2 तिमूतियूस 3:2 - जीवन को च्यानणो (सेकावाटी नया नियम की पोथ्या)

² क्युं क मिनख मतलबी, लालची, फाँप मारबाळो, मरोड़ म बाँका अर बुराई करबाळा, खुदका माँ-बाप को खयो नइ मानबाळा, दया नइ करबाळा, अधरमी होसी।

2 तिमूतियूस 3:2 Iomraidhean Croise

मत्ती 15:6

इ बात की बजेऊँ बिनै बिका माँ-बाप को मान करबा की जुर्त कोनी अंय्यां कर थे थारा रिती-रिवाजऊँ परमेसर का हुकमानै कोनी मानो।

लूका 12:15

अर ईसु बोल्यो, “चेता म रेह्ओ अर सगळा भात का लोभ लालचऊँ बच्या रेह्ओ क्युं क जीवन म धन दोलतई सक्यु कोनी।”

लूका 16:14

पिसा का भूखा फरिसी आ सुणर ईसु को मजाक उडाबा लागगा।

लूका 6:35

पण थारा दुस्मनाऊँ बी प्यार-परेम राखो, बाकै सागै बी भलाई करो, अर क्युं बी पाछो नइ आबा की आस कर बानै करजो द्‍यो। अर अंय्यां करस्योक जणा थारै ताँई बडो इनाम होसी। अर थे परम-परधान परमेसर का टाबर खुवास्यो क्युं क बो तो बुरा अर बिको धनेवाद नइ करबाळा प बी दया दिखावै ह।

भेजेड़ा चेला का काम 5:36

थानै याद होवै तो क्युंक बरसा पेली थियूदास आ खेतो होयो चमक्यो क म बी क्युं हूँ अर करीब च्यार सो मिनख बिकै गेल होलिआ, पण बो मार्यो गयो अर जत्ता बिनै मानता हा बे सगळा खिंडगा अर बिको आनदोलन मिटगो।

रोमीयो 11:18

जणा तनै बा डाळ्यां क सामै जखी तोड़र फेकी गई गुमान नइ करबो चाए। अर ज गुमान करै जणा ध्यान राख ओ तू कोनी जखो जड़्यानै पाळर्यो ह, आ तो बा जड़ ह जखी तनै पाळरी ह।

2 कुरन्थीयो 5:15

बो सगळा ताँई मर्यो जिऊँ जखा जीवै ह बे खुदका मतबल ताँई नइ जीवै पण बि ताँई जीवै जखो मरेड़ा मऊँ बा ताँई जीवायो गयो ह।

फलिपी 2:21

क्युं क बाकी सगळा ह जखा खुदको मतबल काडबा ताँई लाग्या रेह्‍वै ह, ईसु मसी का कामा की बानै जमाई चिंत्या कोनी।

कलुसीयो 3:5

इ ताँई थारै मांयनै जोक्यु दुनियादारी की इछ्या गेल काम करै ह बानै मार द्‍यो, जंय्यां मुंडा काळा होबाळा नाजायज कुकरम बासना भर्या काम, बुरी इंछ्या अर लोभ-लालच जखो परमेसर की नजर्या म बुरो ह अठै ताँई की मूरती पूजा की जंय्यां ह।

2 थिसलूनिकी 2:4

ओ मिनख परमेसर, झूठा देवता अर जानै मिनख धोकीं हीं बा सकै बिरोद म होज्यासी अर बो खुदनै आ सगळाऊँ बडो बतासी। बो परमेसर का मनदर म जार बेठ ज्यासी अर खुदनै परमेसर बतासी।

1 तिमूतियूस 1:20

हमनियस अर सिकन्दर बामैऊँई हीं, जानै म सेतान क हाता म सूप दिओ, जिऊँ बानै परमेसर की बुराई नइ करबा को पाठ सीखायो जा सकै।

1 तिमूतियूस 1:9

आ जा'णर क नेम-कायदा धरम्या ताँई कोनी, पण अधरम्या, खयो नइ मानबाळा, परमेसरनै नइ मानबाळा, पापी, असुद, माँ-बाप को बुरो करबाळा, मिनखानै मारबाळा,

1 तिमूतियूस 3:3

बो दारूड़ो नइ हो, मारपीट करबाळो नइ हो, पण दयाऊँ भरेड़ो अर स्यांतीऊँ रेह्बाळो होवै, बिको मो रिपीआ म नइ होवै।

1 तिमूतियूस 6:10

क्युं क पिसा को मो सगळी बुराया की जड़ ह। क्युंक मिनख पिसा का लालच म बिस्वासऊँ मुंडो मोड़र बोळा दुख मोल ले लिआ।

1 तिमूतियूस 6:4

जणा अंय्यां को मिनख मरोड़ म बांको रेह्‍वै, पण बो क्युंई कोनी जाणै। बिकी मत्ती मारी गई, अर बिनै बाता प जिदबो चोखो लागै ह। बिमैऊँ बळोकड़ोपूणो, दोस लगाबो, सूगली बाता अर बुराई निकळै ह।

2 तिमूतियूस 3:4

बे बिस्वासघाती, लापरवा, गुमान म फुलेड़ा, परमेसर की बजाय मोज-मस्तिऊँ प्यार करबाळा होसी।

याकूब 2:8

पबितर सास्तर म सगळा हुकमा म स्याही हुकम ओ ह क, “थे थारा पड़ोसीऊँ खुदकी जंय्यांई प्यार करज्यो।” अर ज थे इनै मानो हो जणा चोखोई करो हो।

याकूब 4:16

पण थे तो थारा झूठा पाखंडाऊँ खुद प गुमान करो हो। अंय्यां को गुमान करबो बुरो ह।

याकूब 4:6

पण परमेसर आपणा प दया करी ह, इ ताँई बिधी विधान म मंडेड़ो ह क, “परमेसर गुमान करबाळा क खिलाप ह, पण नरमाईऊँ चालबाळा मिनखा प दया करै ह।”

1 पतरस 5:5

अंय्यांई ओ जवानो थे बिस्वासी मंडळी का मुखिया क खया म चालो, थे छोटा बणर एक दुसरा की सेवा करो, क्युं क, “परमेसर गुमान करबाळा क खिलाप ह, पण जखो मिनख खुदनै छोटो बणावै ह बिकै उपर परबु दया करै ह।”

2 पतरस 2:10

आ बात खासकर बा मिनखा प लागू होवै ह जखा काया की बुरी इंछ्या गेल चालीं हीं। अर परमेसर का अधिकारनै कोनी मानी। बे ढिट अर बादिला हीं, अर अंय्यां का मिनख ईस्बर नगरी की सक्‍तिया की बुराई करबाऊँ कोनी डरै।

2 पतरस 2:12

पण अ मिनख निरबुदी ज्यानबरा की जंय्यां हीं, जखा को जलम पकड़्या जाबा अर नास होबा ताँई होयो ह। अ मिनख जखी बाता क बारां म जाणैई कोनी बाकै बारां म दुसरा की बुराई करीं हीं, अर जंय्यां ज्यानबर मार्या जावीं हीं बंय्यांई अ मिनख बी मार्या ज्यासी।

2 पतरस 2:18

क्युं क अ मिनख बा मिनखानै जखा पेल्या भटकेड़ा हा पण इबारई सई गेला प आया हीं, बाऊँ गुमान हाळी बाता कर बाकी बुरी इंछ्यानै जगावीं हीं। अर बानै गेलो भटकावै ह।

2 पतरस 2:3

अर बे लालची होबा की बजेऊँ थानै दिखावटी बाता बोलर थारूँ धन कमासी। अर बाकी सजा तो पेल्याऊँई परमेसर ते कर राखी ह। अर बाको नास बानै उडिकर्यो ह।

यहूदा 1:16

क्युं क अ मिनख बड़बड़ाबाळा, दुसरा मिनखा म दोस ढुंढबाळा, आपकी इंछ्यानै पूरी करबा बेई जिबाळा, बडा-बडा बोल बोलबाळा अर आपका फायदा ताँई दुसरा की चमचागरी करबाळा हीं।

दरसाव 13:1

जणा म समदर क मांयनैऊँ एक खुखार ज्यानबरनै बारनै निकळता देख्यो। बिकै दस तो सींग अर सात सीर हा। अर बिकै सींगा प दस ताज हा। बिका हरेक माथा प परमेसर की बुराई करबाळा नाम मंडर्या हा।

दरसाव 16:11

बे मिनख दरद अर गुमड़ा की बजेऊँ ईस्बर नगरी का परमेसर की बुराई करर्या हा, पण बे आपका कामाऊँ तौबा कोनी कर्या।

दरसाव 16:21

आसमानऊँ मण-मण का ओळा मिनखा प पड़र्या हा। अर इ म्हामारी की बजेऊँ मिनख परमेसर की बुराई करर्या हा। क्युं क आ म्हामारी बोळी भेंकर ही।

दरसाव 16:9

जिऊँ बे मिनख भेंकर गरमीऊँ तपगा अर परमेसर का नाम की बुराई करबा लाग्या जिकै बस म आ म्हामारी ही , पण बे तौबा कोनी कर्या अर नइ परमेसर की मेमा करी।