2 तिमूतियूस 3:16 - जीवन को च्यानणो (सेकावाटी नया नियम की पोथ्या)

¹⁶ सगळो पबितर सास्तर परमेसर की आत्मा की सक्‍तिऊँ मांड्यो गयो ह, जखो सच, गळती प फटकार, सुदार अर धारमिक्‍ता की सीख देवै ह।

2 तिमूतियूस 3:16 Iomraidhean Croise

मत्ती 13:52

जणा ईसु बाऊँ खयो, “जत्ता बी सास्तरानै सीखाबाळा ज्ञानी परमेसर का राज का चेला बण्या हीं बे बि घर का मालिक की जंय्यां ह, जखो बक्साऊँ नई अर पुराणी चिजा निकाळै ह।”

मत्ती 21:42

ईसु बाऊँ बोल्यो, “थे सास्तर को ओ बचन कोनी बाच्या के: “‘जि भाठानै चेजारा ख्याई जोगो कोनी समज्यो, बोई कूणा को भाठो निकळ्यो? अर ओ परबु कर्यो ह जखो आपणी आँख्या क सामै अचम्मो ह।’

मत्ती 22:43

जणा बो बाऊँ बोल्यो, “दाऊद पबितर आत्माऊँ भर'र बिनै परबु क्युं खेवै ह अर ओ मांडेड़ो बी ह;

मत्ती 26:54

ज म अंय्यां करस्युं जणा सास्तर म मंडेड़ो कंय्यां पूरो होसी क्युं क अंय्यां होणोई ह?”

मत्ती 26:56

पण अ सगळी बाता जखी परमेसर की खेबाळा पबितर सास्तर म मांडी ह बानै पूरो होणोई ह।” अर ईसु का चेला बिनै छोडर भागगा।

मरकुस 12:24

ईसु बाऊँ बोल्यो, “थे आ बातानै गळत लेली क्युं क थे सास्तरानै अर परमेसर की सक्‍तिनै कोनी जाणो।

मरकुस 12:36

पण दाऊद खुद पबितर आत्माऊँ भर'र बोल्यो हो: ‘परबु (परमेसर) मेरा परबुऊँ खियो जद ताँई म तेरा दुस्मनानै तेरै पगा तळै नइ कर द्‍युँ मेरै दाया हात बेठ्यो रेह।’

यहून्ना 10:35

परमेसर बा मिनखानै परमेसर जंय्यां का खयो, जानै बिको बचन दिओ गयो अर आपा जाणा हां क पबितर सास्तर म मंडेड़ी बात कदैई झूठी कोनी होवै।

यहून्ना 3:20

जखो बुराई करै ह, बो च्यानणाऊँ नफरत राखै ह। अर च्यानणा म कोनी आवै, क्युं क बो डरै ह क बिका करम चोड़ा म नइ आज्यावै।

भेजेड़ा चेला का काम 1:16

“मेरा यहूदि भाई-भाणो पबितर सास्तर को लेख जखो यहूदा (जखो ईसुनै पकड़बाळा की मदद करी ही) क बारां म मंडेड़ो ह, जिनै बोळी पेल्या पबितर आत्मा दाऊद क मुंडा होर बोल्यो हो, बो तो पूरो होणोई हो।

भेजेड़ा चेला का काम 18:25

बिनै परबु का गेला की सीख मिली ही अर बो आपकी सगळी आत्माऊँ ईसु क बारां म सई-सई बाता सुणातो अर सीखातो हो, पण बो खाली पाणी को बतिस्मो देबाळा यहून्ना क बारां मई जाणतो हो।

भेजेड़ा चेला का काम 20:20

अर जखी बात थारै ताँई चोखी ही बानै बताबा ताँई म कदैई मन म दबार कोनी राखी पण बा बाता की सीख सगळा क सामै अर घरा-घरा जार देतो रिह्यो।

भेजेड़ा चेला का काम 20:27

क्युं क म परमेसर की सगळी इंछ्या थानै बता दिओ हूँ।

भेजेड़ा चेला का काम 28:25

अर बे आपस म एक मत कोनी होया, जद बे बठैऊँ जाबा लाग्याक जणा पोलुस एक बात बोली, “यसाया परमेसर की खेबाळा का मुंडाऊँ पबितर आत्मा थारा बडकाऊँ कतो सई बोली ही, ‘जार आ मिनखाऊँ खे दे, क

रोमीयो 15:4

हरेक बात जखी पबितर सास्तर म मांडी गई ह, बा आपानै सीख देबा ताँई हीं, जिऊँ जखी थ्यावस अर हिमत सास्तराऊँ मिलै ह, बिऊँ आपानै आस मिलै।

रोमीयो 2:20

मूरखानै गेलो बताबाळो ह अर टाबरानै सीखाबाळो ह क्युं क नेम-कायदाऊँ तनै सगळो ज्ञान अर सच मिल्यो ह।

रोमीयो 3:2

हरतर्याऊँ बाको घणोई फाईदो ह, सऊँ पेली बात तो परमेसर का बचन बानै दिआ गया हीं।

रोमीयो 4:23

पबितर सास्तर को ओ बचन क, “बिस्वास बि ताँई धारमिक्‍ता गिण्यो गयो”, खाली बि ताँई नइ

1 कुरन्थीयो 12:7

एक दुसरा की भलाई ताँई पबितर आत्मा खुद हरेक बिस्वासी क जरिए न्यारा-न्यारा तरिकाऊँ परगट होवै ह।

गलातियो 3:8

नेम-कायदा म पेल्याऊँई बतायो गयो हो क, गैर-यहूदि मिनख बिस्वासऊँ धरमी होसी। जणाई तो परमेसर कानिऊँ अब्राहमनै ओ समचार सुणायो गयो क, “तेरै जरिए धरती का सगळा कूणबानै आसिरबाद मिलसी।”

2 तिमूतियूस 2:25

अर जखा खिलाप होवीं बानै नरमाईऊँ समजाबाळो होणो चाए; काँई बेरो परमेसर बानै बाकी गळती मानर माफी माँगबा को मन देवै अर बेबी सच जाण जावै।

2 तिमूतियूस 4:2

परमेसर का बचना को परचार कर। टेम बेटेम मिनखानै सुदारबा ताँई त्यार रेह। तू मिनखानै सई कर अर बाका पाप प बाकै दकाल लगा। सागैई बानै उदास बी मना होबा दे, बानै हिदायत देती टेम सदाई थ्यावस राखजे।

इबरानीआ 11:1

बिस्वास, आस करेड़ी चिजा मिलबा को पूरो भरोसो, अर नइ दिखबाळी चिजा को पुक्‍तो सबूत ह।

इबरानीआ 3:7

जणाई पबितर आत्मा खेवै ह, “ज थे आज बिकी उवाज सुणो,

इबरानीआ 4:12

क्युं क परमेसर को बचन जिंदो अर काम करबाळो ह। बो दोधारी तलवारऊँ बी बेत्ती पेनो ह। परमेसर को बचन आत्मा, पिराण, जोड़ अर गुली म जार बानै न्यारो-न्यारो कर सकै ह। अर ओ हिया का बिचारानै अर मनस्यानै बिचासै ह।