2 पतरस 1:12 - जीवन को च्यानणो (सेकावाटी नया नियम की पोथ्या)

¹² जदकी थे आ बातानै जाणो हो, अर थानै जखी सचाई का बचन मिल्या हीं अर थे आ बचनानै मानो बी हो। जणा बी म थानै अ बाता याद दिवाऊँ हूँ।

2 पतरस 1:12 Iomraidhean Croise

भेजेड़ा चेला का काम 16:5

अंय्यां करता-करता बिस्वासी मंडळ्या बिस्वास म मजबूत होती गई अर गिणती म बढती गई।

फलिपी 3:1

आखीर म, मेरा लाडला बिस्वास्यो, परबु म राजी होता रह्यो। थानै अ बाता ओज्यु मांडबा म मनै तो कोई आट कोनी, अर ज म अंय्यां मांडूँ बी हूँ जणा आऊँ थारो बचावई होसी।

कलुसीयो 1:5

अंय्यां बि आस करेड़ी चिज की बजेऊँ होयो ह जखी थारै ताँई ईस्बर नगरी म धरेड़ी ह। अर जिकै बारां म थे पेल्याऊँई चोखा समचार जखो सचो ह बिमै सुण लिआ हो।

कलुसीयो 2:7

अर जंय्यां थानै सीखायो गयो ह बंय्यांई थारी जड़ानै बिमै फिलार बढता जाओ। बिपै थारा जीवना की निम गेरो। अर बिस्वास म पक्का होर बिको धनेवाद करता रेह्ओ।

1 तिमूतियूस 4:6

ज तू भाईड़ानै अ हिदायत देसी जणा तू मसी ईसु को चोखो दास होसी। इऊँ ओ बेरो पड़ै क, आत्मिक रूपऊँ बिस्वास का बचन अर सची सीख तेरै मांयनै ह, जखी तू मानतो आयो ह।

2 तिमूतियूस 1:6

जणाई म तनै याद दिआऊँ क, बि बरदाननै थाम्यो राख, जिनै परमेसर तनै बि टेम दिओ हो जद म तेर प हात धर्यो हो।

इबरानीआ 10:32

थे बा पेलड़ा दिनानै याद करो, जद थे मसी क बारां म जाण्या हा जणा बोळा सताव अर दुख की घड़ी म बी मजबूत रिह्या हा।

इबरानीआ 13:9

भात-भात की अणजाणी सीख की भंगर्या म मना आज्यो, क्युं क थारा हिया ताँई ओ चोखो ह क बे खाबा-पीबा का नियमा क बजाय दया की बजेऊँ मजबूत बणै। अर जखा खाबा-पीबा का नियमानै मान्या बाऊँ बाको कदैई भलो कोनी होयो।

1 पतरस 5:10

परमेसर जखो दया को दाता ह। बोई थानै मसी म जुग-जुग ताँई आपकी की मेमा ताँई बुलायो ह। अर थारै थोड़ोसोक दुख भोगबा क पाछै बो खुदई थानै मजबूत, ताकतबर अर पक्को बणासी।

1 पतरस 5:12

म बिस्वासी भाईड़ा सिवानुसनै बिस्वास जोगो जाणू हूँ, बिकै हात चिठी मंडवार थानै समजायो हूँ, अर आ गुवाई दिनी ह क परमेसर की सची दया आई ह। थे इमई मजबूत रेहज्यो।

2 पतरस 1:13

म सोचूँ हूँ क, ओ चोखो ह क जद ताँई म इ काया म हूँ, थानै अ बाता याद दिवातो रेहस्युं।

2 पतरस 1:15

इ ताँई म पूरी कोसिस करूं हूँ, क मेरै मरबा क पाछै आ बातानै थे याद राखो।

2 पतरस 3:1

ओ लाडलो, आ मेरी दुसरी चिठी ह जखी म थानै मांडी ह, अर म मेरी आ दोन्यु चिठ्या म थानै याद दिवायो हूँ क थानै पबितर हियो राखबो चाए।

2 पतरस 3:17

ओ लाडलो, थे पेल्याऊँई आ बातानै जाणर चेता म रेह्ओ, जिऊँ थे बुराई करबाळा की बाता म आर थारी मजबूतिनै नइ खो द्‍यो।

1 यहून्ना 2:21

के थानै अंय्यां लागै क म आ चिठी इ ताँई मांडूँ हूँ क, थे सचनै कोनी जाणो ? पण थे तो सचनै जाणो हो अर आबी जाणो हो क जठै सच होवै बठै झूठ कोनी खटावै।

2 यहून्ना 1:2

ओ बि सच की बजेऊँ होयो ह जखो आपणा म बास करै ह अर जखो सदाई आपणै सागै रेह्सी।

यहूदा 1:17

लाडलो, थे बा बातानै याद करो, जखी थानै चेताबा ताँई परबु ईसु मसी का भेजेड़ा चेला पेल्याऊँई बता दिनी ह।

यहूदा 1:3

लाडलो म तो घणोई चातो हो क, थानै बि छुटकारा क बारां म मांडूँ, जिका आपा बराबर का पाँतीवाळ हां। अर मनै अंय्यां बी लाग्यो क, म थानै अ बाता मांडर बढाओ द्‍युँ जिऊँ थे बिस्वास म बढता रेह्‍ओ, ओ बो बिस्वास ह जखो परमेसर का मिनखानै दिओ गयो ह।

यहूदा 1:5

थे तो बा बातानै जाणोई हो, पण म थानै ओज्यु याद दिलाबो चाऊँ हूँ, क परबु आपका मिनखानै मिसर देसऊँ निकाळर बचार ल्यायो हो। पण बा मिनखा मऊँ कई बिस्वासऊँ मुकरगा इ ताँई बोई बा मिनखानै नास कर दिओ जखा बिस्वासऊँ मुकरगा हा।