2 तिमूतियूस 2:25 - जीवन को च्यानणो (सेकावाटी नया नियम की पोथ्या)

²⁵ अर जखा खिलाप होवीं बानै नरमाईऊँ समजाबाळो होणो चाए; काँई बेरो परमेसर बानै बाकी गळती मानर माफी माँगबा को मन देवै अर बेबी सच जाण जावै।

2 तिमूतियूस 2:25 Iomraidhean Croise

मत्ती 11:29

थे मेरी हाळीनै लेल्यो अर बिनै लादल्यो अर थे मेरूँ सीखो क्युं क म सिदो-सादो अर मेरो हियो दयाऊँ भरेड़ो ह। जिऊँ थानै बी अराम मिलसी

मत्ती 21:32

अंय्यां म इ ताँई खेर्यो हूँ क्युं क यहून्ना बतिस्मो देबाळो थानै धारमिक्‍ता को गेलो दिखाबा ताँई आयो पण थे बिको बिस्वास कोनी कर्या। पण चुंगी लेबाळा अर बेस्या बिको बिस्वास कर्या। पण थे बानै देखर बी थारा हियानै कोनी बदल्या अर नइ बिपै बिस्वास कर्या।

मरकुस 1:15

बो खयो, “परमेसर को राज सांकड़ै आबा को ठिक टेम आगो ह। जिमै परमेसर राज करसी। इ ताँई थे पापऊँ तौबा करो अर परमेसर का चोखा समचार प बिस्वास करो।”

यहून्ना 5:34

पण इको ओ मतबल कोनी क म मेर ताँई मिनखा की गुवाई चाऊँ हूँ। पण अ बाता म इ ताँई बोलुँ हूँ क थे बच ज्याओ।

भेजेड़ा चेला का काम 11:18

अ बाता सुणर बे बिऊँ जिरै करबो बंद कर दिओ अर सगळा परमेसर की आ खेर बडाई करबा लागगा की, “परमेसर गैर-यहूदि मिनखानै बी सचो जीवन जीबा ताँई पापऊँ मन फेरबा को दान दिओ ह।”

भेजेड़ा चेला का काम 2:38

जणा पतरस बोल्यो, “थे थारा पापऊँ तौबा करो ईसु मसी का नाम म बतिस्मो लेल्यो जिऊँ थारा पाप धोया जासी। अर थानै पबितर आत्मा को बरदान मिलसी

भेजेड़ा चेला का काम 20:21

अर म यहूदि अर यूनानी मिनखानै पापऊँ मन फेर'र परमेसर कानि मुड़बा अर परबु ईसु मसी प बिस्वास करबा ताँई खेतो रिह्यो।

भेजेड़ा चेला का काम 5:21

जणा बे बिकी बात मानर भागपाट्याई मनदर म जा लिआ अर बठै सीख देबा लागगा। बठिनै म्हायाजक अर बिकाळा साती, इजरायल म रेह्बाळा सगळा बूडा-ठेरा की पंचायत बुलार बानै भेळा कर्या अर कोठड़ी म खुवा भेज्यो क बानै पंचायत क सामै हाजिर करो।

भेजेड़ा चेला का काम 5:31

अर परमेसर बिनैई आपका दाया हात कानि उचा पद प बिठार राजकुमार अर बचाबाळो बणायो ह। बो इजरायल का मिनखानै पापऊँ मन फेरबा को मोको अर पाप की माफी देसी।

भेजेड़ा चेला का काम 8:22

इ ताँई तू बुरा कामाऊँ तौबा कर अर परबुऊँ अरदास कर जिऊँ तेरा हिया का बुरा बिचार माफ होज्यासी।

गलातियो 6:1

ओ मेरा लाडला बिस्वास्यो, थे जखा आत्मिक जीवन जीओ हो, ज थारी नजर्या म थार मऊँ कोई पाप करतो पकड़्यो जावै, जणा बिकै सागै नरमाईऊँ बरताव कर बिकी मदद करो जिऊँ बो पाछो बिस्वास म आज्यावै। अर थे बी हुस्यार रेहज्यो कदै थे पाप म नइ पड़ जाओ।

1 तिमूतियूस 2:4

अर बो चावै क, धरती का सगळा मिनख बचज्यावीं अर बे सचनै जाणी।

1 तिमूतियूस 6:11

पण तू, जखो परमेसरनै मानबाळो ह, आ सगळी बाताऊँ दूर रेह्जे, पण धारमिक्‍ता, भगती, बिस्वास, परेम, थ्यावस अर दिनता म बण्यो रेह।

2 तिमूतियूस 3:7

अ लूगाया सदाई बा सीखाबाळाऊँ सीखबो तो चावीं, पण सच काँई ह इनै कोनी जाण सकै।

तितूस 1:1

म ईसु मसीऊँ भेजेड़ो चेलो, परमेसर को दास पोलुस आ चिठी तितूस तनै मांडूँ हूँ। म परमेसर का टाळेड़ा मिनखानै बिस्वास म बढाबा भेज्यो गयो हूँ। जिऊँ बे सचनै जाणर पबितर जीवन जीवै।

तितूस 3:2

बाऊँ बोल क बे कोईकी बुराई नइ करै, पण सगळा क सागै चोखो बरताव कर रळमिलर स्यांतीऊँ रेह्‍वै।

याकूब 1:17

क्युं क सगळा दान बरदान अर चोखा इनाम उपरऊँई मिलै ह अर अ उजाळा को परम-पिता देवै ह जखो कदैई कोनी बदलै अर इमै बदलती दसा की बजेऊँ आबाळी काळी छाया बी कोनी।

1 पतरस 3:15

पण मसीनै थारा हिया को मालिक मानो अर ज कोई थारूँ थारी आस क बारां म क्युं बुजै, जणा थे बिनै मान अर कदर क सागै जुबाब देबा ताँई सदाई त्यार रेह्‍ओ।

1 यहून्ना 5:16

अर ज कोई मिनख खुदका बिस्वासी भाईनै अंय्यां को पाप करता देखै जिको फळ जुग-जुग की मोत कोनी ह जणा बो परमेसरऊँ बिकै ताँई अरदास करै जणा परबु बिनै जुग-जुग की मोत की सजा कोनी देसी पण बाकी अरदास सुणर जुग-जुग को जीवन देसी। पण म बा मिनखा ताँई अरदास करबा ताँई कोनी खेऊँ जखा अंय्यां का पाप करै ह जिको फळ जुग-जुग की मोत ह।