इफिसुस 2:2 - जीवन को च्यानणो (सेकावाटी नया नियम की पोथ्या)

² अर गेलड़ा दिना म थे इ जगत का कूगेला प चालता हा, अर सगळी सूगली ओपरी बलाया का राजा को कह्यो कर्या करता हा, आ आत्मा बा मिनखा प हक जमावै ह जखा परमेसर का हुकमानै कोनी मानै।

इफिसुस 2:2 Iomraidhean Croise

मत्ती 11:19

मिनख को बेटो ओरा की जंय्यां खातो-पीतो आयो अर बे खेवै ह, ‘ओ पेटू अर दारूड़ो ह चुंगी लेबाळा अर पाप्या को भाईलो ह।’ परमेसर की बुदी प चालबाळा आपका करमाऊँ बिकी बुदीनै सई साबित करै ह।”

मत्ती 13:22

अर जखा बीज झाड़्या क मांयनै पड़्या अ बा मिनखानै परगट करै जखा परमेसर का बचन सुणै तो हीं पण इ दुनियादारी की चिंत्या अर धन-दोलत को लालच परमेसर का बचनानै भूला देवै ह क परमेसर बाऊँ काँई चावै ह।

मत्ती 13:38

खेत इ जगतनै दिखावै ह अर चोखा बीज ह बे परमेसर का राज का टाबर हीं अर खरप्तवार सेतान की ओलाद ह।

मरकुस 4:19

पण जीबा को घ्यार, मो-माया को लालच अर मन की बुरी बाता बाका हिया मई बचननै दबा देवै ह, इ ताँई बे बीज फळै कोनी।

लूका 16:8

आ देखर बो साऊकार बि बेईमान भंडारीनै खूब सरायो क्युं क बो तेजपुणाऊँ काम कर्यो। दुनिया का मिनख परमेसर का मिनखाऊँ बरताव म तेज पड़ी हीं।

लूका 22:31

ईसु पतरसऊँ बोल्यो, “समोन ओ समोन! मेरी बात सुण! जंय्यां एक किसान ग्युंनै फटकार बिनै तुड़ीऊँ न्यारो करै ह। बंय्यांई थानै सगळानै बिचासबा की हामी सेतान ले लिओ ह।

यहून्ना 12:31

ओ जगत का मिनखा ताँई न्याय को टेम ह, अर इब जगत का राजा सेतान को तक्‍तो पलट्यो जासी।

यहून्ना 13:2

ईसु अर बिका चेला आथण्या रोटी खार्या हा, जणा सेतान समोन का बेटा यहूदा इस्करोती क मन म ईसुनै धोकाऊँ पकड़ाबा की बात घाल दिओ हो।

यहून्ना 13:27

रोटी को टुक लेताई यहूदा म सेतान बड़गो। जणा ईसु बिऊँ बोल्यो, “तू जखो करबो चावै ह, बो तावळोसो करकरा ले।”

यहून्ना 14:30

इब ओर बेत्ती म थारूँ बात कोनी कर सकूँ क्युं क इ दुनिया को राजा सेतान आर्यो ह, पण मेर प बिको बस कोनी चालै।

यहून्ना 15:19

ज थे इ जगतऊँ लगाव राखता जणा ओ जगत थारूँ परेम करतो। पण म थानै इ जगतऊँ टाळ लिआ क्युं क थे इ जगत का कोनी जणाई ओ थारूँ बैर राखै ह।

यहून्ना 16:11

अर बो न्याय क बारां म बतासी क परमेसर इ दुनिया का राजा सेतान को न्याय पेलाऊँ कर दिओ ह।

यहून्ना 7:7

जगत थारूँ नफरत कोनी करै, पण मेरूँ करै ह, क्युं क म खेऊँ हूँ क, ‘तेरा करम बुरा हीं।’

यहून्ना 8:23

ईसु बोल्यो, “म इ दुनिया को कोनी जिका थे हो। थे धरती का हो पण म ईस्बर नगरीऊँ आयो हूँ।

यहून्ना 8:44

थारो बाप सेतान ह, अर थे बिकी इंछ्या प चालबो चाओ हो। बो तो सरूसई हत्यारो ह अर कदैई सच कानि कोनी रिह्यो क्युं क बिमै सच कोनी। बिको झूठ बोलबाळो सुभाव ह क्युं क बो झूठो अर झूठ को बाप ह,

भेजेड़ा चेला का काम 19:35

इकै पाछै नगरी को मुनिम मिनखानै चुप करार बोल्यो, “अरै इफिसीओ, कूण कोनी जाणै क इफिसुस नगरी म्हान देबी अरतिमीस अर आसमानऊँ गिरी बिकी मूरती अर बिका देवरा को रूखाळो ह।

भेजेड़ा चेला का काम 5:3

जणा पतरस बिऊँ बोल्यो, “हनन्या तेरा मन प सेतान कंय्यां कबजो कर लिओ क तू जमीन क बिकबाऊँ मिल्या पिसा म सक्यु राख'र पबितर आत्माऊँ झूठ बोलगो।

रोमीयो 12:2

दुनिया की बाता प मना चालो। पण लगातार परमेसरनै थारा मनानै पूरीतर्या बदलबा द्‍यो। क्युं क अंय्यां होबाऊँ थे परख'र जाणस्यो क परमेसर की काँई इंछ्या ह, काँई चोखो ह, काँई बिनै राजी करै अर काँई सिद ह।

1 कुरन्थीयो 5:10

अर मेरो खेबा को ओ मतबल बि कोनी हो क थे इ दुनिया का कुकरम करबाळाऊँ, लालच्याऊँ, ठगाऊँ, मूरतीपुजबाळाऊँ कोई नातो मना राखज्यो। ज थे अंय्यां करस्योक जणा तो थानै इ जगत का मिनखाऊँ न्यारो रेह्णो पड़सी।

1 कुरन्थीयो 6:11

अर थारै म बी पेल्या क्युंक मिनख अंय्यां का हा, पण इब थानै परबु ईसु मसी अर परमेसर की पबितर आत्मा क जरिए पापऊँ धोर पबितर कर परमेसर क सागै सई होबा ताँई परमेसरनै सूप दिओ गयो ह।

2 कुरन्थीयो 4:4

अर इ दुनिया को ईस्बर जखो सेतान ह बो बा मिनखा की मत मार राखी ह जखा बिस्वास कोनी करीं। जिऊँ बे चोखा समचार का मेमाभर्या उजाळानै कोनी देख सकीं अर मसी जखो परमेसर को रूप ह बिकी मेमा का समचारनै कोनी समजीं।

गलातियो 1:4

परम-पिता परमेसर की इंछ्यानै पूरी करबा ताँई मसी आपणा पाप ताँई खुदनै मरबा ताँई दे दिओ जिऊँ आपा बुरी दुनियाऊँ छुटाया जावां।

इफिसुस 1:21

मसी सगळा राजकरबाळा प, अधिकार्या प, उपरी सक्‍तिया प अर परबुआ प, अर हरेक नाम प राज करै ह, बिको ओदो इ दुनिया प अर आबाळी दुनिया प अधिकार राखबाळा ओदाऊँ उचो ह।

इफिसुस 2:11

इ ताँई थे इ बातनै याद करो क थे जलमजात गैर-यहूदि हो, अर काया म मिनखा क हाता सुन्नत करवायड़ा मिनख जानै इ बात प घमंड ह थानै बिना सुन्नतहाळा बोलै ह,

इफिसुस 2:13

पण थे जखा पेल्या परमेसरऊँ दूर हा, इब मसी ईसु का लोयऊँ कनै ल्याया गया हो।

इफिसुस 2:3

साचली तो आ ह क आपा सगळा बी बाकी जंय्यांई पेल्या बुरी इंछ्या गेल दिन काटर्या हा जखी काया अर मन की इंछ्या होती बिनैई करर्या हा। अर आ सगळा की जंय्यांई आपा बी परमेसर का परकोपनै भोगबा जोगा हा।

इफिसुस 4:17

इ ताँई परबु का नामऊँ म थानै चेतार्यो हूँ क इब आगैऊँ परमेसरनै नइ ध्यारबाळा मिनखा की जंय्यां मना जीवो क्युं क बाकी सोच बुरी ह,

इफिसुस 5:6

कोईबी थानै बेकार की बाताऊँ धोको नइ देदे; क्युं क आ कामा की बजेऊँ परमेसर को परकोप बिका हुकमानै नइ मानबाळा प पड़ै ह।

इफिसुस 5:8

क्युं क थे इब अँधकार म नइ पण परबु का उजाळा म हो, उजाळो भलाई, धारमिक्‍ता अर सच जंय्यां का फळ ल्यावै ह। इ ताँई उजाळा का टाबरा की जंय्यां जीओ।

इफिसुस 6:12

क्युं क आ राड़ मिनखाऊँ कोनी पण उपरी सक्‍तिया का अधिकारीयाऊँ, अँधकार का हाकीमाऊँ अर बुरी आत्मा की सेनाऊँ ह।

कलुसीयो 1:21

बो बी एक टेम हो जद थे थारा बुरा बिचार अर बुरा कामा की बजेऊँ परमेसरऊँ आंतरै हा अर बिका बेरी हा।

2 तिमूतियूस 4:10

क्युं क देमास तो इ दुनियादारी का मो म पड़र मनै छोडर थिसलूनिकी नगरी चलेगो ह, करेसकन्स गलातिया अर तितूस दलमतिया नगरी चलेगो।

याकूब 1:27

पण परमेसर अर परम-पिता की नजर्या म खरी अर पबितर भगती तो आ ह क अनाथ अर खाली होईड़ीनै बाकै दुख दरद म समाळै अर खुदनै इ दुनियादारीऊँ बेदाग राख।

याकूब 1:7

अंय्यां को मिनख आ आस नइ करै क, बिनै परबुऊँ क्युं मिलसी।

याकूब 4:4

ओ कुकरमी मिनखो, के थे ओ कोनी जाणो क, इ दुनियादारीऊँ भाईलाचारी करबो परमेसरऊँ बेर राखबो ह ? इ ताँई जखो बी दुनियादारीऊँ भाईलाचारी करै ह बो खुदनै परमेसर को बेरी बणावै ह।

1 पतरस 1:14

खयो मानबाळा टाबरा की जंय्यां जीओ। पेली थारा जीवन प बुरी इंछ्या को जोर चालतो हो, बंय्यां इब थारा जीवन प बुरी इंछ्या को जोर मना चालबा द्‍यो।

1 पतरस 4:3

थे बिस्वास म आबाऊँ पेली परमेसरनै नइ ध्यारबाळा मिनखा की जंय्यां खूब जीवन जीआ हो। थे कुकरमी हा, अर थे थारी बुरी इंछ्या गेल चालता हा। थे दारू म धुत्त, मेफलबाज्या अर उदफेली म लाग्या रेह्ता हा। अठै ताँई क थे सूगली मूरतानै पूजता हा।

2 पतरस 2:14

बे सदाई बि कुकरमी लूगाई की तक म रेह्‍वै जिकै सागै अ कुकरम कर सकै। अर बे पाप कर्या बिना कोनी सकै। अ भोळा-भाळा मिनखानै भूळा-फुसळार आपकै सागै कर लेवीं हीं आको हियो लालची ह अ सराप की ओलाद हीं।

1 यहून्ना 3:10

थे कंय्यां जाण सको हो क कूण परमेसर को बेटो ह अर कूण सेतान को बेटो ह? पण बे मिनख जखा धरम का काम कोनी करै अर आपका पाड़ोसी भाईऊँ परेम कोनी करै, बो पिता-परमेसर क कानिऊँ कोनी।

1 यहून्ना 3:8

जखोबी मिनख पाप करतो रेह्‍वै ह बो सेतान को ह, क्युं क सेतान जुगादऊँई पाप करतो आयो ह। जणाई तो परमेसर को बेटो परगट होयो जिऊँ क बो सेतान का कामा को नास करदे।

1 यहून्ना 4:4

ओ टाबरो, थे परमेसर का हो। इ ताँई थे झूठा परमेसर की खेबाळानै जीत लिआ हो। क्युं क थारै मांयनै रेह्बाळो परमेसर, इ दुनिया म रेह्बाळा सेतानऊँ बडो ह।

1 यहून्ना 5:19

आपा आबी जाणा हां क, सगळा जगत का मिनख सेतान क बस म ह, पण आपा परमेसर का हां।

1 यहून्ना 5:4

अर जखाबी मिनख परमेसर का टाबर बणज्यावीं हीं बे दुनियानै जीत लेवै ह। इकी बजे आपणो बिस्वास ह।

दरसाव 12:9

अर बि बडासारा अजगरनै धरती प फेक दिओ गयो, ओ बोई पुराणो बडो नाग ह जिनै दानव, सेतान बोल्यो गयो ह। ओ सगळा जगत का मिनखानै भंगरावै ह। बो आपका दुता क सागै धरती प फेक दिओ गयो।

दरसाव 13:14

पेलड़ा डरावना जानबर का अधिकारऊँ बो चमत्कार दिखातो हो। अंय्यां कर बो धरती का परमेसर प बिस्वास नइ करबाळा मिनखानै भंगरा दिओ जिऊँ बानै ओ बिस्वास होज्यावै क बानै पेलड़ा डरावना जानबरनै धोकणो चाए। बो मिनखानै पेलड़ा डरावना जानबर की मूरती बणाबा ताँई बोल्यो जिकै तलवारऊँ घाव होयो अर बो हाल जीवै हो। जिऊँ बिनै मान मिलै।

दरसाव 13:8

जखा मिनखा को नाम बि उन्या की जीवन हाळी पोथी म कोनी मांडेड़ो बे सगळा मिनख इ डरावना जानबरनै धोकसी। ओ उन्यो जखो इ सरस्टि की सरूआतऊँई बलि होबा ताँई ते कर्यो गयो हो।

दरसाव 16:17

इकै पाछै सातुओ ईस्बर नगरी दुत आपको प्यालो भाळ प उंदका दिओ, अर मनदर का सिंघासनऊँ जोरको हेलो सुणाई दिओ, “सक्यु पूरो होगो!”

दरसाव 20:2

बो बि अजगरनै जखो पुराणो साँप, दुस्ट अर सेतान खुवावै ह बिनै पकड़र एक हझार बरस ताँई साँकळऊँ बांद दिओ।