1 तिमूतियूस 6:12 - जीवन को च्यानणो (सेकावाटी नया नियम की पोथ्या)

¹² बिस्वास की दोड़ म पूरी ज्यान लगार भाज। अर खुद ताँई अजर-अमर जीवन जीत, जि ताँई तनै परमेसर बुलायो हो, जद तू रोब क सागै तेरा बिस्वासनै बोळा सारका गुवा क सामै दिखायो हो।

1 तिमूतियूस 6:12 Iomraidhean Croise

2 कुरन्थीयो 6:7

अर परमेसर की सक्‍ति की बजेऊँ म्हें परमेसर का दास हां। हमलो करबा अर बचाव ताँई म्हारी धारमिक्‍ता म्हारो राछ ह।

2 कुरन्थीयो 9:13

थारी इ सेवा की बजेऊँ बे परमेसरनै मेमा देसी। क्युं क बा ताँई अर सगळा बिस्वासी ताँई थारो खुला हियाऊँ दान करबो ओ साबित करै ह क थे मसी का चोखा समचार प चालबाळा हो।

फलिपी 1:30

क्युं क थे बी बाई राड़ लड़र्या हो जखी म लड़तो आयो हूँ इनै थे देख्या बी हो अर जंय्यां थे सुणो हो क इब ताँई बी, म इनै लड़र्यो हूँ।

कलुसीयो 3:15

परमेसर थानै एक सागै एकई काया म स्यांतीऊँ रेह्बा ताँई बुलायो ह, जणा इब थे मसी जखी स्यांती थानै दि ह बिनै थारा हिया म राज करबा द्‍यो। अर परमेसर को धनेवाद करता रह्यो।

1 थिसलूनिकी 2:12

थारै मऊँ हरेकनै हिमत बंधाता, तसली देता अर समजाता हा क थारो चाल-चलन परमेसर जोगो होवै जखो थानै आपका राज अर मेमा म बुलावै ह।

2 थिसलूनिकी 2:14

परमेसर थानै चोखा समचार की बजेऊँ बुलायो ह, जिऊँ थे बी आपणा परबु ईसु मसी की मेमा म सामिल होवो। ओ बि चोखा समचार क जरिए होयो ह जिकी सीख म्हें थानै दिनी ही।

1 तिमूतियूस 1:18

मेरा बेटा तिमूतियूस, म तनै आदेस द्‍युँ हूँ क, तू चोखी राड़ लड़, ओ बा बाता गेलई ह जखी पेल्याऊँ परमेसर की खेबाळा खे दि ह। बा बातानै भूलै मना जिऊँ तनै बुराई क खिलाप लड़बा की हिमत मिल सकै।

1 तिमूतियूस 1:19

बिस्वास अर साप अन्तर-आत्मा राख। क्युंक मिनख खुदकी अन्तर-आत्मा की कोनी सुणी, जिऊँ बे बिस्वासऊँ फिरगा।

1 तिमूतियूस 4:14

तेरै मांयनै जखो आत्मिक बरदान ह जखो तनै बि टेम मिल्यो हो जद परमेसर की खेबाळा अर बिस्वासी मंडळी का मुखिया तेरा सीर प तनै आसिरबाद देबा ताँई हात मेहल्या हा, बि बरदान बई लापरवा मना हो।

1 तिमूतियूस 6:13

सगळानै जीवन देबाळा परमेसर क सामै अर मसी ईसु जखो पीळातुस क सामै हिमत क सागै आपका बिस्वासनै दिखायो बिमै, म तनै आदेस देऊँ हूँ,

1 तिमूतियूस 6:19

अंय्यां कर बे खुद ताँई अंय्यां को धन भेळो करसी जखो आबाळा टेम ताँई एक मजबूत निम म्हेलसी। अर जणा बे बि जीवननै जीतबा जोगा होसी, जखो सचो ह।

2 तिमूतियूस 1:9

बो आपानै परमेसर का मिनख होबा ताँई बचायो अर बुलायो ह, ओ सोभाग आपणा प आपणा करमा गेल कोनी होयो ह पण ओ तो बिकी दया अर बिका मकसद गेल आपणा प होयो ह। जखो मसी ईसु म जगत की सरूआतऊँ पेली आपणा प होगो हो।

2 तिमूतियूस 2:2

जखी बाता तू मेरूँ बोळा सारका गुवाई देबाळा की मोजूदगी म सुणी ह बा बातानै बिस्वास जोगा मिनखानै सूप दे, जखा दुसरानै सीखाबा जोगा हीं।

2 तिमूतियूस 4:7

म चोखो लड़लिओ, म मेरी दोड़ पूरी करली अर म बिस्वास जोगो रिह्यो।

इबरानीआ 13:23

अर म चाऊँ हूँ क थानै खबर लागै क आपणो बिस्वासी भाई तिमूतियूस छुटगो ह। अर ज बो तावळोई मेरै कनै आसी जणा म बी बिकै सागै थारूँ मिलबा आस्युं।

इबरानीआ 3:14

क्युं क ज आपा पेलड़ा बिस्वास म आखीर ताँई मजबूत बण्या रेहस्यां जणाई आपा मसी का पाँतीवाळ बणस्यां।

इबरानीआ 6:18

जणा अठै नइ बदलबाळी दो बाता ह, बिको बादो अर बिकी सोगन जाकै बारां म परमेसर कदैई झूठ कोनी बोल सकै। इ ताँई परमेसर की सरण म आबो आपानै बोळी हिमत बंधावै, जिऊँ आपा आपणै सामै धरेड़ी परमेसर का करेड़ा वादा क पूरो होबा की आसनै, मजबूती क सागै लगाए राखां।

1 पतरस 3:9

थे बुराई क बदलै बुराई मना करो, गाळी क बदलै गाळी मना द्‍यो पण आकै बदलै आसिरबादई द्‍यो। क्युं क थानै अंय्यां करबा ताँई बुलायो गयो ह जिऊँ थे आसिरबाद का वारिस होवो। जंय्यां सास्तर म मंडर्यो ह,

1 पतरस 5:10

परमेसर जखो दया को दाता ह। बोई थानै मसी म जुग-जुग ताँई आपकी की मेमा ताँई बुलायो ह। अर थारै थोड़ोसोक दुख भोगबा क पाछै बो खुदई थानै मजबूत, ताकतबर अर पक्को बणासी।

1 यहून्ना 2:25

अर मसी खुद आपानै अजर-अमर जीवन देबा को बादो कर्यो ह।

यहूदा 1:3

लाडलो म तो घणोई चातो हो क, थानै बि छुटकारा क बारां म मांडूँ, जिका आपा बराबर का पाँतीवाळ हां। अर मनै अंय्यां बी लाग्यो क, म थानै अ बाता मांडर बढाओ द्‍युँ जिऊँ थे बिस्वास म बढता रेह्‍ओ, ओ बो बिस्वास ह जखो परमेसर का मिनखानै दिओ गयो ह।

दरसाव 3:3

इ ताँई, जि सीखनै थे सुण्या हा बानै याद करो अर तौबा करो अर बि सीख क गेल चालो। अर ज तू अंय्यां कोनी करसी जणा म चोर की जंय्यां चाणचुक तेरै कनै आज्यास्युं अर तनै बेरो कोनी पड़बा देस्युँ।