2 तिमूतियूस 3:3 - जीवन को च्यानणो (सेकावाटी नया नियम की पोथ्या)

³ बाकै हिया म नइ तो प्यार-परेम, नइ दया-धरम होसी। बे दुसरा की बुराई करबाळा, राड़ करबाळा, कुटिचर, भलाईऊँ बैर राखबाळा होसी।

2 तिमूतियूस 3:3 Iomraidhean Croise

मत्ती 10:21

सागे भाई-भाण भाई-भाणानै पकड़ा'र मरवासी, माँ-बाप टाबरानै मरवासी अर टाबर माँ-बापा क सामै होर बानै मरवा गेरसी।

मत्ती 4:1

जणा पबितर आत्मा ईसुनै उजाड़ म लेगी जिऊँ सेतानऊँ बो बिचास्यो जावै।

लूका 10:16

ईसु आपका चेलाऊँ बोल्यो, “जखो थारी सुणै, बो मेरी बी सुणै। अर जखो थानै कोनी बद्दै, बो मनै बी कोनी बद्दै, अर जखो मनै कोनी बद्दै, बो मनै भेजबाळानै बी कोनी बद्दै।”

लूका 16:14

पिसा का भूखा फरिसी आ सुणर ईसु को मजाक उडाबा लागगा।

यहून्ना 6:70

ईसु बाऊँ बोल्यो, “म थानै बारवांनै कोनी टाळ्यो के? इकै बावजुद थारै मांयनै एक जणो सेतान ह।”

रोमीयो 1:29

बे हरतर्या का अधरम, बुराई, लालच, बुरी लत, बळोकड़ापूणा, हत्या, राड़, धोको, बुरी मनस्या अर चुगली-चाळाऊँ भर्या पड़्या हीं।

रोमीयो 1:31

बे बेबुदी का अर करारनै तोड़बाळा हीं। बे दुसरा प दया कोनी करै अर बाकै हिया म परेम कोनी।

1 कुरन्थीयो 7:5

थे मोट्यार लूगाई एक दुसरा की इंछ्या मना मारज्यो। पण आपसरी म बतळार क्युंक देर ताँई इनै टाळ सको हो जिऊँ थारै अरदास करबा म दिकत नइ होवै, अर इकै पाछै थे ओज्यु एक सागै रह्यो; क्युं क कदै अंय्यां नइ हो क खुदनै बस म राखबा की कमी को फाईदो उठार सेतान थानै बिचासै।

1 कुरन्थीयो 7:9

पण ज थे खुदनै बस म नइ राख सको जणा इऊँ चोखो तो ओ ह क थे ब्या करल्यो; क्युं क इ भूख म जळबाऊँ ब्या करबो घणो चोखो ह।

1 थिसलूनिकी 4:8

इ ताँई जखो मिनख इ सीखनै माड़ी जाणै, जणा बो कोई मिनखनै माड़ो कोनी जाणै पण पबितर आत्मा देबाळा परमेसरनै माड़ो जाणै ह।

1 तिमूतियूस 3:11

अंय्यांई बाकी लूगायाबी ईज्जत हाळी हो अर बे चुगलीचाळा करबाळी नइ हो; बे चोकस अर सगळी बाता म बिस्वास जोगी हो।

तितूस 1:8

पण बो आवभगत करबाळो, भलाई चाबाळो, खुदनै बस म राखबाळो, पबितर, धरमी अर कायदा म रेह्बाळो होवै।

तितूस 2:3

अंय्यांई बूडी-ठेरी लूगायानै बी सीखा क बे पबितर मिनखा की जंय्यां बरताव करबाळी हो। बे चुगली-चाळा करबाळी नइ हो अर नइ बामै पीबा की लत हो। पण बे चोखी सीख देबाळी हो।

याकूब 2:6

पण जणा बी थे बा गरीबा को अपमान कर्यो हो। के पिसाळा मिनख थार प जोर कोनी जिमावै अर थानै कचेरी म घिसर कोनी लेज्यावै?

2 पतरस 2:14

बे सदाई बि कुकरमी लूगाई की तक म रेह्‍वै जिकै सागै अ कुकरम कर सकै। अर बे पाप कर्या बिना कोनी सकै। अ भोळा-भाळा मिनखानै भूळा-फुसळार आपकै सागै कर लेवीं हीं आको हियो लालची ह अ सराप की ओलाद हीं।

2 पतरस 2:19

बे मिनख बाऊँ छुटकारो देबा की तो जबान करीं हीं पण बे खुदई छुटकारो कोनी पायो। क्युं क जखो मिनख जिऊँ हार ज्यावै बो बिको दास बणज्यावै ह।

2 पतरस 3:3

सऊँ पेल्या तो थानै ओ जाणलेबो चाए क, अंत का दिना म हसी ठटा करबाळा आसी, जखा आपकी बुरी इंछ्या गेल चालसी।

यहूदा 1:16

क्युं क अ मिनख बड़बड़ाबाळा, दुसरा मिनखा म दोस ढुंढबाळा, आपकी इंछ्यानै पूरी करबा बेई जिबाळा, बडा-बडा बोल बोलबाळा अर आपका फायदा ताँई दुसरा की चमचागरी करबाळा हीं।

यहूदा 1:18

बे थानै खया हा क, “आखरी दिना म अंय्यां का मिनख बी आसी जखा परबु अर बिका मिनखा को तमासो बणासी, परमेसरनै नइ मानबाळा बे मिनख आपकी बुरी इंछ्या गेल मन मरजी करसी।”

दरसाव 13:15

बि दुसरा डरावना जानबरनै बि मूरती म पिराण गेरबा की सक्‍ति दि गई ही। जिऊँ बा बोल सकै। अर जत्ता बी मिनख बि मूरतीनै नइ धोकै बानै मार दिओ ज्यासी।

दरसाव 13:17

अर जिकै बी बा छाप कोनी होती बे नइ तो क्युं मोल ले सका हा अर नइ बेच सका हा। आ छाप बि डरावना जानबर को नाम अर बिको आंक ह।

दरसाव 16:6

क्युं क अ मिनख थारा मिनखा अर परमेसर की खेबाळा को लोय भुआया हीं। थे बानै पीबानै लोय दिओ ह बे इ जोगाई ह।”

दरसाव 17:6

म बि लूगाईनै परमेसर का मिनखा का लोय अर ईसु मसी की गुवाई देबाळा मिनखा का लोय पीबा की बजेऊँ मतवाळी होता देख्यो। बिनै देखर मनै बोळो ताजूब होयो।