2 तिमूतियूस 2:24 - जीवन को च्यानणो (सेकावाटी नया नियम की पोथ्या)

²⁴ परमेसर को दास लड़बाळो नइ पण सगळा प दया दिखाबाळो, थ्यावस राखबाळो अर चोखो सीखाबाळो होणो चाए।

2 तिमूतियूस 2:24 Iomraidhean Croise

मत्ती 12:19

ओ नइ तो खिऊँ लड़सी, अर नइ गळी-कुचळ्या म कूकसी।

यहून्ना 6:52

इ बात प यहूदि आपसरी म आ खेर जिरै करबा लाग्या, “ओ मिनख आपानै आपको मास खाबा ताँई कंय्यां दे सकै ह?”

भेजेड़ा चेला का काम 15:2

इ बातनै लेर पोलुस अर बरनाबास बाऊँ खूब लड़्या, बोळी खिचा-ताणी होबा क पाछै बिस्वास्या की बिस्वासी मंडळी पोलुसनै, बरनाबास अर क्युंक बिस्वासी मिनखानै टाळ्या क जिऊँ बे अंताकीयाऊँ यरूसलेम म जार भेजेड़ा चेला अर बिस्वासी मंडळी का मुखियाऊँ फेसलो करवावै।

भेजेड़ा चेला का काम 23:9

अंय्यां चोखी खिचा-ताणी होगी। अर फरिसीया की टोळी मऊँ क्युंक सास्तरी खड़्या होर जोर-जोरऊँ खेबा लाग्या क, “म्हें इ मिनख म सजा देबा जोगो कोई दोस कोनी देखां, हो सकै क बिऊँ कोई आत्मा नहिस कोई ईस्बर नगरी दुत बोल्यो होसी, जणा इमै काँई बात होगी?”

भेजेड़ा चेला का काम 7:26

आगलै दिन बो दो इजरायली यहूदि भाईड़ानै घुळता देख्यो जणा बो बानै छुटाबा ताँई बोल्यो थे तो दोन्यु इजरायली हो जणा पाछै आपसरी म क्युं घुळो हो।

2 कुरन्थीयो 10:1

मसी की दिनता अर नरमाई क सागै म पोलुस निजी तोरऊँ बोलुँ हूँ। थारै मऊँ क्युं क जणा मेरै बारां म बोलीं हीं क जद म थारै आमै-सामै होऊँ बि टेम थारै सागै नरमाईऊँ रेह्ऊँ हूँ अर जद म थारूँ दूर रेह्ऊँ बि टेम सकताई बरतुँ हूँ।

2 कुरन्थीयो 10:4

क्युं क सेतान का नइ दिखबाळा गडानै ढाबा ताँई म्हारै कनै इ दुनिया का राछ कोनी पण बे राछ हीं जामै परमेसर की सक्‍ति ह।

2 कुरन्थीयो 6:4

पण म्हें सगळी बाता म कळेस, दुख, मुसीबत भोगर थ्यावस क सागै परमेसर का दासा की जंय्यां होबा की कोसिस करता रेह्‍वां हां।

गलातियो 5:22

पण पबितर आत्मा का फळ परेम, खुसी, स्यांती, थ्यावस, दया, भलाई, बिस्वास,

इफिसुस 4:2

सगळी बाता म खुदनै छोटो बणार नरमाई समेत, थ्यावस राख'र प्यार-परेमऊँ एक दुसरा की सेण करो;

फलिपी 2:14

सक्यु बिना बड़बडाट क अर बिना जिदा-जादि क कर्या करो,

फलिपी 2:3

खुदकी गरज काडबा अर बुरी इंछ्या राख'र फांप मारबा ताँई क्युंई मना करो, पण छोटा बाप का बणर एक-दुसरानै खुदऊँ चोखो मानो।

कलुसीयो 3:13

याद राखो परबु थारा पापनै माफ कर्यो ह, इ ताँई एक दुसरा की सिकायत करबा की बजाय बिनै सेल्यो अर एक दुसरानै माफ करो।

1 थिसलूनिकी 2:7

पण जंय्यां माँ आपका टाबरा की खेचळ करै ह बंय्यांकोई नरमाई को भेवार म्हें थारै सागै राख्यो। नहिस म्हें मसी का भेजेड़ा चेला होबा क चलतै थार प रोब जमार बोज गेर सकां।

1 तिमूतियूस 6:11

पण तू, जखो परमेसरनै मानबाळो ह, आ सगळी बाताऊँ दूर रेह्जे, पण धारमिक्‍ता, भगती, बिस्वास, परेम, थ्यावस अर दिनता म बण्यो रेह।

तितूस 1:1

म ईसु मसीऊँ भेजेड़ो चेलो, परमेसर को दास पोलुस आ चिठी तितूस तनै मांडूँ हूँ। म परमेसर का टाळेड़ा मिनखानै बिस्वास म बढाबा भेज्यो गयो हूँ। जिऊँ बे सचनै जाणर पबितर जीवन जीवै।

तितूस 1:7

परमेसर का कामनै आपका हाता म लेबाळा भंडारी ताँई ओ जरूरी ह क बिमै कोई एब नइ हो। बो घमंड करबाळो नइ होवै, नइ तावळोई ताव खाबाळो होवै, नइ दारूड़ो, नइ मारपीट करबाळो अर नइ पिसा को लालची।

तितूस 1:9

बो बिस्वास जोगा परमेसर का समचार म मजबूती क सागै ठिक बंय्यांई बिस्वास करै जंय्यां क बिनै सीखायो गयो ह। जिऊँ क बो ओरानै बी सची सीखऊँ हिमत बंधा सकै। अर जखा सामै होवै बा मिनखा को मुंडो बंद कर बानै मनवा सकै क बे गळत हीं।

तितूस 3:2

बाऊँ बोल क बे कोईकी बुराई नइ करै, पण सगळा क सागै चोखो बरताव कर रळमिलर स्यांतीऊँ रेह्‍वै।

याकूब 1:1

म परमेसर अर परबु ईसु मसी को दास याकूब, इजरायल का बारा कूणबा का बिस्वास्यानै नमस्कार मांडूँ हूँ, जखा तीनतेरा होगा।

याकूब 3:17

पण जखी बुदी ईस्बर नगरीऊँ आवै ह बा सऊँ पेली तो पबितर होवै अर बिकै पाछै स्यांतीऊँ भरेड़ी, नरमाईऊँ भरेड़ी, बात मानबाळी, अपरम्पार दयाऊँ भरेड़ी, चोखा कामाऊँ भरेड़ी, दोगलोपुणो नइ करबाळी अर खरी होवै ह।

याकूब 4:2

थे पाबा की इंछ्या तो राखो हो पण थानै मिलै कोनी, इ ताँई थे राड़ अर कळै करो हो, थे खून करो हो अर बळोकड़ोपूणो राखो हो जिऊँ थानै क्युं कोनी मिलै। थानै इ ताँई कोनी मिलै क्युं क थे परमेसरऊँ कोनी माँगो।

1 पतरस 3:8

मेरी आखरी हिदायत आ ह क, थे सगळा मेळमिलापऊँ रेह्ओ, भलाई करो, प्यार-परेमऊँ भाईचारो राखो, तरस खाओ अर खुदनै छोटा बणाओ।

यहूदा 1:3

लाडलो म तो घणोई चातो हो क, थानै बि छुटकारा क बारां म मांडूँ, जिका आपा बराबर का पाँतीवाळ हां। अर मनै अंय्यां बी लाग्यो क, म थानै अ बाता मांडर बढाओ द्‍युँ जिऊँ थे बिस्वास म बढता रेह्‍ओ, ओ बो बिस्वास ह जखो परमेसर का मिनखानै दिओ गयो ह।