2 तिमूतियूस 1:3 - जीवन को च्यानणो (सेकावाटी नया नियम की पोथ्या)

³ तिमूतियूस म रात-दिन मेरी अरदास म तनै याद करूं हूँ, अर तेरै ताँई परमेसरनै धनेवाद देऊँ हूँ। जिकी सेवा म मेरा बडका की जंय्यां पबितर अन्तर-आत्माऊँ करूं हूँ।

2 तिमूतियूस 1:3 Iomraidhean Croise

लूका 2:37

इब बा चोरासी बरस की होरी ही। अर बा कदैई मनदरनै कोनी तज्यो बा रात-दिन बरत अर अरदास क सागै परबु की भगती करती।

भेजेड़ा चेला का काम 22:3

“म एक कलिकीया का तरसुस म जलमेड़ो एक यहूदि मिनख हूँ। अर मेरी लिखाई पढाई अठैई इ यरूसलेम नगरी म गमलिएल धरम-गरूजी क कनैई होई ह। अर आपणा बाप-दादा का नेम-कायदा मनै सई ढंगऊँ सीखाया गया हीं। अर जंय्यां थे परमेसरनै मानबा ताँई कट्टर हो बंय्यांई म बी हूँ।

भेजेड़ा चेला का काम 23:1

पोलुस म्हापंचायत क कानि एक टक देखर बोल्यो, “इजरायल का यहूदि भाईड़ो, म हाल ताँई परमेसर क सामै ईमानदारी क सागै साप मनऊँ जियो हूँ।”

भेजेड़ा चेला का काम 24:14

पण म अ बातानै झूठी कोनी बताऊँ क जिनै बे कुपंथ बोलीं हीं, म बि गेलाई मेरा बाप-दादा का परमेसर की भगती करूं हूँ। अर म बा सगळी बाता प बिस्वास करूं हूँ, जखी बाता मूसा का नेम-कायदा अर परमेसर की खेबाळा की पोथ्या म मंडरी ह।

भेजेड़ा चेला का काम 24:16

जणाई तो म बी आई कोसिस करूं हूँ की परमेसर अर मिनखा क सामै मेरी अन्तर-आत्मा साप रेह्‍वै।

भेजेड़ा चेला का काम 26:4

“सगळा यहूदि जाणी हीं क टाबरपुणाऊँई म, कंय्यांसिक जीतो आयो हूँ। अर अ जाणी हीं क म मेरी पूरी जिंदगी पेली तो मेरा यहूदि मिनखा क मांयनै अर जणा पाछै यरूसलेम म कंय्यांसिक बिताई।

भेजेड़ा चेला का काम 27:23

क्युं क बिती रात बि परमेसर को ईस्बर नगरी दुत जि परमेसर को म हूँ अर जिकी म भगती करूं हूँ मेर कनै आयो अर बोल्यो,

रोमीयो 9:1

म मसी म सच बोलर्यो हूँ। म झूठ कोनी बोलुँ अर मेरी अन्तर-आत्मा पबितर आत्मा म मेरी गुवाई देवै ह,

2 कुरन्थीयो 1:12

म्हानै गुमान ह क म्हें साप अन्तर-आत्माऊँ आ खे सकां हां, क म्हें इ दुनिया का मिनखा क सागै अर खासकर थारै सागै परमेसर की खराई अर ईमानदारीऊँ रिह्या हां। अंय्यां म्हें परमेसरऊँ मिलबाळी दयाऊँ कर्या हां, दुनियादारीऊँ मिलबाळी बुदीऊँ नइ।

गलातियो 1:14

अर म यहूदि मत को पालन करबा म दुसरा यहूदि मिनखाऊँ कट्टर हो, अर आपणा बडकाऊँ आपानै जखा रिती-रिवाज मिल्या हा बानै म निभातो हो।

इफिसुस 1:16

मेरो, परमेसर पितानै थारै ताँई धनेवाद देबो कोनी रूक्यो। म जद बी परमेसर क सामै जाऊँ जणा म थानै याद करबो कोनी भूलूँ।

1 थिसलूनिकी 3:10

म्हें रात-दिन परमेसरऊँ जीज्यानऊँ अरदास करर्या हां क थानै देखां अर थारा बिस्वास की कमी पूरी करां।

1 तिमूतियूस 1:19

बिस्वास अर साप अन्तर-आत्मा राख। क्युंक मिनख खुदकी अन्तर-आत्मा की कोनी सुणी, जिऊँ बे बिस्वासऊँ फिरगा।

1 तिमूतियूस 1:5

इ आदेस को मकसद ओ ह क, सगळा बिस्वासी परेमऊँ भरज्यावै, जखो पबितर मनऊँ, साप अन्तर-आत्माऊँ अर बिना मिलावट का बिस्वासऊँ पैदा होवै ह।

1 तिमूतियूस 5:5

बा जखी सचमई खालीहोइड़ी लूगाई ह जिकै कनै बिकी साळसमाळ करबाळो कोई कोनी, अर जखी परमेसर म आस राखै ह अर रात-दिन अरदास करै ह अर परमेसरऊँ मदद माँगै ह।

2 तिमूतियूस 1:5

म तेरा सचा बिस्वासनै बी याद करूं हूँ, पेल्या ओ बिस्वास तेरी नानी लोइस अर तेरी माँ उनिके म हो, अर म इ बात ताँई पक्को हूँ क, बोई बिस्वास तेरै म बी ह।

2 तिमूतियूस 3:15

अर टाबरपुणाऊँई तू पबितर सास्तरनै जाणै ह जखो मसी ईसु म बिस्वास की बजेऊँ तनै छुटकारा ताँई बुदी दे सकै ह।

इबरानीआ 13:8

ईसु मसी काल अर आज अर सदाई एकसो ह।