2 तिमूतियूस 2:26 - जीवन को च्यानणो (सेकावाटी नया नियम की पोथ्या)

²⁶ अर चेतो कर सेतान का जाळऊँ बच ज्यावीं, जखो बानै खुदकी इंछ्या मनवाबा ताँई पकड़ राख्यो ह।

2 तिमूतियूस 2:26 Iomraidhean Croise

लूका 11:21

जद तगड़ो मिनख राछ लेर आपका घर की रूखाळी करै। जणा बिको घरबार बच्यो रेह्‍वै ह।

लूका 15:17

जद बो आपका आपा म आयो तो बड़बड़ाबा लाग्यो, ‘मेरा बाप क कनै कत्ताई मजुर ह जखा धापर खावीं हीं बिकै पाछै बी बाकन बच जावै ह। अर म अठै बास्यो मरूँ हूँ।

लूका 5:10

अंय्यांई जब्दि का बेटा याकूब अर यहून्नानै बी ताजूब होयो जखा समोन का साती हा। इपै ईसु समोनऊँ कह्या, “डरै मना, इबऊँ तू परमेसर का राज म मिनखानै ल्याबाळो बणसी।”

यहून्ना 13:2

ईसु अर बिका चेला आथण्या रोटी खार्या हा, जणा सेतान समोन का बेटा यहूदा इस्करोती क मन म ईसुनै धोकाऊँ पकड़ाबा की बात घाल दिओ हो।

यहून्ना 13:27

रोटी को टुक लेताई यहूदा म सेतान बड़गो। जणा ईसु बिऊँ बोल्यो, “तू जखो करबो चावै ह, बो तावळोसो करकरा ले।”

भेजेड़ा चेला का काम 26:18

जिऊँ तू बाकी आँख्या खोलै अर बानै अँधेराऊँ च्यानणा म अर सेतान की सक्‍तिऊँ परमेसर कानि ल्यावै, अर मेर प बिस्वास करबाऊँ बानै पापऊँ माफी मिलसी अर जखी बापोत मेरा टाळेड़ा मिनखा ताँई ह बिमै बाको बी हिस्सो होसी।’

भेजेड़ा चेला का काम 5:3

जणा पतरस बिऊँ बोल्यो, “हनन्या तेरा मन प सेतान कंय्यां कबजो कर लिओ क तू जमीन क बिकबाऊँ मिल्या पिसा म सक्यु राख'र पबितर आत्माऊँ झूठ बोलगो।

1 कुरन्थीयो 15:34

चेता म आओ, अर पाप को गेलो छोड द्‍यो। म थानै थारी सरमिंदगी दिखाऊँ हूँ क्युं क थारै म क्युंक मिनख परमेसरनै कोनी जाणै।

2 कुरन्थीयो 2:11

जिऊँ क आपा सेतान की भंगर्या म नइ आवां। क्युं क आपा बिकी चालाऊँ अणजाण कोनी हां।

इफिसुस 5:14

क्युं क जखो सक्यानै परगट करै ह बो उजाळोई ह। इ ताँई अंय्यां खेयड़ो ह, “ओ सोबाळा, जागज्या अर मरेड़ा मऊँ जी उठ; अर मसी को उजाळो तेरै प भळकसी”

कलुसीयो 1:13

परमेसर आपणानै अँधकार की सक्‍तिऊँ छुटार आपका लाडला बेटा क राज म बाड़्यो ह।

1 तिमूतियूस 1:20

हमनियस अर सिकन्दर बामैऊँई हीं, जानै म सेतान क हाता म सूप दिओ, जिऊँ बानै परमेसर की बुराई नइ करबा को पाठ सीखायो जा सकै।

1 तिमूतियूस 3:7

बो अंय्यां को मिनख होणो चाए जिकी बिस्वासी मंडळी क अलावा बारका मिनखा म बी ईज्जत हो, अंय्यां नइ हो क बो काळो मुंडो करवार सेतान का जाळ म फस जावै।

दरसाव 12:9

अर बि बडासारा अजगरनै धरती प फेक दिओ गयो, ओ बोई पुराणो बडो नाग ह जिनै दानव, सेतान बोल्यो गयो ह। ओ सगळा जगत का मिनखानै भंगरावै ह। बो आपका दुता क सागै धरती प फेक दिओ गयो।