2 तिमूतियूस 4:21 - जीवन को च्यानणो (सेकावाटी नया नियम की पोथ्या)

²¹ स्याळाऊँ पेल्या-पेल्या आबा की पूरी-पूरी कोसिस करजे। इबलुस, पुदेंस, लिनुस, कलौदिआ अर सगळा बिस्वासी भाई तनै राजी-खुसी का समचार बोल्या ह।

2 तिमूतियूस 4:21 Iomraidhean Croise

लूका 12:58

ज कोई तेरै खिलापत म मुकदमो लेर आवै। अर तनै कचेरी म लेज्यावै जणा चोखो ओई ह क बिऊँ कचेरी म जाबाऊँ पेल्याई सुळजेटो करले। नहिस बो तनै पंच क कनै लेज्यासी। अर पंच तनै परधान क हाता म देदेसी। अर परधान तनै काळ-कोठड़ी म बंद कर देसी।

1 कुरन्थीयो 16:20

अर सगळा भाईड़ा कानिऊँ बी थानै नमस्कार, थे हात जोड़र एक दुसरा को सत्कार करो।

2 कुरन्थीयो 13:13

सगळा परमेसर का मिनख थानै नमस्कार मांडी हीं।

फलिपी 4:22

परमेसर का सगळा मिनख जखा खासकर रोमी समराट का महल म काम करबाळा हीं बाकै कानिऊँ बी थानै जे मसी की पुगै।

2 तिमूतियूस 1:4

मेरै कनैऊँ जाती टेम का तेरा आसुआनै याद कर मेरै हिया म आ इंछ्या होवै क, म तनै देखूँ अर राजी होऊँ।

2 तिमूतियूस 4:13

जद तू आवै जणा तरोआस का रेह्बाळा करपुस क घराऊँ मेरो चोळो, पोथ्या अर चमड़ा को पतर तो खासकर याद कर ल्याजे।

2 तिमूतियूस 4:9

तावळोई मेरै कनै आबा की कोसिस कर,

तितूस 3:12

जद म अरतिमास नहिस तुखीकुसनै तेरै कनै भेजूँ। अर बाकै पुगताई तू तावळ कर मेरै कनै निकुपुलिस नगरी म आज्याजे। क्युं क स्याळै-स्याळै म बठैई रेह्बा की मनस्या करी।

2 यहून्ना 1:13

तेरी बिस्वासी भाण का टाबर-टिकर, थानै राजी-खुसी का समचार बोल्या हीं जानै परमेसर टाळ्यो।

3 यहून्ना 1:14

म आ आस करूं हूँ क, म थारै कनै आर आमै-सामै बतळाऊँ।