2 पतरस 2:9 - जीवन को च्यानणो (सेकावाटी नया नियम की पोथ्या)

⁹ अ बाता आ दिखावै ह क परबु, परमेसरनै मानबाळा मिनखानै दुखऊँ बचाबो अर न्यायहाळै दिन ताँई पाप्यानै दुख भोगबा की दसा म राखबो जाणै ह।

2 पतरस 2:9 Iomraidhean Croise

मत्ती 10:15

म थारूँ सची खेऊँ हूँ जद न्याय होसी, बि दिन बि नगरी की दसा सदोम अर अमोरा नगरीऊँ बी बेकार होसी।

मत्ती 6:13

अर थे म्हानै बिचासबा मना द्‍यो पण बुराईऊँ बचाओ।

रोमीयो 2:5

पण थारा जीद्दि सुभाव अर पापऊँ मन नइ फेरबा की बजेऊँ थे थारै ताँई झाळ भेळी करर्या हो अर आ झाळ थार प बि दिन पड़सी जद परमेसर आपको सचो न्याय परगट करसी।

1 कुरन्थीयो 10:13

अर थे कदै बी अंय्यां कोनी बिचास्या गया। जखो मिनखा क सेह्बाऊँ बारनै हो। अर परमेसर तो बिस्वास जोगो ह बो थानै थारी सक्‍तिऊँ बेत्ती बिचासबा कोनी दे, पण जद थे बिचास्या जाओ हो जणा बो बिचासबा क सागै-सागै थानै बचाव ताँई उपाय बी बतावै ह।

2 तिमूतियूस 3:12

जखो बी मिनख मसी ईसु की एकता म धरमी जीवन जिबो चावै ह जणा बिनै जुलम सेह्बो पड़सी।

तितूस 2:14

बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।

2 पतरस 2:4

क्युं क परमेसर बा दुतानै जखा पाप कर्या हा बानैई कोनी बकस्यो। अर बानै पताळ क मांयनै अँधेरा कूंड म गेर दिओ, जिऊँ क बे न्यायहाळै दिन ताँई बिकै मांयनै केद रेह्‍वै।

2 पतरस 3:7

पण आज का आसमान अर धरती बिका बचनऊँ इ ताँई बणाएड़ा हीं क, बे बाळ्या ज्यावीं। अर अ जद ताँई अंय्यांई रेह्सी जद ताँई पापी मिनखा को न्याय अर बाको नास नइ होज्यावै।

यहूदा 1:6

म थानै बा दुता क बारां म बी याद दिलाबो चाऊँ हूँ, जखा आपका अधिकार का पदनै समाळर कोनी राख्या पण बि झघानै छोडर भाग्या जिनै परमेसर बानै रेह्बानै दिओ हो। जणा परमेसर बानै सदा ताँई की आग की भटी म न्यायहाळै दिन ताँई बंद कर दिओ, जिऊँ न्याय क दिन बानै सजा दे।

दरसाव 3:10

क्युं क तू मेरा हुकमानै थ्यावस क सागै सक्यु सेण करतो होयो मान्यो ह। इ ताँई जद इ जगत का मिनखानै परखबा ताँई जखो कळेस आबाळो ह बि घड़ी म, म तनै बचास्युं।