2 थिसलूनिकी 3:2 - जीवन को च्यानणो (सेकावाटी नया नियम की पोथ्या)

² अरदास कर्या करो क परबु म्हानै बेकार अर बुराई करबाळा मिनखाऊँ बचावै। क्युं क हरेक मिनख परमेसर प बिस्वास कोनी राखै।

2 थिसलूनिकी 3:2 Iomraidhean Croise

मत्ती 17:17

ईसु बिकी बात सुणर बोल्यो, “अरै भेम करबाळो अर कुटिचर मिनखो, म कद ताँई थारै सागै रेहस्युं? अर थानै भोगस्युं? बि छोरानै मेरै कनै ल्याओ।”

मत्ती 23:23

“हे कपट राखबाळा सास्तर्यो अर फरिसीयो! थार प धिक्कार ह। थे पोदिना, जीरा, अर सूंप को दसवो हिस्सो परमेसरनै द्‍यो हो। पण खास नेम-कायदानै मानबो टाळ द्‍यो जंय्यां क न्याय, दया अर बिस्वास, चोखो तो ओ होतो क थे बाकै सागै आनै बी मानता।

लूका 18:8

म थारूँ खेऊँ हूँ बो बेगोई बाको न्याय चुकासी। पण मिनख का बेटानै जद बो इ धरती प आसी जणा बिस्वास लाधसी के?”

भेजेड़ा चेला का काम 13:45

इ भीड़नै देखर यहूदि बळगा अर पोलुस की बाता क खिलाप बोलता होया बिकी बुराई करी।

भेजेड़ा चेला का काम 13:50

पण यहूदि नेता, गैर-यहूदिआ की मानी-थानी यहूदि धरमनै मानबाळी भगत लूगाया अर नगरी का मान्या-थान्या मिनख जखा परमेसरनै मानबाळा हा बाका कान भर पोलुस अर बरनाबास क खिलाप बिदरो कर बानै, बि नगरी क बारनै कढवा दिओ।

भेजेड़ा चेला का काम 14:2

पण बे यहूदि जखा बिस्वास कोनी कर्या हा बे गैर-यहूदि मिनखानै बिस्वासी भाया क खिलाप भड़काया अर बाकै मना म झेर भर दिओ।

भेजेड़ा चेला का काम 17:5

इपै यहूदि जळता-बळता पिसा देर क्युंक बदमास मिनखानै आपकै सागै कर लिओ अर नगरी म बिदरो मचाबा लागगा। बे पोलुस अर सीलासनै भीड़ क सामै ल्याबा क चकर म यासोन क घरा धावो बोल्यो।

भेजेड़ा चेला का काम 25:27

क्युं क बिना दोस बताया बंदिनै भेजबो मनै ठिक कोनी लागै।”

भेजेड़ा चेला का काम 28:24

जणा क्युंक तो बिकी बातानै मानली पण क्युंक बिस्वास कोनी कर्यो।

रोमीयो 10:16

पण चोखा समचारनै सगळा कोनी मान्या। यसाया बोलै ह, “ओ परबु, म्हारूँ सुणर कूण बिस्वास कर्यो?”

रोमीयो 15:31

जिऊँ म यहूदिआ दिसावर म अबिस्वास्याऊँ बच्यो रेह्ऊँ अर यरूसलेम का परमेसर का मिनखा ताँई जखो दान म लेर जार्यो हूँ बानै बो भावै।

1 कुरन्थीयो 15:32

ज परमेसर बिस्वास्यानै मर्या पाछै ओज्यु कोनी जीवावै जणा बाकै सागै लड़बा को काँई फाईदो जखा इफिसुस नगरी म मेरै सागै जंगली जिनावरा की जंय्यां लड़्या। ज सई मई मरेड़ा मऊँ जिबो कोनी ह, “जणा आओ आपा खाई पी करां क्युं क काल तो आपानै मरनोई ह।”

1 थिसलूनिकी 2:18

इ ताँई म्हें थारै कनै ओज्यु आबो चायो, जदकी म खुद, पोलुस दो बर थारै कनै आबा की कोसिस करी पण सेतान म्हानै रोक्या राख्यो।

2 तिमूतियूस 4:17

पण परबु मेरै सागै खड़्यो रिह्यो अर मनै ताकत दिओ, जणाई तो म सगळा गैर-यहूदिआनै सुणाबा ताँई चोखा समचार को खूब हेलो पाड़ सक्यो अर म मोत की सजाऊँ बचायो गयो।