2 थिसलूनिकी 1:3 - जीवन को च्यानणो (सेकावाटी नया नियम की पोथ्या)

³ मेरा लाडला बिस्वास्यो, थारै ताँई म्हानै पिता परमेसरनै धनेवाद देतो रेह्णो चाए अर ओ बाजीब बी ह, क्युं क थे बिस्वास म बोळा बढर्या हो। था सगळा म आपसरी म बोळो प्यार-परेम ह।

2 थिसलूनिकी 1:3 Iomraidhean Croise

लूका 15:32

पण इब आपानै राजी होणो अर खुसी मनाबो चाए। क्युं क ओ तेरो भाईड़ो जखो आपणै कानि को मर्यो समान हो पाछो जीयायो ओ गुमगो हो इब लाध्यायो।’”

लूका 17:5

बे चेला जानै भेजेड़ा चेला क नामऊँ बोल्या जाता हा बे कह्या, “परबु म्हारा बिस्वासनै बढा।”

यहून्ना 15:2

बो माली हरेक बी डाळीनै काटै ह, जखी फळ कोनी ल्यावै, अर बि डाळीनै छांगर साप करै जखी फळ ल्यावै ह, जिऊँ बा ओरबी फळै।

रोमीयो 1:8

सऊँ पेली म थारै सगळा ताँई ईसु मसी म परमेसर को धनेवाद देऊँ हूँ, क्युं क सगळी दुनिया म थारा बिस्वास क बारां म बतायो जार्यो ह।

1 कुरन्थीयो 1:4

थार प मसी ईसु क जरिए जखी दया करी गई ह, बि ताँई म मेरा परमेसरनै सदाई धनेवाद देऊँ हूँ।

2 कुरन्थीयो 10:15

अर म्हें दुसरा का करेड़ा काम की सबासी कोनी लेवां। पण म्हानै आस ह क थारो बिस्वास बढसी जिऊँ थारै मांयनै म्हारो काम बी बढसी।

इफिसुस 5:20

अर आपणा परबु ईसु मसी का नामऊँ परम-पिता परमेसर को सगळी बाता ताँई सदाई धनेवाद देता रह्यो।

फलिपी 1:7

थारै बारां म अंय्यां सोचबो मेर ताँई सई ह, क्युं क थे मेरा काळज्या म बसर्या हो। बि सोभाग म थे सगळा पाँतीवाळ हो जखो परमेसर मनै दिओ, चाएस म जद अब जेळ म हूँ अर नहिस जद म अजादिऊँ चोखा समचार क सच को सबूत देर बिनै पुक्‍ता करबा म लागर्यो हो।

फलिपी 1:9

थारो प्यार-परेम सचा ज्ञान अर सई समज क सागै बोळो-बोळो बढतो जावै इ ताँई म अरदास करूं हूँ।

1 थिसलूनिकी 3:12

अर परबु करै थारो प्यार-परेम आपसरी म अर सगळा मिनखा क सागै दिन-दिन बढतो अर ओर बी बेत्ती बढतो जावै जंय्यां म्हारो प्यार-परेम थारै सागै ह।

1 थिसलूनिकी 3:6

पण तिमूतियूस थारै कनैऊँ पाछो आयोक जणा म्हानै थारै बिस्वास अर प्यार-परेम का चोखा समचार सुणाया। बो म्हानै बतायो क थे सदाई म्हानै प्यार-परेम क सागै याद करो हो, अर जंय्यां म्हारो जी थानै देखबानै करै ह बंय्यांई थारो बी करै ह।

1 थिसलूनिकी 3:9

थारी बजेऊँ परमेसर क सामै जखी खुसी म्हानै मिली ह बिको धनेवाद करबा ताँई म्हारै कनै बोल कोनी।

1 थिसलूनिकी 4:1

मेरा लाडला बिस्वास्यो, म्हें थारूँ ईसु मसी का नामऊँ आ अरदास करां अर थानै समजावां हां क जंय्यां थे म्हारूँ परमेसरनै राजी करबाळो जीवन जिबो सीख्यो, अर बंय्यांई जीओ बी हो। जणा म्हें चावां हां क, थे बिमै ओर बी बेत्ती बढता जाओ।

2 थिसलूनिकी 2:1

मेरा लाडला बिस्वास्यो, आपणा परबु ईसु मसी क आबा अर बिकन भेळा होबा क बारां म, म्हें थारूँ बिणती करां हां क,

2 थिसलूनिकी 2:13

पण परबु का लाडला बिस्वास्यो, थारै ताँई म्हानै सदाई परमेसर को धनेवाद करतो रेह्णो ह, क्युं क परमेसर खुदकी पबितर आत्मा की सक्‍तिऊँ थानै बचार बिका पबितर मिनख होबा अर छुटकारा का पेला फळ होबा ताँई पेल्याऊँ टाळ लिओ ह, क्युं क थे सच प बिस्वास कर्यो ह।

1 पतरस 1:22

थे सच का गेला प चाल्या जणा थारा पाप सुद कर दिआ गया, जणा इब थानै चाए क एक दुसराऊँ भाईचारो राखो अर एक दुसराऊँ खरा हिया क सागै डूँगो परेम राखो।

2 पतरस 1:13

म सोचूँ हूँ क, ओ चोखो ह क जद ताँई म इ काया म हूँ, थानै अ बाता याद दिवातो रेहस्युं।

2 पतरस 3:18

पण आपणा परबु अर छुटकारो देबाळा ईसु मसी की दया अर बिकी पिछाण म बढता जाओ। बिकी मेमा इब अर सदा-सदाई होती रेह्‍वै। अंय्यांई होवै!