2 पतरस 1:6 - जीवन को च्यानणो (सेकावाटी नया नियम की पोथ्या)

⁶ अर समजऊँ खुद प काबू राखबानै अर खुद प काबू राखबाऊँ थ्यावसनै अर थ्यावसऊँ परमेसर की भगतीनै,

2 पतरस 1:6 Iomraidhean Croise

लूका 21:19

थे पक्का रेहज्यो जिऊँ थे खुदनै बचास्यो।

लूका 8:15

अर उपळी माटी प पड़्या बीज बे हीं जखा बचन सुणर बिनै चोखा अर खरा हियाऊँ मानै अर थ्यावस राखर समाळर राखीं हीं जद ताँई क बाका करम बि बचन गेल नइ होज्यावै।

भेजेड़ा चेला का काम 24:25

पण जद पोलुस धारमिक्‍ता, खुद प काबू राखबो अर परमेसर को मिनखा प आबाळा न्याय का दिन क बारां म बोलबा लाग्यो जणा फेलिक्स डरगो अर बोल्यो, “इब तो तू जा कदै ओज्यु मोको पड़सीक जणा तनै बुलास्युं।”

रोमीयो 15:4

हरेक बात जखी पबितर सास्तर म मांडी गई ह, बा आपानै सीख देबा ताँई हीं, जिऊँ जखी थ्यावस अर हिमत सास्तराऊँ मिलै ह, बिऊँ आपानै आस मिलै।

रोमीयो 2:7

बे मिनख जखा थ्यावसऊँ भला कामा म लागर मेमा, मान-समान अर अजर-अमर जीवननै टोवीं हीं बानै परमेसर अजर-अमर को जीवन देसी।

रोमीयो 8:25

पण ज आपा बि बात की आस करां जखी हाल ताँई पूरी कोनी होई जणा आपा बिनै थ्यावस राखर उडिकां हां।

1 कुरन्थीयो 9:25

अर थे जाणो हो क खेल-कूद म भाग लेबाळा सगळा खिलाड़ी सगळी बाता प खराईऊँ चाली हीं। अर बे तो नास होबाळा मुकटनै पाबा ताँई अंय्यां करै ह, पण आपा बि मुकट ताँई कर्या हां जखो कदैई नास कोनी होबा को।

2 कुरन्थीयो 6:4

पण म्हें सगळी बाता म कळेस, दुख, मुसीबत भोगर थ्यावस क सागै परमेसर का दासा की जंय्यां होबा की कोसिस करता रेह्‍वां हां।

गलातियो 5:23

नरमाई अर खुदनै बस म राखबो, अंय्यां का कामा क खिलाप म कोई नियम कोनी ह।

कलुसीयो 1:11

बो थानै आपकी मेमाभरी सक्‍तिऊँ मजबूत बणावै ह जिऊँ थे थ्यावस राख'र सक्यु सेह सको। अर राजी-खुसीऊँ

1 थिसलूनिकी 1:3

परम-पिता परमेसर क सामै म्हें जद बी जावां जणा थारा बिस्वास का कामानै, थारा परेम भर्या कामानै अर परबु ईसु मसी क ओज्यु आबा की आस म, थे सक्यु सेह्ता होया बी बिस्वास म पक्का हो, आ बातानै सदाई याद करां हां।

2 थिसलूनिकी 1:4

इ ताँई जद कदै म्हें परमेसर की दुसरी बिस्वासी मंडळ्या म जावां हां जणा बाकै सामै थारै बई गुमान करबो कोनी भूलां। क्युं क थे जत्ता बी दुख अर सताव भोगो हो बा सगळा म बानै थारी सेह्बा की सक्‍ति अर बिस्वास क बारां म बेरो चालै ह।

2 थिसलूनिकी 3:5

परबु थारा हियानै परमेसर का परेमनै समजबा की अर मसी की जंय्यां बरदास करबा की सक्‍ति देवै।

1 तिमूतियूस 2:10

अंय्यां की भाण-बेटी जखी खुदनै परमेसर की भगत मानी हीं बा ताँई ओई चोखो ह क, बे खुदनै भला कामाऊँ सुवांरी।

1 तिमूतियूस 2:2

राजा-म्हराजा अर सगळा अधिकार्या ताँई अरदास करी जावै। जिऊँ आपा सुक-स्यांती क सागै भगती अर सरदाऊँ परमेसर ताँई जीवन जी सकां।

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।

1 तिमूतियूस 6:11

पण तू, जखो परमेसरनै मानबाळो ह, आ सगळी बाताऊँ दूर रेह्जे, पण धारमिक्‍ता, भगती, बिस्वास, परेम, थ्यावस अर दिनता म बण्यो रेह।

1 तिमूतियूस 6:3

ज कोई, बि सई अर आपणा परबु ईसु मसी की ईस्बरीय सीखनै, नइ मानै अर क्युं न्यारोई सीखावीं,

1 तिमूतियूस 6:6

परमेसर की भगती म राजी रेह्बाळो, इ सच म अमीर ह।

2 तिमूतियूस 3:5

बे धारमिक्‍ता को दिखाओ तो करी हीं, पण परमेसर की सक्‍तिनै कोनी मानी। अंय्यां का मिनखाऊँ खुदनै दूर राख।

तितूस 1:1

म ईसु मसीऊँ भेजेड़ो चेलो, परमेसर को दास पोलुस आ चिठी तितूस तनै मांडूँ हूँ। म परमेसर का टाळेड़ा मिनखानै बिस्वास म बढाबा भेज्यो गयो हूँ। जिऊँ बे सचनै जाणर पबितर जीवन जीवै।

तितूस 1:8

पण बो आवभगत करबाळो, भलाई चाबाळो, खुदनै बस म राखबाळो, पबितर, धरमी अर कायदा म रेह्बाळो होवै।

तितूस 2:2

बूडा-ठेरानै हिदायत दे क बे सिदा-सादा, थ्यावस राखबाळा, खुदनै बस म राखबाळा लोगा म बुजहाळा, प्यार-परेम अर बिस्वास म मजबूत अर बरदास करबाळा हो।

इबरानीआ 10:36

अर थानै चाए क थे मजबूत होवो जिऊँ क जद थे परमेसर की इंछ्यानै पूरी करो जणा जिको बादो बो कर्यो ह बो थे पा सको।

इबरानीआ 12:1

इ ताँई आपणै च्यारूमेर गुवाया की भीड़ ह जणा आओ रोड़ो गेरबाळी हरेक चिजानै, उळजाबाळा पापनै दूर करर बा दोड़ जिमै आपानै दोड़णो ह थ्यावस क सागै दोड़ां।

इबरानीआ 6:12

क्युं क म्हें आ कोनी चावां क थे आळसी बणो, पण म्हें आ चावां हां क थे बा मिनखा किसी चाल चालो जखा बिस्वास अर थ्यावसऊँ बा बाता का वारिस हीं जाको करार परमेसर कर्यो हो।

इबरानीआ 6:15

जणा अब्राहम थ्यावस क सागै इ करारनै उडिक्यो अर परमेसर को करेड़ो करार पूरो होयो।

2 पतरस 1:3

जीवन जीबा ताँई अर परबु की सेवा करबा ताँई जोक्यु बी आपणानै चाए हो, बो सक्यु परबु आपकी अनोरी सक्‍तिऊँ आपणानै दिओ ह। क्युं क आपा बिनै जाणा हां। बोई आपणानै आपकी धारमिक्‍ता अर मेमाऊँ बुलायो ह।

2 पतरस 3:11

जदकी अ सगळी चिजा नास होबाळी ह जणा पाछै थे सोचो थारो परमेसर म चाल-चलन किसोक होणो चाए? थानै पबितर जीवन जिबो चाए।

दरसाव 1:9

म यहून्ना थारो बिस्वासी भाई हूँ, म आपणा ईसु मसी म पिड़ा, थ्यावस अर राज म थारो साती हूँ। मनै परमेसर का बचन अर ईसु मसी की गुवाई देबा की बजेऊँ देस निकाळो देर पत्तमुस नाम का टापू प भेज दिओ गयो हो।

दरसाव 13:10

“जिनै केद म जाणो ह, बो केद म ज्यासी, जिनै तलवारऊँ मार्यो ज्यासी, बो तलवारऊँ मरसी।” इमई परमेसर का मिनखानै थ्यावस अर बिस्वास राखबा की जुर्त ह।

दरसाव 14:12

जखा मिनख परमेसर का हुकमानै मानै, अर ईसु प बिस्वास करै ह बानै थ्यावस अर बिस्वास राखबा की जुर्त ह।

दरसाव 2:2

म तेरा कामानै, तेरी मेनतनै अर तेरा थ्यावसनै जाणू हूँ। म ओबी जाणू हूँ क, तू बुरा मिनखानै बरदास कोनी करै अर तू बा मिनखानै जखा खुदनै भेजेड़ा चेला बोलै ह पण बे ह कोनी, तू बानै परख्यो अर बे झूठा निकळ्या।