भोगबा ताँई आपणी पाप्या की काया स्यारकी काया म भेज्यो। अंय्यां परमेसर पापी काया म पापनै दंड दिओ।

रोमीयो 8:37

आ सगळी बाता म बी म्हें म्हानै परेम करबाळा की बजेऊँ जीतबाळाऊँ बी बढर हा।

1 कुरन्थीयो 16:14

अर थे जोक्युबी करो बो परेमऊँ करो।

1 कुरन्थीयो 5:7

इ ताँई थे थारै मांयनैऊँ पुराणा खमिरनै जखी बुरी बाता हीं बारनै बगाद्‍यो अर खुदनै पबितर करो जिऊँ थे चोखो ताजा गुंदेड़ो आटो बण सको। पण थे तो बिना खमिर हाळी फसै की रोटी की जंय्यां हो। अर आपानै पबितर करबा ताँई ईसु मसीनै फसै की जंय्यां बलि कर चढायो गयो हो।

2 कुरन्थीयो 2:14

परमेसर को धनेवाद हो क बो आपानै मसी की बजेऊँ सदाई जीत का गेला प लेज्यावै ह। अर परमेसर मसी की बाता का ज्ञाननै च्यारूमेर फेलाबा ताँई आपानै चोखी सुगंद की जंय्यां काम म लेवै ह।

2 कुरन्थीयो 2:15

जखा नास कर्या जावै अर बचाया जावीं हीं बाकै मांयनै आपा बि धूप की सुगंद की जंय्यां हां जखी मसी परमेसर क चढावै ह।

2 कुरन्थीयो 8:9

क्युं क थे आपणा परबु ईसु मसी की दयानै जाणो हो। बो सक्याको मालिक होर बी थारै ताँई गरीब बण्यो। जिऊँ थे बिकी गरीबी की बजेऊँ हर चिज का धणी बण सको।

गलातियो 1:4

परम-पिता परमेसर की इंछ्यानै पूरी करबा ताँई मसी आपणा पाप ताँई खुदनै मरबा ताँई दे दिओ जिऊँ आपा बुरी दुनियाऊँ छुटाया जावां।

गलातियो 2:20

अर इब म खुद जिंदो कोनी हूँ, पण मसी मेरै म जीवै ह। अर ज म काया म जिंदो हूँ तो बस बि बिस्वासऊँ जिंदो हूँ जखो परमेसर का बेटा प ह, जखो मेरूँ परेम कर्यो अर मेरै ताँई खुदनै दे दिओ।

इफिसुस 3:17

अर थारा बिस्वास क जरिए मसी थारा हिया म बास करतो रेह्‍वै, थे थारै मांय प्यार-परेम की जड़ पकड़र बिपै निम धरल्यो।

इफिसुस 3:19

अर मसी का बि प्यार-परेमनै जाण सको जखो सगळी समजऊँ नाकै ह। अर थे परमेसर का सुभाव म भर्यापूरा होज्याओ।

इफिसुस 4:15

पण इकी बजाय आपानै प्यार-परेमऊँ सचाईनै बतार सगळी बाता म मसी म बढणो चाए। आपा बिस्वास्या को सीर मसी ह, जिमै सगळी काया का न्यारा-न्यारा अंग एक सागै जुड़्या रेह्‍वै। आ सगळी काया जोड़ा की मददऊँ एक सागै जुड़री ह। इ ताँई जद काया का अ न्यारा-न्यारा अंग प्यार-परेमऊँ आपको काम करै जणा सगळी काया मजबूती क सागै बढै ह।

इफिसुस 4:2

सगळी बाता म खुदनै छोटो बणार नरमाई समेत, थ्यावस राख'र प्यार-परेमऊँ एक दुसरा की सेण करो;

इफिसुस 5:15

इ ताँई थे ध्यान द्‍यो क कंय्यां को जीवन जीवो हो। अनाड़ी की जंय्यां मना जीओ पण बुदीमाना की जंय्यां जीवो।

इफिसुस 5:25

ओ मोट्यारो, थे बी थारी लूगायाऊँ प्यार-परेम राखो जंय्यां मसी बिस्वासी मंडळीऊँ प्यार-परेम राख'र खुदकी ज्यान बिस्वासी मंडळी ताँई दे दिनी।

फलिपी 4:18

मेरै कनै थारो देयड़ो सक्यु ह अर जुर्तऊँ बी बेत्ती ह: अर जखी चिजा थे ईफरदितुस क हाता मनै भेजी बे मनै मिलगी अर बे मिठी अर खुसबोई देबाळी भेंट ह जखी लेबा जोगी अर परमेसरनै राजी करबाळा बलिदान जंय्यां की ह।

कलुसीयो 3:14

अर आ सगळा लखणा म प्यार-परेमनै बी सामिल करल्यो जखो सगळी चिजानै आपसरी म कोनी टूटबाळा पटा म बांदै ह।

1 थिसलूनिकी 4:9

भाईचारा अर प्यार-परेम क बारां म म्हानै मांडबा की कोई जुर्तई कोनी, क्युं क इकै बारां म थे खुदई परमेसरऊँ सीख लिआ हो क कंय्यां आपसरी म प्यार-परेम राखबो चाए।

1 तिमूतियूस 2:6

जखो सगळा मिनखानै बचाबा ताँई खुदनै हरजाना क रूप म दे दिओ, जखी सई टेम प इ बात की गुवाई ही क, परमेसर सगळानै बचाबो चावै ह।

1 तिमूतियूस 4:12

तनै कोई क सामैई निचो नइ देखणो पड़ै क्युं क तू जवान ह, पण बोली-चाली, चाल-चलन, प्यार-परेम, बिस्वास अर खराई म तू बिस्वास्या क सामै नमूनो बणज्या।

तितूस 2:14

बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।

इबरानीआ 8:3

क्युं क जिनै बी म्हायाजक बणायो जावै ह बो भेंट अर बलि चढाबा ताँई बणायो जावै ह। इ ताँई जरूरी हो क इ म्हायाजक क कनै बी चढावा ताँई क्युंनै क्यु होणो चाए हो।

इबरानीआ 9:14

ज अ बाता साची ह जणा मसी को लोय कतो सक्‍तिसाली ह। अर अजर-अमर पबितर आत्मा क जरिए बो खुदनै निरदोस चढावा क रूप म परमेसरनै चढा दिओ, अंय्यां करबाऊँ अर लोयऊँ आपानै बो, मोत क गेलै लेज्याबाळा कामाऊँ सुद कर दिओ जिऊँ आपा जीवता परमेसर की सेवा कर सकां।

इबरानीआ 9:23

इ ताँई आ जरूरी ह क जखी चिजा ईस्बर नगरी की नकल ह, बानै ज्यानबरा का बलिदानऊँ सुद कर्यो जाणो चाए। पण ईस्बर नगरी की चिजा तो आऊँ चोखा बलिदानऊँ पबितर करी जाणी चाए।

इबरानीआ 9:26

अर ज अंय्यां होतो जणा मसीनै इ सरस्टि की सरूआतऊँ लेर कई बार पिड़ा भोगणी पड़ती; पण इब बो इ जुग क आखरी म सगळा ताँई एकबरई परगट होगो, जिऊँ बो खुदई बलिदान होर पाप को नास कर दे।

1 पतरस 4:8

अर सऊँ बडी बात आ ह क थे एक दुसराऊँ प्यार-परेम राखो, क्युं क परेम बोळा पापनै ढकै ह।

1 यहून्ना 3:16

मसी आपणा ताँई आपको जीवन तज दिओ इ बात की बजेऊँई आपा जाण सकां हां क परेम काँई ह। इ ताँई आपानै बी खुदका बिस्वासी भाईड़ा ताँई ज्यान देबानै त्यार रेह्णो चाए।

1 यहून्ना 3:23

अर परमेसर को हुकम ओ ह क, आपा बिका बेटा ईसु मसी का नाम प बिस्वास करां अर इकै सागैई ईसु मसी क कह्या गेल एक दुसराऊँ प्यार-परेम करां।

दरसाव 5:9

बे एक नयो गीत गार्या हा, “तूई, इ कागदनै अर इपै लगाईड़ी म्होरा की चेपीनै, खोलबा जोगो ह, क्युं क तू बलि होयो, थारा लोयऊँ, सगळा कूणबा का मिनखानै, सगळी बोली बोलबाळानै, देस-देस का मिनखानै परमेसर ताँई मोल लिआ हो।