2 तिमूतियूस 1:10 - जीवन को च्यानणो (सेकावाटी नया नियम की पोथ्या)

¹⁰ पण इब आपणा बचाबाळा मसी ईसु क आबा की बजेऊँ आपणा प परगट होयो ह। जखो चोखा समचार की बजेऊँ मोत को नास कर, अजर-अमर का जीवननै परगट कर्यो।

2 तिमूतियूस 1:10 Iomraidhean Croise

लूका 11:36

ज थारी सगळी काया म च्यानणो ह। अर इका कोईसाई कूणा म अँधेरो कोनी जणा ओ थार प जळता दिआ की जंय्यां जगमगासी।”

लूका 13:7

आ देखर बो मालिक बि बाड़ीनै समाळबाळा माळीऊँ बोल्यो, ‘मनै तीन बरस होगा इ बोजानै देखता इमै एकई फळ कोनी लाग्यो। इब तू अंय्यां कर इनै काट दे क्युं क ओ झूठीई जमीन रोक राखी ह।’

लूका 2:11

क्युं क थानै बचाबाळा मसी परबु को जलम आज दाऊद की नगरी म होगो ह।

यहून्ना 1:9

सगळा मिनखानै च्यानणो दिखाबाळो, सचो च्यानणो जगत की नजर्या म आर्यो हो।

यहून्ना 14:6

ईसु बिऊँ बोल्यो, “सच, जीवन अर गेलो मई हूँ। मेरै बिना कोई परम-पिता कनै कोनी जा सकै।”

यहून्ना 20:31

अर जखी बाता अठै मांडेड़ी ह बे इ ताँई ह क, थे बिस्वास करो क ईसुई परमेसर को बेटो मसी ह अर बिस्वास करके, थे बिका नाम म जीवन पाओ।

यहून्ना 4:42

जणा बे मिनख बि लूगाईऊँ बोल्या, “तेरै खेबा की बजेऊँई म्हें बिपै बिस्वास कोनी कर्या, पण म्हें खुद इनै सुणर जाणगा हां क, जगत का मिनखानै बचाबाळो सचमई ओई ह।”

यहून्ना 5:40

जणा बी थे अजर-अमर जीवन पाबा ताँई मेरै कनै कोनी आबो चाओ।

भेजेड़ा चेला का काम 13:23

इ मिनख क कूणबा मऊँई परमेसर आपका वादा गेल इजरायल का मिनखानै छुटाबाळा ईसुनै भेज्यो।

भेजेड़ा चेला का काम 5:31

अर परमेसर बिनैई आपका दाया हात कानि उचा पद प बिठार राजकुमार अर बचाबाळो बणायो ह। बो इजरायल का मिनखानै पापऊँ मन फेरबा को मोको अर पाप की माफी देसी।

रोमीयो 16:26

जिनै जुग-जुग बण्या रेह्बाळा परमेसर का हुकमाऊँ परमेसर की खेबाळा का लेखा क जरिए सगळा गैर-यहूदि मिनखा प परगट कर बता दिओ गयो ह, जिऊँ बामै बिस्वासऊँ पैदा होबाळी कह्यो मानबा की मनस्या पैदा होवै।

रोमीयो 2:7

बे मिनख जखा थ्यावसऊँ भला कामा म लागर मेमा, मान-समान अर अजर-अमर जीवननै टोवीं हीं बानै परमेसर अजर-अमर को जीवन देसी।

रोमीयो 3:31

जणा के म्हें बिस्वास क जरिए नेम-कायदानै मानबो बंद कर दिओ? नइ, अंय्यां कोनी! पण नेम-कायदानै थाम राख्या हां।

रोमीयो 6:6

क्युं क आपा आ जाणा हां क इ नसबर काया को आपणो पुराणीयो जीवन ईसु क सागै सुळी प चढा दिओ गयो हो, जिऊँ पापऊँ भरी आपणी काया नास होज्यावै। अर आपा आगैऊँ पाप का गुलाम नइ होवां।

1 कुरन्थीयो 15:26

आखीर म आखरी बेरी मोत को नास कर्यो ज्यासी।

1 कुरन्थीयो 4:5

जणा सई टेम आबाऊँ पेली कोईबी बात को न्याय मना करो। परबु क आबा का टेमऊँ पेली आखरी न्याय कोनी होवै। बो अँधेरा म लुखेड़ी बातानै च्यानणा म ल्यासी अर चित का बिचारानै परगट करसी बी टेमई हरेक की बडाई परमेसर कानिऊँ होसी।

2 कुरन्थीयो 5:4

आपा इ काया म होतासोता बोज क तळै दबर तड़पर्या हां, इकी बजे आ ह क आपा खुदकी कायानै बदलबो कोनी चावां पण इ काया म ईस्बर नगरी को जीवन जिबो चावां हां, जिऊँ मरबाळो जीवन अजर-अमर जीवन होज्यावै।

गलातियो 5:4

जखा बी नेम-कायदानै मानबा की बजेऊँ परमेसरनै राजी करबो चावीं, बिको मतबल ह क बे मसीऊँ न्यारा होगा हीं अर परमेसर की दयाऊँ दूर हीं।

इफिसुस 1:18

अर म आ बी माँगु हूँ क बिका च्यानणानै देखबा ताँई थारा मन की आँख्या खुलज्यावै जिऊँ थे जाणल्यो क बा कूणसी आस ह जि ताँई बो थानै बुलायो ह? अर बा आ ह क परमेसर का मिनखा म बिऊँ मिलबाळी मेमाभरी पाँती कत्ती मोकळी ह।

इफिसुस 1:9

परमेसर बोई कर्यो जखो बिको मकसद हो, अर बो बि भेदनै आपानै बतायो जिनै मसीऊँ पूरो करबा ताँई बो पेल्याऊँई ध्यार राख्यो हो।

2 थिसलूनिकी 2:8

जणा पाछै परमेसर का नियम कायदानै तोड़बाळो परगट होसी। बिनै परबु ईसु आर आपकी मोजूदगी का च्यानणाऊँ अर फूंकऊँ नास कर देसी।

2 तिमूतियूस 1:1

इ चिठीनै पोलुस मांडी, जखो परमेसर की इंछ्याऊँ मसी ईसु को भेजेड़ो चेलो ह, जिनै परमेसर बि जीवन को हेलो पाड़बा ताँई भेज्यो ह जिकै बारां म परमेसर आपणाऊँ मसी ईसु म देबा को बादो कर्यो ह।

2 तिमूतियूस 1:8

जणा तू आपणा परबु अर मेरी गुवाई देबा ताँई, म जखो मसी ताँई केद म हूँ नाड़ निची मना करजे। पण अंय्यां करबा की बजाय परमेसर जखी ताकत तनै दि ह बिनै मेरै सागै चोखा समचार ताँई दुख उठाबा म लगा।

2 तिमूतियूस 4:1

मसी ईसु जखो राजा क रूप म आसी अर सगळा जीवता अर मरेड़ा को न्याय करसी बिनै अर परमेसरनै गुवा मानर म तनै आदेस देऊँ हूँ,

2 तिमूतियूस 4:8

अर इब ईस्बर नगरी म जीत को इनाम मनै उडिकर्यो ह, जिनै धरमी न्यायी परबु आखरी दिन मनै देसी। मनै एकलानैई नइ पण बा सगळानै बी जखा परेम क सागै बिकै परगट होबानै उडिकीं हीं।

तितूस 2:11

क्युं क परमेसर सगळा मिनखा का छुटकारा ताँई दया दिखाई ह।

तितूस 2:13

अर आपा जखी भागहाळी आस राखां हां बिकै पूरो होबानै उडिकां हां, जद आपणो म्हान परमेसर अर छुटकारो देबाळो ईसु मसी मेमा म परगट होसी।

तितूस 3:4

पण आपानै बचाबाळा परमेसर की दया अर प्यार मिनख ताँई परगट कर्यो गयो,

इबरानीआ 10:32

थे बा पेलड़ा दिनानै याद करो, जद थे मसी क बारां म जाण्या हा जणा बोळा सताव अर दुख की घड़ी म बी मजबूत रिह्या हा।

2 पतरस 1:1

म, समोन जिको नाम पतरस बी ह, जखो परबु ईसु मसी को दास अर भेजेड़ो चेलो हूँ। आ चिठी बा मिनखानै मांडूँ हूँ जखा आपणा परमेसर अर छुटकारो देबाळा ईसु मसी की धारमिक्‍ता की बजेऊँ आपणी जंय्यांई बिस्वास करीं हीं।

2 पतरस 1:11

अर ज थे इ रीत गेल चालस्यो जणा एक दिन पक्काई आपणा परबु अर छुटकारो देबाळा ईसु मसी का अजर-अमर राज म जास्यो।

2 पतरस 1:3

जीवन जीबा ताँई अर परबु की सेवा करबा ताँई जोक्यु बी आपणानै चाए हो, बो सक्यु परबु आपकी अनोरी सक्‍तिऊँ आपणानै दिओ ह। क्युं क आपा बिनै जाणा हां। बोई आपणानै आपकी धारमिक्‍ता अर मेमाऊँ बुलायो ह।

2 पतरस 2:20

ज अ मिनख परबु अर छुटकारो देबाळा ईसु मसी की बजेऊँ दुनिया की बुराईऊँ बचाया गया हा इकै वावजुद बी ज बे बुराई करीं हीं जणा आकी दसा पेलड़ी दसाऊँ बेसी बुरी होसी।

2 पतरस 3:18

पण आपणा परबु अर छुटकारो देबाळा ईसु मसी की दया अर बिकी पिछाण म बढता जाओ। बिकी मेमा इब अर सदा-सदाई होती रेह्‍वै। अंय्यांई होवै!

2 पतरस 3:2

जिऊँ थे बा बातानै जानै परमेसर की खेबाळा पेल्याई खे दिआ हा याद राख सको अर परबु, अर आपणानै छुटकारो देबाळा का हुकमनै याद राखो जखो थानै भेजेड़ा चेला की बजेऊँ दिओ हो।

1 यहून्ना 4:14

परम-पिता आपका बेटानै इ जगत का मिनखा को छुटकारो करबा ताँई भेज्यो। अर म्हें बिनै देख्या अर बिका गुवा बी हां।

दरसाव 18:1

इकै पाछै म एक ओर ईस्बर नगरी दुतनै ईस्बर नगरीऊँ तळै उतरता देख्यो। जिकै कनै बडो अधिकार हो, बिकै मांयनै अंय्यां को मेमा को तेज हो जिऊँ सगळी धरती प च्यानणो होगो हो।

दरसाव 2:7

जिकै कान ह बे बानै खोल ले क, पबितर आत्मा बिस्वासी मंडळ्याऊँ काँई बोलै ह। जखो बी बुराईऊँ जीतसी म बिनै जीवन का दरख्त को फळ खाबा को हक देस्युँ जखो परमेसर का बाग म ह।

दरसाव 20:14

इकै पाछै मोतनै अर पताळनै आग का कूंड म गेर दिओ गयो। ओ आग को कूंडई दुसरी मोत ह।

दरसाव 22:14

“भागहाळा हीं बे जखा हुकमानै मानी हीं जिऊँ बानै जीवन का दरखत का फळ खाबा की छुट होसी। बानै दरवाजा होर नगरी म बड़बा की छुट होसी।

दरसाव 22:17

पबितर आत्मा अर बनड़ी खेवै ह, “आ!” अर जखो इनै सुणै ह बो बी बोलै ह, “आ!” अर जखो तिसायो ह बो अर जखोबी चावै बो इ जीवन का पाणी का फळनै सितमित म लेले।