2 तिमूतियूस 4:10 - जीवन को च्यानणो (सेकावाटी नया नियम की पोथ्या)

¹⁰ क्युं क देमास तो इ दुनियादारी का मो म पड़र मनै छोडर थिसलूनिकी नगरी चलेगो ह, करेसकन्स गलातिया अर तितूस दलमतिया नगरी चलेगो।

2 तिमूतियूस 4:10 Iomraidhean Croise

मत्ती 12:32

अर ज कोई मिनख का बेटानै भलो-बुरो खेवै ह जणा बिनै परमेसर माफ कर सकै ह। पण जखो मिनख पबितर आत्मा क खिलाप क्युं खेवै ह जणा बिनै नइ तो इ जुग म अर नइ आबाळा जुग म माफी ह।

मत्ती 26:56

पण अ सगळी बाता जखी परमेसर की खेबाळा पबितर सास्तर म मांडी ह बानै पूरो होणोई ह।” अर ईसु का चेला बिनै छोडर भागगा।

लूका 14:33

अंय्यांई सक्यु तज्या पेली थे मेरा चेला कोनी बण सको।

लूका 16:13

कोईबी नोकर दो मालिका की सेवा एक सागै कोनी कर सकै, अंय्यां होसी तो एकऊँ तो बेर राखसी अर दुसराऊँ परेम, बो एक क सागै तो बफादार रेह्सी अर दुसरानै छोटो जाणसी। अंय्यांई थे परमेसर अर धन की सेवा एक सागै कोनी कर सको।”

लूका 17:32

याद राखो लुत की लूगाई क सागै काँई होयो,

भेजेड़ा चेला का काम 13:13

पोलुस अर बिकाळा साती पाफुसऊँ झाज म बेठर पंफुलिया की पिराग नगरी म आया; पण यहून्ना जिनै मरकुस बोलता हा बानै छोडर यरूसलेम चलेगो।

भेजेड़ा चेला का काम 15:38

पण पंफुलिया म मरकुस बानै एकला छोडर चोखा समचार परचार म बाकै सागै कोनी गयो हो इ बजेऊँ पोलुस बिनै सागै कोनी लेज्याबो चातो हो।

भेजेड़ा चेला का काम 16:6

बे फरूगिया अर गलातिया परदेसा म होर गया, क्युं क पबितर आत्मा बानै एसिया म बचन सुणाबा ताँई मना कर दिओ हो।

भेजेड़ा चेला का काम 17:1

इकै पाछै बे अम्फिपुलिस अर अपुलोनिया होताहोया थिसलूनिकी म आया, जठै यहूदि मिनखा की एक अरदास करबाळी झघा ही।

भेजेड़ा चेला का काम 17:11

अठै का यहूदि थिसलूनिकी का यहूदि मिनखाऊँ चोखा हा अर बे पूरा मनऊँ बचननै अपणाया अर बे रोजकी बाकी बोलेड़ी बातानै सास्तर म टोता हा क बे बंय्यांई ह क कोनी।

भेजेड़ा चेला का काम 17:13

अर जद थिसलूनिकी का यहूदि मिनखानै ओ बेरो पड़्यो की पोलुस बिरीया म बी परमेसर को बचन सुणार्यो ह जणा बे बठै आर भीड़नै बाकै खिलाप भर दिआ।

भेजेड़ा चेला का काम 18:23

क्युं क दिन बठै रेह्‍र बो बठैऊँ बिदा होर गलातिया अर फरूगिया ठिकाणा म सगळा चेला-चपाट्यानै समाळतो फिर्यो।

2 कुरन्थीयो 2:13

पण बठै जद मनै बिस्वासी भाईड़ो तितूस कोनी लाध्यो जणा मेरा जीव म तसली कोनी आई। अर म बठैऊँ बिदा होर मकीदुनिया कानि चाल पड़्यो।

2 कुरन्थीयो 7:6

पण दुखियारानै स्यांती देबाळो परमेसर तितूसनै म्हारै कनै भेजर म्हारी हिमत बंधाई।

2 कुरन्थीयो 8:16

परमेसर को धनेवाद हो, क बो तितूस क हिया म थारै बेई बाई चिंत्या दि जखी म राखूँ हूँ।

2 कुरन्थीयो 8:23

अर ज कोई मनै तितूस क बारां म बुजै, तो बो मेरो साती अर थारै ताँई मेरै सागै काम करबाळो मिनख ह। अर जठै ताँई म्हारा बिस्वासी भाईड़ा को सुवाल ह, बे मसी की मेमा ताँई बिस्वासी मंडळ्याऊँ भेजेड़ा दुत हीं।

2 कुरन्थीयो 8:6

इ ताँई म्हें तितूसनै बोल्या हा क जंय्यां बो दान भेळा करबा का कामनै थारै मांय सरू कर्यो हो, बिनै सूल पूरो करबा म थारी मदद करै।

फलिपी 2:21

क्युं क बाकी सगळा ह जखा खुदको मतबल काडबा ताँई लाग्या रेह्‍वै ह, ईसु मसी का कामा की बानै जमाई चिंत्या कोनी।

1 तिमूतियूस 6:10

क्युं क पिसा को मो सगळी बुराया की जड़ ह। क्युंक मिनख पिसा का लालच म बिस्वासऊँ मुंडो मोड़र बोळा दुख मोल ले लिआ।

1 तिमूतियूस 6:17

जखा मिनख इ दुनिया म पिसाळा हीं बानै आदेस दे बे इपै गुमान नइ करै, पण बाकी आस, नास होबाळा धन की बजाय परमेसर म हो, जखो आपानै आपणा सुक ताँई सगळी चिजा देवै ह।

2 तिमूतियूस 1:15

तू जाणै ह क, एसिया दिसावर का रेह्बाळा सगळा मेरूँ मुंडो फेर लिआ ह, जिमै फूगिलुस अर हरमुगनेस बी सामिल ह।

2 तिमूतियूस 4:16

जद पेली बर कचेरी म मनै लेर गया, जणा मेरा बचाव म मेरो सागो कोई कोनी दिओ, पण सगळा का सगळा मनै तज दिआ। ज हो सकै तो परमेसर बाऊँ इको हिसाब नइ लेवै।

तितूस 1:4

तितूस, आपणा एकसा बिस्वास की बजेऊँ, तू सचमई मेरो बेटो ह। परम-पिता परमेसर अर आपानै बचाबाळो मसी ईसु तेरै प दया अर स्यांती राखै।

2 पतरस 2:15

अ सई गेलानै छोडर भटकगा हीं। अ मिनख बओर का छोरा बिलाम का गेला प चालीं हीं; बिलाम जिनै हराम की कमाई प्यारी ही।