1 तिमूतियूस 6:18 - जीवन को च्यानणो (सेकावाटी नया नियम की पोथ्या)

¹⁸ चोखा काम करबा ताँई बानै आदेस दे, जिऊँ बे चोखा काम करबाळा, दान देबाळा अर हियाऊँ देबाळा होवीं।

1 तिमूतियूस 6:18 Iomraidhean Croise

मत्ती 5:42

अर ज कोई मिनख तेरूँ क्युं माँगै जणा बिनै दिजे। अर ज कोई मिनख तेरूँ उधारो लेबो चावै जणा बिनै बी मना मत करजे।

लूका 12:21

बो मिनख बी अंय्यां ह जखो आप ताँई धन भेळो करै, पण परमेसर की नजर्या म बो क्युंई कोनी।”

लूका 3:11

बो बोल्यो, “जिकनै दो कुर्ता हीं बे बिकै सागै बाट ले जिकनै कोनी। अर जिकनै रोटी ह बो बी अंय्यांई करै।”

भेजेड़ा चेला का काम 10:38

जंय्यां क थे जाणोई हो क परमेसर, कंय्यां पबितर आत्मा अर सक्‍तिऊँ ईसु नासरी को अभिसेक कर्यो। बो च्यारूमेर जार भलाई करतो अर सेतान का सतायड़ा सगळानै निरोगो करतो क्युं क परमेसर बिकै सागै हो।

भेजेड़ा चेला का काम 11:29

जणा सगळा चेला जत्ता बी बठै हा बे आपकी पायना गेल यहूदिआ म रेह्बाळा भाई-भाणा ताँई मदद भेजबा को फेसलो कर्यो।

भेजेड़ा चेला का काम 9:36

बठै याफा नगरी म तबिता नाम की एक बिस्वासी रिह्या करती ही जिनै यूनानी भासा म दोरकास खेवै ह जिको मतबल हिरणी होवै। बा बोळा चोखा-चोखा काम कर्या करती अर गरीबानै दान दिआ करती ही।

रोमीयो 12:13

परमेसर का मिनखा की जुर्ता म बाको सागो द्‍यो, मिजमानी घालबा का मोका ढुंढता रेह्ओ।

रोमीयो 12:8

ज कोईसानै दुसरानै हिमत बंधाबा को बरदान मिल्यो ह जणा बो हिमत बंधावै। ज कोईसानै दान देबा को बरदान मिलेड़ो ह जणा बो खुला मनऊँ देवै। ज कोईसानै मुख्याई करबा को दान मिलेड़ो ह जणा बो मन लगार मुख्याई करै, अर ज कोईसानै दया करबा को बरदान मिलेड़ो ह जणा बो राजी हियाऊँ दया करै।

1 कुरन्थीयो 16:2

अर जद बी सपता को पेलो दिन दितबार आवै, थे थारी कमाई मऊँ थोड़ो भोत न्यारो टाळता रेहज्यो जिऊँ म जदबी आऊँ थानै दान भेळो करबो नइ पड़ै।

2 कुरन्थीयो 8:12

थे जोक्यु बी थारी हिया की इंछ्याऊँ द्‍यो हो जणा बो अपणायो जावै ह। अर मेरो खेबो तो ओई ह क थारी पायना गेलई दिज्यो बिऊँ बेसी देबा की जुर्त कोनी।

2 कुरन्थीयो 8:9

क्युं क थे आपणा परबु ईसु मसी की दयानै जाणो हो। बो सक्याको मालिक होर बी थारै ताँई गरीब बण्यो। जिऊँ थे बिकी गरीबी की बजेऊँ हर चिज का धणी बण सको।

गलातियो 6:10

जणा जठै ताँई मोको मिलै, आपा सगळा क सागै भलाई करां, अर खास कर बिस्वासी भाईड़ा क सागै।

इफिसुस 4:28

जखा चोरी करीं हीं बानै चोरी करनी छोडर भला कामा म मेनत कर खुद ताँई कमाणो चाए अर गरीबानै दान देणो चाए।

1 तिमूतियूस 5:10

जिको चोखा काम करबा म नाम होयड़ो हो, अर जखी आपका टाबरानै सूल पाळी हो, जखी पराया अर अणजाण मिनखा की आवभगत करी हो, परमेसर का मिनखा को खुदका घर म आवभगत करी हो, दिन-दुखीया की मदद करी हो, अर जखी खुदनै चोखा काम करबा म लगादि होवै।

तितूस 2:14

बो आपणा ताँई खुदकी ज्यान दे दिनी। जिऊँ बो आपानै सगळा पापऊँ बचावै अर आपानै सुद कर खुद ताँई अंय्यां का मिनख बणावै जखा भला काम करबा ताँई उतावळा रेह्‍वै।

तितूस 3:8

आ बिस्वास जोगी बात ह। म चाऊँ हूँ क आ मामला म तू खास जोर देर बोलै जिऊँ परमेसर प बिस्वास राखबाळा, भला काम करीं, जखा सकै काम का अर चोखा हीं।

इबरानीआ 13:16

अर भलाई करबो अर खुदकी चिजानै दुसरा क सागै बांटबो मना भूलज्यो। क्युं क परमेसर अंय्यां का बलिदानाऊँई राजी होवै ह।

याकूब 2:5

मेरा लाडला बिस्वास्यो, ध्यानऊँ सुणो, के ईस्बर बानै कोनी टाळ्यो जखा इ जगत का मिनखा की नजर्या म गरीब ह? जिऊँ बे बिस्वास म अमीर होज्यावै अर बि राज का अधिकारी बणै जिनै परमेसर बिऊँ परेम करबाळानै देबा को बादो कर्यो ह।

1 पतरस 3:11

बुराई करबो छोडर भलाई करै, अर इ कोसिस म लाग्यो रेह्‍वै क मेळमिलापऊँ कंय्यां रेह्ऊँ।

1 यहून्ना 3:17

ज थारै मऊँ कोई मिनख सादन सम्पन होवै अर बिका बिस्वासी भाईड़ानै ख्या चिज की जुर्त होवै अर ज बो जुर्तमंद पाड़ोसी भाईड़ा प तरस नइ खावै जणा आपा कंय्यां खे सकां हां क बिकै मांयनै पिता-परमेसर को परेम ह?

3 यहून्ना 1:11

मेरा लाडला, तू तो बुराई क गेलै नइ पण भलाई क गेलै चालजे। क्युं क जखो बी मिनख भलाई करै ह, बो परमेसर को ह। अर जखो बुराई करै ह बो परमेसरनै कोनी जाणै।