2 तिमूतियूस 2:14 - जीवन को च्यानणो (सेकावाटी नया नियम की पोथ्या)

¹⁴ मिनखानै अ बाता याद दिवातो रेह। अर बानै परमेसर क सामै चेतार बोल क बे बेकार की बाता प नइ लड़ीं। अंय्यां करबो चोखो कोनी क्युं क बे बाता बानै सुणबाळा ताँई बिनास की जड़ ह।

2 तिमूतियूस 2:14 Iomraidhean Croise

मत्ती 16:26

अर ज कोई मिनख आपका पिराणा की हानी उठार सगळा जगतनै जीत ले जणा बिनै काँई फाईदो? कोई चिज क बदला म मिनख खुदका पिराण दे सकै ह के?

भेजेड़ा चेला का काम 13:10

अर बोल्यो, “सगळा छळ कपटऊँ भरेड़ा सेतान की ओलाद, भलाई का बेरी। तू परमेसर का सचा अर सिदा गेलानै तोड़बो मोड़बो कोनी छोडै के?”

भेजेड़ा चेला का काम 15:24

म्हारा काना म आ बात आई ह क म्हारै मऊँ क्युंक मिनख बठै थारै कनै आर थानै आपकी बाताऊँ घबरा दिआ अर भंगरा दिन्या। पण अंय्यां करबा ताँई म्हें तो बानै ओडायो कोनी जणाई तो

रोमीयो 14:1

जखा बिस्वास म कमजोर हीं बानै बी सागै राखो, पण बाका मतापै बहस मना करो।

गलातियो 1:7

पण मसी का चोखा समचारनै छोडर दुसरो समचार तो आथई कोनी, पण क्युंक मिनख थानै भंगरार्या हीं अर मसी का चोखा समचार म हेर-फेर करबो चावीं हीं।

इफिसुस 4:17

इ ताँई परबु का नामऊँ म थानै चेतार्यो हूँ क इब आगैऊँ परमेसरनै नइ ध्यारबाळा मिनखा की जंय्यां मना जीवो क्युं क बाकी सोच बुरी ह,

1 थिसलूनिकी 4:1

मेरा लाडला बिस्वास्यो, म्हें थारूँ ईसु मसी का नामऊँ आ अरदास करां अर थानै समजावां हां क जंय्यां थे म्हारूँ परमेसरनै राजी करबाळो जीवन जिबो सीख्यो, अर बंय्यांई जीओ बी हो। जणा म्हें चावां हां क, थे बिमै ओर बी बेत्ती बढता जाओ।

2 थिसलूनिकी 3:6

मेरा लाडला बिस्वास्यो, म्हें थानै परबु ईसु मसी म ओ आदेस देवां हां क, हरेक अंय्यां का बिस्वासी भाईड़ाऊँ नाकैई रेह्ज्यो जखो कामऊँ जी चुरावै ह। अर जखी सीख म्हें बिनै दिनी ह बिकै गेल कोनी चालै।

1 तिमूतियूस 1:4

अर बा क्हाण्या अर पिड्या प गोर नइ करै जखी राड़ करावै ह, अर परमेसर की बि इंछ्यानै पूरी कोनी करीं, जखी खाली बिस्वासऊँई पूरी हो सकै ह।

1 तिमूतियूस 1:6

क्युंक मिनख इ गेलानै छोडर बेकार की बाता म उळ्जगा हीं।

1 तिमूतियूस 4:8

काया की कसरतऊँ तो चिनोसोई फाईदो होवै, पण परमेसर की भगती तो सगळी बाता म फाईदो करै ह। क्युं क आज अर आबाळा जीवन का सगळा आसिरबादा की जामनी भगती प टिकरी ह।

1 तिमूतियूस 5:21

म तनै परमेसर, मसी ईसु अर टाळेड़ा ईस्बर नगरी दुता की मोजूदगी म बोलुँ हूँ क, बिना कोईकी भीड़ लिये तू आ आदेसानै मानजै अर ख्यामई कोईकै सागैई भेद-भाव मना करजे।

1 तिमूतियूस 6:13

सगळानै जीवन देबाळा परमेसर क सामै अर मसी ईसु जखो पीळातुस क सामै हिमत क सागै आपका बिस्वासनै दिखायो बिमै, म तनै आदेस देऊँ हूँ,

2 तिमूतियूस 1:6

जणाई म तनै याद दिआऊँ क, बि बरदाननै थाम्यो राख, जिनै परमेसर तनै बि टेम दिओ हो जद म तेर प हात धर्यो हो।

2 तिमूतियूस 2:16

मिनखनै परमेसरऊँ दूर लेज्याबाळी दुनियादारी अर बकवास बाताऊँ खुदनै दूर राख।

2 तिमूतियूस 2:23

बकवास अर बेतुक की बाताऊँ खुदनै दूर राख क्युं क तू खुद जाणै ह अ बाता राड़-झगड़ा करावै ह।

2 तिमूतियूस 4:1

मसी ईसु जखो राजा क रूप म आसी अर सगळा जीवता अर मरेड़ा को न्याय करसी बिनै अर परमेसरनै गुवा मानर म तनै आदेस देऊँ हूँ,

तितूस 3:1

तू मिनखानै याद दिवा क राज करबाळा अर परधाना को खयो मानी। अर हरतर्या का भला काम करबा ताँई त्यार रेह्‍वै।

इबरानीआ 13:9

भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।

2 पतरस 1:13

म सोचूँ हूँ क, ओ चोखो ह क जद ताँई म इ काया म हूँ, थानै अ बाता याद दिवातो रेहस्युं।