2 पतरस 3:2 - जीवन को च्यानणो (सेकावाटी नया नियम की पोथ्या)

² जिऊँ थे बा बातानै जानै परमेसर की खेबाळा पेल्याई खे दिआ हा याद राख सको अर परबु, अर आपणानै छुटकारो देबाळा का हुकमनै याद राखो जखो थानै भेजेड़ा चेला की बजेऊँ दिओ हो।

2 पतरस 3:2 Iomraidhean Croise

लूका 1:70

जंय्यां क बे बोळी पेल्याई परमेसर की खेबाळा पबितर मिनखा का मुंडाऊँ खुवा दिआ हा,

लूका 24:27

अर बो बानै मूसाऊँ लेर सगळा परमेसर की खेबाळा की बे बाता खोलर बताई जखी पबितर सास्तर म बिकै बारां म मंडरी ह।

लूका 24:44

अर बाऊँ बोल्यो, “अ बे बाता हीं जखी म जनाड़ै बोली ही जद म थारै सागै हो। अ सगळी बात जखी मूसा का नेम-कायदा म, परमेसर की खेबाळा अर भजना की पोथी म मंडरी ह सगळी पूरी होणीई ही।”

भेजेड़ा चेला का काम 10:43

अर सगळा परमेसर की खेबाळा बिकै बारां म गुवाई दि ही की जखो बी बिपै बिस्वास करसी बिका पाप ईसु मसी क नाम म धुप ज्यासी।”

भेजेड़ा चेला का काम 28:23

जणा बे पोलुस की सुणबा ताँई एक दिन राख्यो। अर बि दिन जठै बो रेहर्यो हो बठै बोळासारा मिनख आर भेळा होया। जणा बो मूसा का नेम-कायदा अर परमेसर की खेबाळा की पोथ्याऊँ ईसु क बारां म समजाबा की कोसिस करतो बानै परमेसर का राज क बारां म समजायो। बो दिनग्याऊँ लेर दिन ढळबा ताँई इमई लाग्यो रिह्यो।

भेजेड़ा चेला का काम 3:18

पण इ बातनै परमेसर बोळी पेल्याई परमेसर की खेबाळा क मुंडाऊँ खुवा दिओ हो, क मसी पिड़ा भोगसी जणा परमेसर बानै अंय्यांई पूरी कर्यो।

भेजेड़ा चेला का काम 3:21

मसी बि दिन ताँई ईस्बर नगरी म रेह्सी जद ताँई बे सगळी बाता पेली जंय्यां कोनी होज्यावै। जानै परमेसर आपकी खेबाळा पबितर मिनखा क मुंडाऊँ बोळी पेल्याई खुवायो ह।

गलातियो 6:2

अर थे एक दुसरानै दुख की घड़ी म सारो द्‍यो, अर ज थे अंय्यां करस्यो जणा मसी का नेम-कायदानै मानबाळा होस्यो।

इफिसुस 2:20

जंय्यां एक हेली निम प चिणी जावै ह, बंय्यांई थे परमेसर का भेजेड़ा चेला अर बिकी खेबाळा मिनखा की सीख की निम प सेलाणी हो। जिकै कूणा का सिरा को भाठो खुद मसी ईसुई ह।

इफिसुस 3:5

गेलड़ा दिना म मिनख जातनै ओ भेद कोनी बताएड़ो हो। पण इब परमेसर आनै पबितर आत्मा क हाता परमेसर का भेजेड़ा चेला अर परमेसर की खेबाळा प परगट कर्यो ह।

1 तिमूतियूस 6:14

आपणा परबु ईसु मसी क परगट होबाळा दिन ताँई अ आदेस मानबा म बेदाग रेह।

2 पतरस 2:21

आ मिनखा ताँई तो ओ चोखो होतो क अ इ धारमिक्‍ता का गेलानैई कोनी जाणता, अर जखो हुकम बानै दिओ गयो हो बिऊँ बे मुंडो फेर लेता।

2 पतरस 3:15

अर आपणा परबु का थ्यावसनै छुटकारो समजो, जंय्यां की म्हारो लाडलो भाईड़ो पोलुस बि ज्ञान गेल जखो बिनै मिल्यो हो थानै मांड्यो हो।

2 पतरस 3:16

पोलुस आपकी सगळी चिठी म आ बाता किई चरचा करी ह, अर जामै कत्ती बाता तो अंय्यां की ह जानै समजबो ओखो ह। अज्ञानी अर जखा मजबूत कोनी बे मिनख बाको गळत मतबल लगार खुदनै नास करीं हीं। बे दुसरा सास्तर की सीखनै मानी हीं।

1 यहून्ना 4:6

पण आपा परमेसर का हां अर जखो बी परमेसरनै जाणै ह बो आपणी बाता सुणै ह। पण जखो परमेसर को कोनी बो आपणी कोनी सुणै। अर इ बातऊँ आपा आ जाण सकां हां क, कूणसी आत्मा सच की ह अर कूणसी आत्मा भंगराबाळी ह।

यहूदा 1:17

लाडलो, थे बा बातानै याद करो, जखी थानै चेताबा ताँई परबु ईसु मसी का भेजेड़ा चेला पेल्याऊँई बता दिनी ह।

दरसाव 19:10

जणा म बिकी जेजैकार करतो होयो ईस्बर नगरी दुत क आगै धोक खाई। पण बो मेरूँ बोल्यो, “अंय्यां मना करै! क्युं क म तो तेरै अर तेरा साती-संगी भाया क सागै परमेसर को दास हूँ। जखानै ईसु मसी की गुवाई देबा की जिमेबारी दि गई ह। तू परमेसर क धोक खा, क्युं क आ परमेसर की आत्मा ह जखी मिनखानै ईसु मसी क बारा म बोलबा की सक्‍ति देवै ह।”