2 पतरस 1:16 - जीवन को च्यानणो (सेकावाटी नया नियम की पोथ्या)

¹⁶ म्हें थानै आपणा परबु ईसु मसी की सक्‍ति क बारां म अर बिकै ओज्यु आबा क बारां म जखो समचार सुणाया हां, बा कोई मन घड़त क्हाणी कोनी ही, पण म्हें खुद बिकी मेमानै म्हारी आँख्याऊँ देख्या हां।

2 पतरस 1:16 Iomraidhean Croise

मत्ती 16:27

जद मिनख को बेटो ईस्बर नगरी दुता क सागै परम-पिता की मेमा म आसी जणा बो मिनखानै बाका कामा गेल फळ देसी।”

मत्ती 16:28

ईसु बाऊँ बोल्यो, “म थानै सची खेऊँ हूँ अठै खड़्या मिनखा मऊँ कई तो अंय्यां का हीं क बे जद ताँई मिनख का बेटानै बिका राज म आतो नइ देखलीं जद ताँई बे कोनी मरै।”

मत्ती 17:1

छ दिना क पाछै ईसु आपका चेला मऊँ पतरस, याकूब अर बिका भाई यहून्नानै सागै लेर डूँगरी प गयो।

मत्ती 24:27

जंय्यां अकास म बिजळी अगुणी दिसाऊँ लेर पाछुणी दिसा ताँई चमकै ह। अर सगळा मिनख बिनै देखै ह, बंय्यांई जद मिनख को बेटो आसी, जणा बिनै सगळा देखसी।

मत्ती 24:3

जद ईसु जेतून की डूँगरी प बेठ्यो हो जणा चेला एकला म आर बाऊँ बोल्या, “म्हानै बता अ बाता कद घटसी। तेरै आबा अर इ दुनिया का अंत को काँई सेलाणी होसी?”

मत्ती 28:18

जणा ईसु बाकन आर खेयो, “ईस्बर नगरी अर धरती को सगळो अधिकार मनै दिओ गयो ह।

मरकुस 13:26

जणा लोग मिनख का बेटानै महासक्‍ति अर मेमा क सागै बादळा प आतो देखसी।

मरकुस 14:62

ईसु बोल्यो, “हाँ म बोई हूँ अर थे मिनख का बेटानै सऊँ सक्‍तिसाली परमेसर क दाया हात बेठ्यो अर अकास म बादळा क सागै आतो देखस्यो।”

लूका 1:2

अ सगळी बाता आपानै बे पुगाई जखा आ सगळी बातानै सरूँ घटता देखी। अर जखा बचन को हेलो पाड़बाळा होया।

लूका 9:43

बे सगळा परमेसर का इ बडा कामऊँ ताजूब म पड़गा। अर जद मिनख ईसु का करेड़ा सगळा कामा प ताजूब करर्या हा, बि टेमई ईसु आपका चेलाऊँ बोल्यो,

यहून्ना 1:14

बचन देधारी होयो। बो दया अर सच क सागै म्हारै मांयनै रिह्यो। अर म्हें बिकी अंय्यां की मेमा देखी जंय्यां परम-पिता का इकलोता बेटा की मेमा।

यहून्ना 17:2

थे बिनै सगळा मिनखा प अधिकार दिओ ह जिऊँ बो बा मिनखानै अजर-अमर जीवन देवै जानै थे टाळ्या हो।

1 कुरन्थीयो 1:17

क्युं क मसी मनै बतिस्मो देबा ताँई नइ, पण बिना मिनख बुदी की मिलावट क चोखा समचार सुणाबा ताँई भेज्यो ह। जिऊँ मसी को सुळी भोगबो बेकार नइ जावै।

1 कुरन्थीयो 1:23

पण म्हें तो सुळी प चढाईड़ा ईसु मसी को हेलो पाड़ां हां, जखो यहूदि मिनखा ताँई आखळी अर गैर-यहूदि मिनखा ताँई बकवास ह।

1 कुरन्थीयो 1:7

जणाई थे आपणा परबु ईसु मसी क परगट होबानै उडिकर्या हो अर इ ताँई थानै ख्याई आत्मिक बाता की कमी कोनी।

1 कुरन्थीयो 2:1

मेरा लाडला बिस्वास्यो, जद म थारै कनै परमेसर का भेदा को सच परचार करबा आयो हो जणा म नइ तो बडी-बडी बाता करी अर नइ कोई बडी सीख लगाई।

1 कुरन्थीयो 2:4

मेरो बोलबो, अर हेलो पाड़बो मिनख की बुदी गेल बडा-बडा बोलऊँ कोनी हो पण पबितर आत्मा की सक्‍ति का पुक्‍ता सबूत म हो,

1 कुरन्थीयो 5:4

जद थे परबु ईसु की सक्‍ति क सागै बिका नाम म भेळा होस्यो जणा मेरी काया को तो बेरो कोनी पण मेरी आत्मा बठै होसी।

2 कुरन्थीयो 2:17

परमेसर का बचना को परचार को धंधो करबाळा बोळा हीं बे आपको फाईदो चावै ह। पण म्हें अंय्यां का कोनी हां, म्हानै परमेसर सचाई क सागै बोलबा ताँई ईसु मसी का दास क रूप म भेज्यो ह।

2 कुरन्थीयो 4:2

म्हें बेसरमी का काम कोनी करां। नइ तो म्हें कपट राखां हां अर नइ झूठी बातानै परमेसर की कर बतावां हां। पण परमेसर क सामै म्हें सच बोलर्या हां अर जखा सचा हीं बेई इ बातनै जाणी हीं।

इफिसुस 4:14

जिऊँ आपा टाबरपुणो नइ करां। जिऊँ आपा मिनखा का ठगपुणा अर चतराईऊँ अर बाकी भंगराबाळी सीख म आर इनै-बिनै भटकता नइ फिरां।

फलिपी 3:21

बो सगळी चिजानै आपकै बस म करबाळी खुदकी सक्‍तिऊँ आपणी माड़ी अर नसबर कायानै बदलर खुदकी मेमाभरी काया जंय्यां की कर देसी।

1 थिसलूनिकी 2:19

थेई बताओ, आपणा परबु ईसु क सामै बिका आबा की टेम म्हारै ताँई म्हारी आस, खुसी अर बडाई को मुकट कूण होसी? बे थेई कोनी होस्यो के?

2 थिसलूनिकी 2:9

पण बिकै नास होबाऊँ पेली बो सेलाणी-चमत्कार अर ताजूब का काम दिखासी क्युं क बिमै सेतान की सक्‍ति होसी।

1 तिमूतियूस 1:4

अर बा क्हाण्या अर पिड्या प गोर नइ करै जखी राड़ करावै ह, अर परमेसर की बि इंछ्यानै पूरी कोनी करीं, जखी खाली बिस्वासऊँई पूरी हो सकै ह।

1 तिमूतियूस 4:7

पण खुदनै, नइ खेबा जोगी बा क्हाणी-कथाऊँ परै राख, जामै परमेसर कोनी पण खुदनै परमेसर की भगती म लगायो राख।

तितूस 1:14

अर यहूदि मिनखा की मनघड़ी क्हाण्या प अर बा मिनखा का आदेसा प ध्यान मना द्‍यो जखा सचाईनै कोनी मानै।

2 पतरस 2:3

अर बे लालची होबा की बजेऊँ थानै दिखावटी बाता बोलर थारूँ धन कमासी। अर बाकी सजा तो पेल्याऊँई परमेसर ते कर राखी ह। अर बाको नास बानै उडिकर्यो ह।

1 यहून्ना 4:14

परम-पिता आपका बेटानै इ जगत का मिनखा को छुटकारो करबा ताँई भेज्यो। अर म्हें बिनै देख्या अर बिका गुवा बी हां।

यहूदा 1:14

आ मिनखा ताँई हनोक जखो आदम की सातवी पिडी मऊँ हो बो बी खयो हो, “देखो! परबु आपका हझारा-हझारा पबितर ईस्बर नगरी दुता क सागै आर

दरसाव 1:7

“देखो, बो बादळा क सागै आर्यो ह,” अर “हरेक आँख बिनै देखसी, अठै ताँई बे बी जखा बिनै मार्या हा।” अर धरती का सगळा कूणबा का मिनख “बि ताँई छाती पिटसी।” अंय्यांई होसी! अंय्यांई होवै।