इफिसुस 1:5 - जीवन को च्यानणो (सेकावाटी नया नियम की पोथ्या)

⁵ पेल्याऊँई आ ते करलिनी ही क ईसु मसी म आपा बिका गोद लियड़ा टाबर होवां, आई बिकी खुसी अर मकसद हो।

इफिसुस 1:5 Iomraidhean Croise

मत्ती 1:25

पण जद ताँई बा बेटो नइ जलमी युसूफ बिकन कोनी गयो। अर युसूफ बेटा को नाम ईसु राख्यो।

मत्ती 11:26

क्युं क ओ थारी नजर्या म चोखो हो।

लूका 10:21

बि घड़ी ईसु पबितर आत्माऊँ भर'र राजी होर बोल्यो, “ओ परम-पिता ईस्बर नगरी अर धरती का मालिक म तेरो गुणगान करूं की तू आ बातानै ज्ञानीद्यान्याऊँ लखोर राखी अर गुठा छाप प आका भेदानै खोल्या। क्युं क ओ थारी नजर्या म चोखो हो।

लूका 11:32

न्यायहाळा दिन निनवे का मिनख बी खड़्या होर इ पिडी का मिनखा प दोस मंढसी। क्युं क निनवे का मिनख योना को परचार सुणर पापऊँ तौबा कर लिआ हा। पण अठै जखो ह बो योनाऊँ बी बडो ह।

लूका 12:32

“मेरा छोटा रेवड़ डरै मना, थारो परम-पिता थानै आपको राज देबो चावै।

यहून्ना 1:12

इकै बावजुद जत्ता बी बिनै अपणाया अर बिका नाम प बिस्वास कर्या, बानै बो परमेसर का टाबरिया होबा को हक दिओ।

यहून्ना 11:52

अर खाली यहूदि मिनखा ताँई नइ पण तीनतेरा होईड़ा परमेसर का मिनखानै एक काया की जंय्यां एक सागै भेळा करबा ताँई बी मरसी।

यहून्ना 20:17

ईसु बिऊँ बोल्यो, “मेरै हात मना अड़ा क्युं क म हाल ताँई परम-पिता क कनै उपर कोनी गयो हूँ। तू तो अंय्यां कर मेरा भाई-भाणा कनै जा अर बानै बता, ‘म मेरा अर थारा परम-पिता, परमेसर क कनै उपर जार्यो हूँ।’ ”

भेजेड़ा चेला का काम 13:48

आ सुणर गैर-यहूदि मिनख बोळा राजी होया अर परबु का बचना की मेमा करबा लागगा। अर जत्ता बी अजर-अमर जीवन ताँई टाळेड़ा हा बे बिस्वास कर्या।

रोमीयो 8:23

आ सरस्टिई नइ पण आपा बी जानै पबितर आत्मा को पेलो फळ मिल्यो हो, मांय-मांय घुटता रिह्या हां। क्युं क आपा इ बातनै उडिकर्या हां क बो आपानै आपकी ओलाद की जंय्यां अपणावै अर काया को छुटकारो होज्यावै।

1 कुरन्थीयो 1:1

परमेसर की इंछ्या गेल मसी ईसु म भेजेड़ो चेलो होबा ताँई टाळ्यो गयो, म पोलुस जखो बिस्वासी भाईड़ा सोस्थिनेस की मददऊँ आ चिठी,

1 कुरन्थीयो 1:21

इ दुनिया का मिनख बुदीऊँ परमेसरनै कोनी जाण्या। क्युं क आ परमेसर सोच समजर ध्यार राखी ही। इ ताँई परमेसरनै ओ चोखो लाग्यो क इ परचार क जरिए जखो आपा करां हां जिनै इ दुनिया का मिनख बकवास जाणी हीं बिस्वास करबाळानै बचावै।

2 कुरन्थीयो 6:18

म थारो बाप होस्युं, अर थे मेरा छोरा-छोरी होस्यो। आ बात सऊँ सक्‍तिसाली परबु खेवै ह।”

गलातियो 3:26

थे सगळा इब मसी ईसु प बिस्वास करबा की बजेऊँ परमेसर का बेटा हो।

इफिसुस 1:11

परमेसर सगळी चिजा बंय्यांई करी जंय्यां बो ध्यार राखी ही; अर परमेसर आपका मकसद गेल आपणानै बी मसी क सागै बिका मिनख होबा ताँई टाळ्यो जिनै बो बोळी पेल्याऊँई ध्यार राख्यो हो।

इफिसुस 1:9

परमेसर बोई कर्यो जखो बिको मकसद हो, अर बो बि भेदनै आपानै बतायो जिनै मसीऊँ पूरो करबा ताँई बो पेल्याऊँई ध्यार राख्यो हो।

फलिपी 2:13

क्युं क बो परमेसरई ह जखो थारै म काम करै ह, अर बोई थानै बिका मकसदनै पूरो करबा की इंछ्या अर सक्‍ति देवै ह।

कलुसीयो 1:19

क्युं क परमेसर की खुसी आ ही क बिका सगळा का सगळा गुण बिमै बास करै।

2 थिसलूनिकी 1:11

इ ताँई, म्हें थारै ताँई सदाई अरदास करां हां क, आपणो परमेसर थानै जुग-जुग का जीवन जोगो बणावै, जि ताँई थानै बो बुलायो ह। परमेसर थानै सक्‍तिऊँ भरै जिऊँ थे भलाई की हरेक इंछ्यानै अर बिस्वास का हरेक कामानै पूरा करो।

इबरानीआ 2:4

अर परमेसर बी आपका बडा-बडा चमत्काराऊँ, सक्‍तिऊँ भरेड़ा भात-भात का कामाऊँ, सेलाणीऊँ अर पबितर आत्मा का बरदानाऊँ जखा बिकी इंछ्याऊँ बाट्या गया हा, इनै साबित कर्यो।

1 यहून्ना 3:1

सोचो परम-पिता आपणाऊँ कतो बेत्ती परेम कर्यो ह, जिऊँ क आपा बिका टाबर खुवा सकां अर सच म आपा हां बी। आ दुनिया परमेसरनै कोनी जाणी आई बजे ह क बा आपानै बी कोनी जाणै।

दरसाव 21:7

जखो बी जीतसी बो आ सक्याको मालिक होसी। म बाको परमेसर होस्युं अर बे मेरा टाबर होसी।