इफिसुस 1:3 - जीवन को च्यानणो (सेकावाटी नया नियम की पोथ्या)

^3-4 परमेसर अर आपणा परबु ईसु मसी का परम-पिता की जे हो, जखो इ सरस्टिनै रचबा क पेल्याई आपा बिस्वास्यानै मसी म टाळ लिओ। बो आपानै टाळ्यो जिऊँ आपा बिकी नजर्या म पबितर अर निरदोस होवां। जणाई बो ईसु मसी म आपानै ईस्बर नगरी म सगळा भात का आत्मिक आसिरबाद दिआ हीं। अर परमेसर खुदका परेम की बजेऊँ

इफिसुस 1:3 Iomraidhean Croise

लूका 2:28

जणा समोन बि टाबरनै आपकी गोद्‍या म लेर, परमेसर को गुणगान कर बोल्यो,

यहून्ना 14:20

बो दिन आसी जणा थे जाण जास्यो, क म परम-पिता म अर थे मेर म, बंय्यांई म थारै म हूँ।

यहून्ना 17:21

ओ परम-पिताजी, म चाऊँ हूँ क बा सगळा म एको होवै, ठिक बंय्यांई जंय्यां म थारै म ओर थे मेर म हो। बे बी आपणा म एक होवीं जिऊँ क इ जगत का मिनख बिस्वास करै क थे मनै भेज्या हो।

यहून्ना 20:17

ईसु बिऊँ बोल्यो, “मेरै हात मना अड़ा क्युं क म हाल ताँई परम-पिता क कनै उपर कोनी गयो हूँ। तू तो अंय्यां कर मेरा भाई-भाणा कनै जा अर बानै बता, ‘म मेरा अर थारा परम-पिता, परमेसर क कनै उपर जार्यो हूँ।’ ”

रोमीयो 12:5

बंय्यांई आपा बोळा हां पण मसी क सागै एक होबा की बजेऊँ एक काया हां। इ ताँई आपणा मऊँ हरेक, एक दुसराऊँ जुड़ेड़ो ह।

रोमीयो 15:6

जिऊँ थे एक हिया अर एक मुंडा होर आपणा परबु ईसु मसी का परम-पिता परमेसर की मेमा करो।

1 कुरन्थीयो 1:30

पण परमेसर थानै मसी ईसु म जोड़्यो अर मसीनै थारी बुदी बणायो। अर बिकै जरिएई आपा परमेसर की नजर्या म धरमी हां अर आपा परमेसर का पबितर मिनख बण्या अर अजाद कर्या गया।

1 कुरन्थीयो 12:12

जंय्यां काया म भात-भात का अंग होर बी बे मिलर एक काया बणै बंय्यांई मसी बी ह।

2 कुरन्थीयो 1:3

परमेसर जखो आपणा परबु ईसु मसी को परम-पिता ह, दया करबाळो अर अराम देबाळो परमेसर धने ह।

2 कुरन्थीयो 11:31

परमेसर जखो आपणा परबु ईसु को परम-पिता ह, जिकी सदाई जे होती रेह्‍वै ह, बो जाणै ह क म झूठ कोनी बोलुँ।

2 कुरन्थीयो 5:17

इ ताँई इब जखो बी मसी म ह बो नई सरस्टि ह। गेलड़ी बाता बितगी। अर इब सक्यु नयो ह।

2 कुरन्थीयो 5:21

अर जखो कदैई पाप कोनी कर्यो बिनै परमेसर आपणा ताँई पापबली बणायो जिऊँ आपा परमेसर क सामै धरमी बाजां।

गलातियो 3:9

जणा जखा बिस्वास राखै ह, बानै बिस्वासी अब्राहम क सागै आसिरबाद मिलै ह।

इफिसुस 1:10

क सई टेम आबा प परमेसर इ मकसदनै पूरो करै, जिमै सगळी रचना जखी ईस्बर नगरी अर धरती प ह बानै एकसागै मसी म जखो सीर की जंय्यां ह भेळी करै।

इफिसुस 1:17

अर आपणा परबु ईसु मसी का परमेसर जखो मेमाभर्यो परम-पिता ह, बिऊँ माँगु हूँ क बो थानै बुदी देबाळी अर परगट करबाळी आत्मा दे, जिऊँ थे बिनै चोखा ढंगऊँ जाण सको।

इफिसुस 1:20

जंय्यां बो इ सक्‍तिनै मसीनै मोतऊँ ओज्यु जीवार बिनै ईस्बर नगरी म आपकै दाणै नाकै बिठाबा ताँई काम म लिनी ही।

इफिसुस 2:6

अर मसी क मरेड़ा म जी उठबा की बजेऊँ बो आपानै ईस्बर नगरी म मसी ईसु क सागै राज करबा ताँई जीवायो।

इफिसुस 3:10

जिऊँ परमेसर का भात-भात का ज्ञाननै बिस्वास्या की बिस्वासी मंडळी क हाताऊँ उपरी सक्‍तिया प राज करबाळा अर अधिकार्यानै बतावै।

इफिसुस 6:12

क्युं क आ राड़ मिनखाऊँ कोनी पण उपरी सक्‍तिया का अधिकारीयाऊँ, अँधकार का हाकीमाऊँ अर बुरी आत्मा की सेनाऊँ ह।

फलिपी 2:11

अर परम-पिता परमेसर की मेमा करबा ताँई हरेक खुदकी जबानऊँ मानिंगा क ईसु मसीई परबु ह।

इबरानीआ 8:5

अ, जखा परमेसर का पबितर तम्मू की सेवा करीं हीं बो, जखी ईस्बर नगरी म ह बिकिई नकल अर रूप म ह। इ ताँई जद मूसा पबितर झघा बणाबाळो हो जणा बिनै चेतायो गयो हो क, “याद राखजे हरेक चिज बंय्यांई होणी चाए जंय्यां तनै डूँगर प दिखायो गयो हो।”

इबरानीआ 9:23

इ ताँई आ जरूरी ह क जखी चिजा ईस्बर नगरी की नकल ह, बानै ज्यानबरा का बलिदानऊँ सुद कर्यो जाणो चाए। पण ईस्बर नगरी की चिजा तो आऊँ चोखा बलिदानऊँ पबितर करी जाणी चाए।

1 पतरस 1:3

परमेसर अर आपणा परबु ईसु मसी का परम-पिता की जे हो। क्युं क परमेसर आपणा प बडी दया दिखाई जणाई बो मसीनै मरेड़ा मऊँ जीवार आपानै नया जीवन की आस ताँई ओज्यु जीवायो ह।