2 तिमूतियूस 1:8 - जीवन को च्यानणो (सेकावाटी नया नियम की पोथ्या)

⁸ जणा तू आपणा परबु अर मेरी गुवाई देबा ताँई, म जखो मसी ताँई केद म हूँ नाड़ निची मना करजे। पण अंय्यां करबा की बजाय परमेसर जखी ताकत तनै दि ह बिनै मेरै सागै चोखा समचार ताँई दुख उठाबा म लगा।

2 तिमूतियूस 1:8 Iomraidhean Croise

मरकुस 8:38

ईसु बाऊँ बोल्यो, “जखो बी इ कुकरमी अर सचा परमेसरनै कोनी ध्यार बाळी पिडी मऊँ, मेरूँ अर मेरा बचनाऊँ मुंडो फेरसी जणा मिनख को बेटो बी जद बो पबितर ईस्बर नगरी दुता क सागै अर आपका परम-पिता की मेमा म आसी बो बी बा मिनखाऊँ मुंडो फेर लेसी।”

लूका 9:26

जखो बी, मिनखा क सामै मनै अर मेरा बचनानै मानबाऊँ सरम करसी, जणा मिनख को बेटो बी बाऊँ नातो राखबो आपकी बेजती मानसी जद बो पबितर ईस्बर नगरी दुता, आपका परम-पिता अर खुदकी मेमा म आसी।

यहून्ना 15:27

थे बी मेरी गुवाई देस्यो, क्युं क थे सरूआतऊँई मेरै सागै हो।

यहून्ना 19:35

आ बताबाळो बो ह, जखो अंय्यां होता देख्यो, जिऊँ क थे बी बिस्वास करो। बो जोक्यु बोल्यो हो बो सच हो अर बो जाणै ह क बो सच बोल्यो।

भेजेड़ा चेला का काम 5:41

बे राजी-खुसी पंचायतऊँ चलेगा क्युं क ईसु नामऊँ परमेसर बानै पिड़ा अर बेजती भोगबा जोगा समज्या।

रोमीयो 1:16

म मसी का चोखा समचारऊँ कोनी सरमाऊँ क्युं क जखो बी बिस्वास करै बिकै छुटकारा ताँई ओ समचार पेली यहूदि मिनखा ताँई अर पाछै यूनानी मिनखा ताँई बी परमेसर की सक्‍ति ह।

रोमीयो 16:25

बिकी बडाई होवै जखो थानै, ईसु मसी का संदेस, जि चोखा समचार को म हेलो पाड़ूँ हूँ अर परमेसर का परगट होयड़ा बि भेदभर्या सच गेल जखो जुगादऊँ लुखेड़ो हो, मजबूत बणाबा की सक्‍ति राखै ह।

रोमीयो 8:36

जंय्यां क पबितर सास्तर म मंडेड़ो ह: “क्युं क तेरी बजेऊँ म्हानै हर टेम मोत को मुंडो देखणो पड़ै; म्हें कटबाळी लल्डी समज्या जावां हां।”

रोमीयो 9:33

जंय्यां क पबितर सास्तर म मंडेड़ो ह, “सुणो, म सिओन म एक भाठो धर राख्यो हूँ, जखो ठोकर खुवावै ह अर एक ढाड जखी पाप करवावै ह। पण जखो बिपै बिस्वास करै ह, बो कदैई सरमिंदा कोनी होसी।”

1 कुरन्थीयो 1:6

क्युं क मसी क बारां म थारै मांयनै, म्हारो संदेस पक्को साबित होयो ह।

2 कुरन्थीयो 6:7

अर परमेसर की सक्‍ति की बजेऊँ म्हें परमेसर का दास हां। हमलो करबा अर बचाव ताँई म्हारी धारमिक्‍ता म्हारो राछ ह।

इफिसुस 3:1

इ बजेऊँ म, पोलुस थारै ताँई जखा गैर-यहूदि हो, मसी ईसु को दास हूँ, आई मेरै केदि होबा की बजे ह।

इफिसुस 3:13

जणाई म थारूँ हात जो'ड़र खेऊँ हूँ क, थे हिमत मना हारो क्युं क म थारै ताँई जेळ म दुख उठार्यो हूँ, अर अ सगळी बाता थारै भला ताँई ह।

इफिसुस 4:1

इ ताँई म, जखो परबु की सेवा ताँई केदि हूँ थारूँ आ अरदास करूं हूँ क जखा हेलाऊँ थानै बुलायो गयो हो बिकै जोगीई चाल चालो,

इफिसुस 4:17

इ ताँई परबु का नामऊँ म थानै चेतार्यो हूँ क इब आगैऊँ परमेसरनै नइ ध्यारबाळा मिनखा की जंय्यां मना जीवो क्युं क बाकी सोच बुरी ह,

फलिपी 1:7

थारै बारां म अंय्यां सोचबो मेर ताँई सई ह, क्युं क थे मेरा काळज्या म बसर्या हो। बि सोभाग म थे सगळा पाँतीवाळ हो जखो परमेसर मनै दिओ, चाएस म जद अब जेळ म हूँ अर नहिस जद म अजादिऊँ चोखा समचार क सच को सबूत देर बिनै पुक्‍ता करबा म लागर्यो हो।

फलिपी 3:10

म आ आस राखूँ हूँ क म बी मर'र मोतऊँ ओज्यु जिंदो हो जास्युं। अर इ आस ताँई म मसीनै जाणबो चाऊँ हूँ अर बिकी बि सक्‍तिनै म्हेसुस करबो चाऊँ जिऊँ बो मर्या पाछै ओज्यु जिंदो होगो हो। अर म बिकीसी पिड़ा उठार बिकासा मरबा म बिको संगी होबो चाऊँ हूँ।

फलिपी 4:13

अर मसी कानिऊँ मिलेड़ी सक्‍तिऊँ म हरेक दसा को सामनो करबा की हिमत राखूँ हूँ।

कलुसीयो 1:11

बो थानै आपकी मेमाभरी सक्‍तिऊँ मजबूत बणावै ह जिऊँ थे थ्यावस राख'र सक्यु सेह सको। अर राजी-खुसीऊँ

कलुसीयो 1:24

मसी की सेवा करतो होयो म थारै ताँई दुख उठाबानै राजी हूँ, अर म मसी की काया मतबल बिस्वास्या की बिस्वासी मंडळी ताँई मसी का सेवका की पिड़ानै भोगर्यो हूँ।

1 थिसलूनिकी 3:4

क्युं क जद म्हें थारै कनै हा जणा पेल्याई थानै बतायो हो क आपानै कल्डा टेमऊँ जाणो पड़सी अर बंय्यांई होयो आ थेबी जाणो हो।

1 तिमूतियूस 2:6

जखो सगळा मिनखानै बचाबा ताँई खुदनै हरजाना क रूप म दे दिओ, जखी सई टेम प इ बात की गुवाई ही क, परमेसर सगळानै बचाबो चावै ह।

2 तिमूतियूस 1:10

पण इब आपणा बचाबाळा मसी ईसु क आबा की बजेऊँ आपणा प परगट होयो ह। जखो चोखा समचार की बजेऊँ मोत को नास कर, अजर-अमर का जीवननै परगट कर्यो।

2 तिमूतियूस 1:12

अर इ बजेऊँई म अ सगळा दुख उठाऊँ हूँ। पण म इ ताँई सरमिंदा कोनी, क्युं क म जाणू हूँ क, मेरो बिस्वास किमै ह, अर म इ बात ताँई पक्को हूँ क, जोक्यु बो मनै सूप्यो ह बिनै मसी क ओज्यु आबाळा दिन ताँई बचाबा को बळबूतो राखै ह।

2 तिमूतियूस 1:16

परबु उनेसिफुरूस क कूणबा प दया करै, क्युं क बो बोळीबर मनै सारो दिओ ह अर मेरै केद होबा की बजेऊँ बी सरमिंदा कोनी होयो।

2 तिमूतियूस 2:3

मसी ईसु का बफादार सिपाई की जंय्यां दुख म मेरो पाँतीवाळ बण।

2 तिमूतियूस 2:8

जंय्यां की चोखा समचार म सीखायो गयो ह, म बंय्यांई परचार करूं हूँ क, दाऊद का कूणबा को ईसु मसी जखो मरेड़ा मऊँ जी उठ्यो बिपै तेरा हियानै लगा।

2 तिमूतियूस 2:9

अर इ चोखा समचारनै परचार करबा की बजेऊँई म दुख उठार्यो हूँ अर एक मुलजिम की जंय्यां साकळा म बंदर्यो हूँ, पण परमेसर का बचना प कोई बंदण कोनी।

2 तिमूतियूस 4:17

पण परबु मेरै सागै खड़्यो रिह्यो अर मनै ताकत दिओ, जणाई तो म सगळा गैर-यहूदिआनै सुणाबा ताँई चोखा समचार को खूब हेलो पाड़ सक्यो अर म मोत की सजाऊँ बचायो गयो।

2 तिमूतियूस 4:5

तू स्यांतीऊँ टिक्यो रेह अर दुख भोगबा ताँई त्यार रेह। चोखा समचारनै बोलबा ताँई कड़ी मेनत कर अर तेरी जुबाबदारीनै चोखा ढंगऊँ निभा।

1 पतरस 1:5

थे, जानै परमेसर थारै बिस्वास क जरिए आपकी ताकतऊँ बि छुटकारा ताँई बचावै ह जखो अंत घड़ी म परगट कर्यो ज्यासी।

1 यहून्ना 4:14

परम-पिता आपका बेटानै इ जगत का मिनखा को छुटकारो करबा ताँई भेज्यो। अर म्हें बिनै देख्या अर बिका गुवा बी हां।

यहूदा 1:24

परबु ईसु मसी की बजेऊँ आपानै बचाबाळा परमेसर की जे-जैकार हो। परमेसरई थानै बचा सकै ह, अर पापऊँ धो सकै ह। अर बोई ह जखो थानै आपकी मेमाभरी मोजूदगीऊँ राजी कर सकै ह अर खुद क सामै निरदोस खड़्यो कर सकै ह। जुगादऊँ इब ताँई अर आबाळा जुग-जुग ताँई मेमा, मान, ताकत अर अधिकार परमेसर कोई ह। अंय्यांई होवै।

दरसाव 1:2

जणा यहून्नानै जोक्यु दरसाव होया बो बा बाता क बारां म मांड्यो। अर आ बा सचाई ह जखी ईसु मसी बतायो हो। अ परमेसर क कानिऊँ आएड़ा समचार हीं।

दरसाव 1:9

म यहून्ना थारो बिस्वासी भाई हूँ, म आपणा ईसु मसी म पिड़ा, थ्यावस अर राज म थारो साती हूँ। मनै परमेसर का बचन अर ईसु मसी की गुवाई देबा की बजेऊँ देस निकाळो देर पत्तमुस नाम का टापू प भेज दिओ गयो हो।

दरसाव 12:11

बे उन्या का लोयऊँ अर खुदकी गुवाईऊँ, बिपै जीत हासिल करी। बे आपका पिराणानै बी प्यारा कोनी जाण्या अर मोतनै बी गळै लगा लिआ।

दरसाव 19:10

जणा म बिकी जेजैकार करतो होयो ईस्बर नगरी दुत क आगै धोक खाई। पण बो मेरूँ बोल्यो, “अंय्यां मना करै! क्युं क म तो तेरै अर तेरा साती-संगी भाया क सागै परमेसर को दास हूँ। जखानै ईसु मसी की गुवाई देबा की जिमेबारी दि गई ह। तू परमेसर क धोक खा, क्युं क आ परमेसर की आत्मा ह जखी मिनखानै ईसु मसी क बारा म बोलबा की सक्‍ति देवै ह।”