2 तिमूतियूस 1:12 - जीवन को च्यानणो (सेकावाटी नया नियम की पोथ्या)

¹² अर इ बजेऊँई म अ सगळा दुख उठाऊँ हूँ। पण म इ ताँई सरमिंदा कोनी, क्युं क म जाणू हूँ क, मेरो बिस्वास किमै ह, अर म इ बात ताँई पक्को हूँ क, जोक्यु बो मनै सूप्यो ह बिनै मसी क ओज्यु आबाळा दिन ताँई बचाबा को बळबूतो राखै ह।

2 तिमूतियूस 1:12 Iomraidhean Croise

मत्ती 12:21

अर धरती का सगळा मिनख बिका नाम पई आस लगासी।”

मत्ती 24:36

“बि दिन अर बि घड़ी क बारां म कोईबी कोनी जाणै। नइ तो ईस्बर नगरी दुत अर नइ बेटो पण परम-पिताई जाणै ह।

मत्ती 7:22

बि न्यायहाळै दिन बोळा मिनख मनै खेसी, ‘परबु हे परबु! म्हें थारै नामऊँ थारी बाता कोनी बताया हा के? अर थारै नामऊँ ओपरी बलायानै कोनी भगाया के? अर थारै नामऊँ बोळासारा ताजूब का काम कोनी कर्या हा के?’

लूका 10:12

म थानै बिस्वास दिवाऊँ हूँ न्यायहाळै दिन सदोमऊँ बेत्ती, बि नगरी की दसा बुरी होसी।

लूका 23:46

ईसु जोरकी उवाज म बोल्यो, “परम-पिता म मेरी आत्मा थारा हाता म देऊँ हूँ आ खेताई, बो पिराण तज दिआ।”

यहून्ना 17:15

म आ अरदास कोनी करूं क थे बानै इ धरतीऊँ उठाल्यो, पण म अरदास करूं हूँ थे बानै बुराईऊँ बचार राखो।

यहून्ना 6:44

मेरै कनै कोई कोनी आ सकै। जद ताँई क मेरो परम-पिता जखो मनै भेज्यो ह बो बिनै मेरै कनै नइ ल्यावै, अर आखरी दिन म बिनै जिंदो कर देस्युँ।

भेजेड़ा चेला का काम 13:46

जणा पोलुस अर बरनाबास हिमत कर बोल्या, “ओ जरूरी हो क परमेसर को बचन सऊँ पेली थानै सुणायो जावै पण थे इनै थारूँ दूर कर्या अर खुदनै अजर-अमर जीवन को भागी कोनी मान्या जणा इब म्हें गैर-यहूदिआ क कनै जावां हां।

भेजेड़ा चेला का काम 13:50

पण यहूदि नेता, गैर-यहूदिआ की मानी-थानी यहूदि धरमनै मानबाळी भगत लूगाया अर नगरी का मान्या-थान्या मिनख जखा परमेसरनै मानबाळा हा बाका कान भर पोलुस अर बरनाबास क खिलाप बिदरो कर बानै, बि नगरी क बारनै कढवा दिओ।

भेजेड़ा चेला का काम 21:13

पण पोलुस बाऊँ बोल्यो, “थे ओ काँई करो हो? आ ढंगा रो-रोर थे मेरो मन कचो करो हो, म तो परबु ईसु का नामऊँ यरूसलेम म खाली बंदि बणबा ताँई नइ पण मरबा ताँई बी त्यार हूँ।”

भेजेड़ा चेला का काम 7:59

अर बे बिपै भाठा बगाबा लागर्या हा बि टेमई बो परमेसरऊँ आ खेतो अरदास करबा लाग्यो, “ओ परबु ईसु मेरा पिराणानै थारै कनै बुलाल्यो।”

भेजेड़ा चेला का काम 9:16

अर मेरा नामऊँ दुख उठाबो कतो जरूरी ह आ बात म खुद बिनै दिखास्युं।”

रोमीयो 1:16

म मसी का चोखा समचारऊँ कोनी सरमाऊँ क्युं क जखो बी बिस्वास करै बिकै छुटकारा ताँई ओ समचार पेली यहूदि मिनखा ताँई अर पाछै यूनानी मिनखा ताँई बी परमेसर की सक्‍ति ह।

रोमीयो 9:33

जंय्यां क पबितर सास्तर म मंडेड़ो ह, “सुणो, म सिओन म एक भाठो धर राख्यो हूँ, जखो ठोकर खुवावै ह अर एक ढाड जखी पाप करवावै ह। पण जखो बिपै बिस्वास करै ह, बो कदैई सरमिंदा कोनी होसी।”

1 कुरन्थीयो 1:8

परबु ईसु मसी थानै आखीर ताँई मजबूत बणायो राखसी, जिऊँ थे आपणा परबु ईसु मसी क ओज्यु आबा का दिन म न्यायऊँ बच ज्याओ।

1 कुरन्थीयो 3:13

जणा हरेक का काम सामै आसी, क्युं क न्यायहाळो दिन आगऊँ आनै चोड़ा म ल्यासी। अर बे कंय्यांको काम कर्या ही इकी परख आगऊँ होसी।

फलिपी 1:20

मेरी दिली इंछ्या अर आस ह क, म कदैई मेरा काम म सरमिंदा नइ होऊँ, पण हर टेम अर खासकर इब म हिमतऊँ भरज्याऊँ जिऊँ चाएस म जीऊँ अर मरूँ बस मेरी काया क जरिए मसी की मेमा होवै।

फलिपी 3:10

म आ आस राखूँ हूँ क म बी मर'र मोतऊँ ओज्यु जिंदो हो जास्युं। अर इ आस ताँई म मसीनै जाणबो चाऊँ हूँ अर बिकी बि सक्‍तिनै म्हेसुस करबो चाऊँ जिऊँ बो मर्या पाछै ओज्यु जिंदो होगो हो। अर म बिकीसी पिड़ा उठार बिकासा मरबा म बिको संगी होबो चाऊँ हूँ।

फलिपी 3:21

बो सगळी चिजानै आपकै बस म करबाळी खुदकी सक्‍तिऊँ आपणी माड़ी अर नसबर कायानै बदलर खुदकी मेमाभरी काया जंय्यां की कर देसी।

फलिपी 3:8

अर म आ बातानैई नइ पण सगळी बातानै मेरा परबु मसी ईसुनै जाणबा की बडी बात क सामै घाटा की समजूँ हूँ। अर मसी ताँई म आनै कुड़ो-करकट जा'णर बगा दिओ जिऊँ म मसीनै पाऊँ

1 थिसलूनिकी 2:16

अर बे गैर-यहूदि मिनखानै छुटकारा को चोखो समचार सुणाबा ताँई आपानै रोकै ह। अंय्यां करबाऊँ बाकै पाप को घड़ो भरर्यो ह अर परमेसर को परकोप बापै आग्यो ह।

1 थिसलूनिकी 5:4

पण भाईड़ो, थे तो अँधकार म कोनी जिर्या, क परबु क ओज्यु आबो को दिन थार प चोर की जंय्यां चाणचुक आवै।

1 तिमूतियूस 6:20

ओ तिमूतियूस, जखो तनै सोप्यो गयो ह बिनै समाळर राख। दुनियादारी की बात अर बकवास जिरैऊँ खुदनै परै राख जिनै क्युंक मिनख गळतीऊँ “ज्ञान” बोलै ह।

2 तिमूतियूस 1:14

पबितर आत्मा की बजेऊँ जखो आपणा म बास करै ह आ चोखी चिजा की रूखाळी कर जखी तनै सूपी गई ही।

2 तिमूतियूस 1:16

परबु उनेसिफुरूस क कूणबा प दया करै, क्युं क बो बोळीबर मनै सारो दिओ ह अर मेरै केद होबा की बजेऊँ बी सरमिंदा कोनी होयो।

2 तिमूतियूस 1:18

परमेसर बिपै मसी क ओज्यु आबाळा दिन दया करै! अर तू बी सूल जाणै ह क बो इफिसुस म मेर ताँई काँई-काँई कर्यो।

2 तिमूतियूस 1:8

जणा तू आपणा परबु अर मेरी गुवाई देबा ताँई, म जखो मसी ताँई केद म हूँ नाड़ निची मना करजे। पण अंय्यां करबा की बजाय परमेसर जखी ताकत तनै दि ह बिनै मेरै सागै चोखा समचार ताँई दुख उठाबा म लगा।

2 तिमूतियूस 2:9

अर इ चोखा समचारनै परचार करबा की बजेऊँई म दुख उठार्यो हूँ अर एक मुलजिम की जंय्यां साकळा म बंदर्यो हूँ, पण परमेसर का बचना प कोई बंदण कोनी।

2 तिमूतियूस 4:8

अर इब ईस्बर नगरी म जीत को इनाम मनै उडिकर्यो ह, जिनै धरमी न्यायी परबु आखरी दिन मनै देसी। मनै एकलानैई नइ पण बा सगळानै बी जखा परेम क सागै बिकै परगट होबानै उडिकीं हीं।

तितूस 3:8

आ बिस्वास जोगी बात ह। म चाऊँ हूँ क आ मामला म तू खास जोर देर बोलै जिऊँ परमेसर प बिस्वास राखबाळा, भला काम करीं, जखा सकै काम का अर चोखा हीं।

इबरानीआ 12:2

आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।

इबरानीआ 2:18

क्युं क ईसु खुदबी दुख भोग्यो जद बो बिचास्यो गयो जिऊँ बो बाकी मदद कर सकै ह जखा बिचास्या जावै ह।

इबरानीआ 7:25

अर बिकै जरिए जखो बी परमेसर क कनै जावै ह, बाको बो पूरो-पूरो छुटकारो कर सकै ह। क्युं क बो बाकै ताँई अरदास करबा ताँई सदाई जिंदो ह।

1 पतरस 1:5

थे, जानै परमेसर थारै बिस्वास क जरिए आपकी ताकतऊँ बि छुटकारा ताँई बचावै ह जखो अंत घड़ी म परगट कर्यो ज्यासी।

1 पतरस 4:16

पण ज थे मसी होबा की बजेऊँ दुख उठाओ हो जणा थानै सरमिंदा होबा की जुर्त कोनी, पण थानै इ बजेऊँ परमेसर की मेमा करबो चाए।

1 पतरस 4:19

इ ताँई जखो परमेसर की इंछ्या गेल दुख उठावै ह, बे भला काम करता होया खुदनै बिस्वास जोगा परमेसरनै सूप दे जखो थानै बणायो ह।

यहूदा 1:24

परबु ईसु मसी की बजेऊँ आपानै बचाबाळा परमेसर की जे-जैकार हो। परमेसरई थानै बचा सकै ह, अर पापऊँ धो सकै ह। अर बोई ह जखो थानै आपकी मेमाभरी मोजूदगीऊँ राजी कर सकै ह अर खुद क सामै निरदोस खड़्यो कर सकै ह। जुगादऊँ इब ताँई अर आबाळा जुग-जुग ताँई मेमा, मान, ताकत अर अधिकार परमेसर कोई ह। अंय्यांई होवै।