2 पतरस 3:7 - जीवन को च्यानणो (सेकावाटी नया नियम की पोथ्या)

⁷ पण आज का आसमान अर धरती बिका बचनऊँ इ ताँई बणाएड़ा हीं क, बे बाळ्या ज्यावीं। अर अ जद ताँई अंय्यांई रेह्सी जद ताँई पापी मिनखा को न्याय अर बाको नास नइ होज्यावै।

2 पतरस 3:7 Iomraidhean Croise

मत्ती 10:15

म थारूँ सची खेऊँ हूँ जद न्याय होसी, बि दिन बि नगरी की दसा सदोम अर अमोरा नगरीऊँ बी बेकार होसी।

मत्ती 11:22

पण न्यायहाळै दिन थारी दसा सूर अर सैदाऊँ बोळी बेत्ती बुरी होसी।

मत्ती 11:24

पण म थारूँ खेऊँ हूँ न्यायहाळै दिन थारा मिनखा की दसा सदोम नगरी का मिनखाऊँ बेत्ती खराब होसी।”

मत्ती 12:36

पण न्यायहाळै दिन सगळा मिनखानै आपकी खेईड़ी बुरी बाता को लेखो देणो पड़सी।

मत्ती 24:35

अकास अर धरती टळ ज्यासी पण मेरी बाता कोनी टळै।

मत्ती 25:41

बाकै पाछै बो राजा आपकै बाया हात खड़्या मिनखाऊँ खेसी, ‘हाय ह थार प। थे मेरै कनैऊँ चल्या जाओ। अर जखी कदैई नइ बुत्तबाळी आग सेतान अर बिका दुता ताँई बाळ राखी ह बिमै पड़ मरो।

मरकुस 6:11

अर कोई गाँव अर नगरी म थारी आवभगत नइ होवै जणा थे बि नगरी अर गाँवऊँ बारनै चल्या जाओ अर बाकै खिलाप बानै चेताबा ताँई थे थारै पगा की धूळ बी बठैई झाड़ दिज्यो।”

यहून्ना 12:48

बे जखा मनै अर मेरा बचनानै कोनी मानी, बाको न्याय करबाळो एक ह, बोई बाको न्याय करसी। मेरा बोल जखा म बोल्यो हो, बेई बानै आखरी दिन दोसी बतासी!

रोमीयो 2:5

पण थारा जीद्दि सुभाव अर पापऊँ मन नइ फेरबा की बजेऊँ थे थारै ताँई झाळ भेळी करर्या हो अर आ झाळ थार प बि दिन पड़सी जद परमेसर आपको सचो न्याय परगट करसी।

1 कुरन्थीयो 3:13

जणा हरेक का काम सामै आसी, क्युं क न्यायहाळो दिन आगऊँ आनै चोड़ा म ल्यासी। अर बे कंय्यांको काम कर्या ही इकी परख आगऊँ होसी।

फलिपी 1:28

थे थारा बेरीयाऊँ कंय्यांई कोनी डरो ओ बा ताँई इ बात को सबूत ह क बे हार ज्यासी अर थे जीत ज्यास्यो, क्युं क आ जे परमेसर थानै देवै ह।

2 थिसलूनिकी 2:3

क्युंबी हो, बाकी बाताऊँ मना भेक जाज्यो। क्युं क आ बात जद ताँई पूरी कोनी होवै जद ताँई परमेसर को बिरोद करबाळा सगळा मिनख चोड़ा म नइ आज्यावीं, सागै की सागै आबी जरूरी ह क बो एक मिनख परगट होसी जखो परमेसर का सगळा नियम कायदानै तोड़सी जिकी सजा नरक म जुग-जुग ताँई ह।

1 तिमूतियूस 6:9

पण जानै धन भावै, बे लालच अर उजाड़बाळी बोळी बुरी इंछ्या म पड़ीं, जखी मिनखनै बरबादि अर बिनास क गर्त म गेरै ह।

इबरानीआ 12:29

क्युं क आपणो परमेसर भसम करबाळी आग ह।

2 पतरस 2:9

अ बाता आ दिखावै ह क परबु, परमेसरनै मानबाळा मिनखानै दुखऊँ बचाबो अर न्यायहाळै दिन ताँई पाप्यानै दुख भोगबा की दसा म राखबो जाणै ह।

2 पतरस 3:10

परबु क ओज्यु आबा को दिन चोर की जंय्यां चाणचुक आज्यासी। बि दिन आसमान जोरऊँ गरजसी अर बो सुजसी कोनी। अर आसमान म जत्ता बी गरह ह बे तपर पिघळ ज्यासी, अर आ धरती अर इपै जोक्यु बी ह बो सक्यु बळ ज्यासी।

2 पतरस 3:12

अर थानै परमेसर का न्याय का दिननै उडिकबो चाए। बो दिन तावळो आवै इकी थानै कोसिस करबो चाए। बि दिन आसमान आगऊँ बळ ज्यासी अर बाकी की चिजा पिघळ ज्यासी।

1 यहून्ना 4:17

इऊँ आपणा म परेम साबित होयो ह क, जद न्याय होसी जणा बिस्वास म बण्या रेह्‍वां, क्युं क आपा बंय्यांई इ दुनिया म जीवन जीवां हां जंय्यांकी मसी जीवन जियो हो।

यहूदा 1:7

परमेसर इजरायल का बा मिनखा अर बा ईस्बर नगरी दुता की जंय्यां, सदोम अर अमोरानै अर बिकै कनै की नगर्या का मिनखानै जखा कुकरम करता हा, अर बुरा कामा क गेल भागता हा, बानै कदैई नइ बुत्तबाळी आग म झोकर सजा दिनी। जिऊँ अ बाता ओरा ताँई सबक होवै।

दरसाव 17:11

अर बो खुखार ज्यानबर जखो पेला जिंदो हो, पण इब कोनी, बो खुद आठूओ राजा ह ओ बा सात्यु राजा की जंय्यांई बुरो होसी अर, इको बी नास कर दिओ जासी।

दरसाव 17:8

जि खुखार ज्यानबरनै तू देख्यो ह, बो पेली हो इब कोनी पण बो जिंदो होर पताळऊँ ओज्यु आसी अर बिको नास होज्यासी। अर धरती प रेह्बाळा बे मिनख जाका नाम जुगादऊँई जीवन की पोथी म कोनी मांडेड़ा बे इ खुखार ज्यानबरनै देखर ताजूब करसी, क्युं क ओ पेला जिंदो हो पण इब कोनी पण बो आबाळो ह।

दरसाव 20:11

इकै पाछै म बडोसारो धोळो सिंघासन अर बिकै उपर जखो बेठ्यो हो बिनै देख्यो। बिकै सामैऊँ आसमान अर धरती भाग छुट्या अर बाको नामो निसानई कोनी रिह्यो।

दरसाव 21:1

इकै पाछै म एक नई ईस्बर नगरी अर धरतीनै देख्यो। पेलड़ी ईस्बर नगरी अर पेलड़ी धरती कोनी री, अर समदर बी कोनी रिह्यो।