इफिसुस 4:2 - जीवन को च्यानणो (सेकावाटी नया नियम की पोथ्या)

² सगळी बाता म खुदनै छोटो बणार नरमाई समेत, थ्यावस राख'र प्यार-परेमऊँ एक दुसरा की सेण करो;

इफिसुस 4:2 Iomraidhean Croise

मत्ती 11:29

थे मेरी हाळीनै लेल्यो अर बिनै लादल्यो अर थे मेरूँ सीखो क्युं क म सिदो-सादो अर मेरो हियो दयाऊँ भरेड़ो ह। जिऊँ थानै बी अराम मिलसी

मरकुस 9:19

ईसु बिकी बात सुणर बोल्यो, “अरै भेम करबाळो मिनखो, म कद ताँई थारै सागै रेहस्युं? अर थानै भोगस्युं? बि छोरानै मेरै कनै ल्याओ।”

भेजेड़ा चेला का काम 20:19

अर थानै आ बताबा की जुर्त तो आथ कोनी क यहूदि मिनख जद एको कर मेरै खिलाप होगा हा। जिऊँ मेर प कत्ती तुमत आई ही पण आकै बावजुद बी म दिन-रात नरमाई अर आसुआ क सागै कंय्यां परबु की सेवा करतो रिह्यो।

रोमीयो 15:1

आपा जखा बिस्वास म मजबूत हां, आपानै चाए क जखा बिस्वास म कमजोर हीं बानै सेण करां। आपा खुदनैई राजी नइ करां।

1 कुरन्थीयो 13:7

परेम सगळी बातानै सेह लेवै ह, सगळी बाता प बिस्वास राखै ह, सगळी बाता की आस राखै ह, अर सगळी बाता ताँई थ्यावस राखै ह।

गलातियो 6:2

अर थे एक दुसरानै दुख की घड़ी म सारो द्‍यो, अर ज थे अंय्यां करस्यो जणा मसी का नेम-कायदानै मानबाळा होस्यो।

कलुसीयो 1:11

बो थानै आपकी मेमाभरी सक्‍तिऊँ मजबूत बणावै ह जिऊँ थे थ्यावस राख'र सक्यु सेह सको। अर राजी-खुसीऊँ

1 तिमूतियूस 6:11

पण तू, जखो परमेसरनै मानबाळो ह, आ सगळी बाताऊँ दूर रेह्जे, पण धारमिक्‍ता, भगती, बिस्वास, परेम, थ्यावस अर दिनता म बण्यो रेह।

2 तिमूतियूस 2:25

अर जखा खिलाप होवीं बानै नरमाईऊँ समजाबाळो होणो चाए; काँई बेरो परमेसर बानै बाकी गळती मानर माफी माँगबा को मन देवै अर बेबी सच जाण जावै।

याकूब 1:21

इ ताँई सगळा गंदा कामाऊँ अर च्यारूमेर फेलेड़ी बुराईऊँ न्यारा होर, नरमाईऊँ थारै हिया म बसेड़ा परमेसर का बचननै मानो, जखा थारी आत्मा को छुटकारो कर सकै ह।

1 पतरस 3:15

पण मसीनै थारा हिया को मालिक मानो अर ज कोई थारूँ थारी आस क बारां म क्युं बुजै, जणा थे बिनै मान अर कदर क सागै जुबाब देबा ताँई सदाई त्यार रेह्‍ओ।

1 पतरस 3:8

मेरी आखरी हिदायत आ ह क, थे सगळा मेळमिलापऊँ रेह्ओ, भलाई करो, प्यार-परेमऊँ भाईचारो राखो, तरस खाओ अर खुदनै छोटा बणाओ।