2 पतरस 3:9 - जीवन को च्यानणो (सेकावाटी नया नियम की पोथ्या)

⁹ अर परबु आपका करेड़ा करारनै पूरो करबा म देर कोनी करै, जंय्यांकी कई मिनख सोचै ह। पण परबु आपणा ताँई थ्यावस धरै ह क्युं क बो कोईको बी नास करबो कोनी चावै। पण बो चावै ह क सगळा मिनखानै पापऊँ हिया फेरबा को मोको मिलै।

2 पतरस 3:9 Iomraidhean Croise

रोमीयो 13:11

आज का टेमनै देखता अंय्यां कर, थे जाणो हो क निंदऊँ जागबा की घड़ी आगी ह। क्युं क इब आपणो छुटकारो बि टेमऊँ सांकड़ैई ह जद आपा बिस्वास कर्यो हो।

रोमीयो 13:12

रात ढळबाळी ह, अर दिन उगबाळो ह। अँधेरा का काम करबो छोडो अर उजाळा का हतियार उठाल्यो।

रोमीयो 2:4

थे बिकी दया अर बिकी सहनसिलता अर बिका थ्यावसनै ख्याई जोगो कोनी समजो के? तू सचमई जाणै ह क परमेसर की दया तनै पापऊँ मन फिराबा कानि लेज्यावै ह।

रोमीयो 9:22

अंय्यांई परमेसर बी आपकी झाळ अर नफरतनै नास होबाळा प परगट करबो चावै हो। इकै बावजुद बी बो बा झाळ अर नफरत जोगा नास होबाळा ताँई बोळी सबर करी।

1 तिमूतियूस 1:16

पण मेर प इ ताँई दया होई ह क, म जखो सऊँ बडो पापी हूँ मेर म ईसु मसी आपको थ्यावस दिखायो ह, अंय्यां करबाऊँ जखा मिनख बिपै अजर-अमर जीवन ताँई बिस्वास करसी बा ताँई म, एक नमूनो बणू।

1 तिमूतियूस 2:4

अर बो चावै क, धरती का सगळा मिनख बचज्यावीं अर बे सचनै जाणी।

इबरानीआ 10:37

क्युं क पबितर सास्तर बतावै ह, “जिनै आणो ह, बो परमेसर तावळोई आसी। अर बो उवांर कोनी करसी।

1 पतरस 3:20

अ बा मिनखा की आत्मा ही जखी नूह का टेम म जद बो झाज बणार्यो हो बे परमेसर का कह्यानै कोनी मान्या पण परमेसर बा बेई थ्यावस राख्यो। बस आठ मिनख झाज म बड़्या अर पाणी म डूबबाऊँ बचाया गया हा।

2 पतरस 1:4

इ बजेऊँ बो आपणाऊँ बडा-बडा अर किमती करार कर्या हीं, जिऊँ आपणा म परमेसर को सुभाव आ सकै, जिऊँ आपा आपणी बुरी इंछ्या अर इ दुनिया की बुराईऊँ बच सकां।

2 पतरस 3:15

अर आपणा परबु का थ्यावसनै छुटकारो समजो, जंय्यां की म्हारो लाडलो भाईड़ो पोलुस बि ज्ञान गेल जखो बिनै मिल्यो हो थानै मांड्यो हो।

दरसाव 2:21

म बिनै बिका कुकरमाऊँ हियो बदलबा को मोको दिओ हो, पण बा पापऊँ तौबा कोनी करी।