2 तिमूतियूस 2:7 - जीवन को च्यानणो (सेकावाटी नया नियम की पोथ्या)

⁷ जोक्यु म बोलुँ हूँ बिपै गोर धर, क्युं क परबु तनै सगळी बातानै समजबा की बुदी देसी।

2 तिमूतियूस 2:7 Iomraidhean Croise

लूका 21:15

क्युं क म थानै अंय्यां का बचन अर बुदी देस्युँ जिऊँ जोक्यु बी थे बोलस्यो जणा थारा बेरी थारै सामै कोनी खड़्या रेह सकींगा अर नइ बिनै गळत साबित कर सकींगा।

लूका 24:45

अर बो पबितर सास्तरनै समजाबा ताँई बाकी बुदी का पाट खोल दिआ।

लूका 9:44

“थे इ बात प कान लगाओ क मिनख को बेटो मिनखा क हाता म सूप्यो जासी।”

यहून्ना 14:26

मदद करबाळी पबितर आत्मा, जिनै परम-पिता मेरा नामऊँ भेजसी थानै सगळी बाता सीखासी। अर जखी बाता म थारूँ बोल्यो हो बे सगळी थानै याद दिवासी।

यहून्ना 16:13

पण जद सच की आत्मा आसी जणा बा, थारी सगळी सची बाता को गेलो दिखासी। बा थानै अगाऊ होबाळी बाता क बारां म बतासी। बा खुद क्युंई कोनी खेसी पण जोक्यु बा सुणै बाई खेसी।

भेजेड़ा चेला का काम 7:10

अर बो बिनै सगळी तुम्ताऊँ बचायो। परमेसर बिनै बुदी देर मिसर का राजा की नजर्या म उठायो, जिऊँ राजा बिनै आपको खास आदमी बणा लिओ, जणा इब राज-काज की अर राज महल की सगळी जिमेदारी बिनैई सूप दिनी।

1 कुरन्थीयो 12:8

अर पबितर आत्माऊँ एकनै बुदी भर्यो समचार अर दुसरानै ज्ञान की बाता बोलबा ताँई दि जावै ह।

फलिपी 4:8

मेरा लाडला बिस्वास्यो, जखी बाता सची, आदरमान करबाळी, धारमिक, पबितर, प्यारी, सदगुण, चोखी, बडाई जोगी ह बा बाताऊँ थे थारी बुदीनै भरल्यो।

कलुसीयो 1:9

इ बजेऊँ जनाड़ैऊँ म्हें थारै बारां म सुण्यो हो थारै ताँई अरदास करबो कोनी छोड्यो। म्हें अरदास करां हां क परमेसर थानै बिकी इंछ्या का गेरा ज्ञान अर बि सगळी बुदी अर समजऊँ भरै जखी आत्मिक ह।

1 तिमूतियूस 4:15

बा बरदानानै काम म लेतो रेह अर बामै ध्यान लगायो राख, जिऊँ तेरी तरक्की सगळा देख सकै।

2 तिमूतियूस 2:6

मेनत करबाळा किसाननै सऊँ पेली धरती को फळ मिलणो चाए।

2 तिमूतियूस 2:8

जंय्यां की चोखा समचार म सीखायो गयो ह, म बंय्यांई परचार करूं हूँ क, दाऊद का कूणबा को ईसु मसी जखो मरेड़ा मऊँ जी उठ्यो बिपै तेरा हियानै लगा।

इबरानीआ 12:3

इ ताँई बिपै ध्यान द्‍यो, क्युं क बो पाप्याऊँ अंय्यां का विरोध सेलिआ जिऊँ क थे नइ थको अर नइ हार मानो।

इबरानीआ 13:7

थे बा मुखियानै याद राखो जखा थानै परमेसर को बचन सुण्या हीं। अर ध्यानऊँ बाका चाल-चलन का फळनै देखर बाकी जंय्यांई बिस्वास करो।

इबरानीआ 3:1

ईस्बर नगरी का बुलावा म पाँतीवाळ ओ मेरा पबितर बिस्वासी भाईड़ो, थे थारो ध्यान बि परमेसर का भेजेड़ा ईसु प जखो म्हायाजक ह अर जिनै म्हें माना हां बिपै लगाओ।

इबरानीआ 7:4

इ ताँई थे सोचो तो सई, क बो कतो म्हान हो जिनै कूणबा को खास बडको अब्राहम मेंगी लूट को दसवो हिस्सो दिओ हो।

याकूब 1:5

पण ज थार मऊँ कोईनै बी बुदी की कमी होवै जणा बो परमेसरऊँ माँगै, जखो बिना धमकाया खुला हियाऊँ देवै ह, अर थानै आ बुदी दि ज्यासी।

याकूब 3:15

अंय्यां की बुदी ईस्बर नगरीऊँ कोनी आवै पण आ धरती की, मिनख सुभाव अर सेतान की बुदी होवै।

याकूब 3:17

पण जखी बुदी ईस्बर नगरीऊँ आवै ह बा सऊँ पेली तो पबितर होवै अर बिकै पाछै स्यांतीऊँ भरेड़ी, नरमाईऊँ भरेड़ी, बात मानबाळी, अपरम्पार दयाऊँ भरेड़ी, चोखा कामाऊँ भरेड़ी, दोगलोपुणो नइ करबाळी अर खरी होवै ह।

1 यहून्ना 5:20

इ बातनै बी आपा जाणा हां क परमेसर को बेटो ईसु मसी आयो अर आपानै समज दिओ जिऊँ आपा सचा परमेसरनै जाण सकां, अर आपा बिकै सागै रेह्‍वां जखो सचो ह, मतबल ईसु मसी क सागै। ओई सचो परमेसर अर अजर-अमर जीवन देबाळो ह।