1 तिमूतियूस 5:6 - जीवन को च्यानणो (सेकावाटी नया नियम की पोथ्या)

⁶ पण जखी खालीहोइड़ी लूगाई मोज-मस्ति म पड़गी बा जीता-जी मरगी।

1 तिमूतियूस 5:6 Iomraidhean Croise

मत्ती 8:22

पण ईसु बिनै ओडायो, “मेरै गेल होले क्युं क परमेसर बा मिनखानै जाकै कनै जुग-जुग को जीवन कोनी बानै मरेड़ो समजै ह बा मरेड़ा मिनखानै बाका मरेड़ानै गाडबा दे।”

लूका 12:19

अर म मेरा जीवड़ाऊँ बोलस्युं, ‘अरै जीवड़ा तेरै कनै अत्तो नाज अर धन-दोलत ह क बरसाई कोनी निमडै़। जणा अराम कर मजाऊँ खा-पीर अर मजा लूट।’

लूका 15:13

“थोड़ाई दिन बित्या जणा बो छोटक्यो छोरो आपकी पाँती को सगळो धन भेळो कर दूर दिसावर चलेगो। अर बठै बि धननै उदफेली म उडा दिओ।

लूका 15:24

क्युं क मेरो छोरो जखो म्हारै कानि को मर्या समान हो, बो पाछो जीयायो ओ गुमगो हो, जखो इब लाध्यो ह।’ अर बे सगळा मिलर खुसी मनाबा लाग्या।

लूका 15:32

पण इब आपानै राजी होणो अर खुसी मनाबो चाए। क्युं क ओ तेरो भाईड़ो जखो आपणै कानि को मर्यो समान हो पाछो जीयायो ओ गुमगो हो इब लाध्यायो।’”

लूका 16:19

“एक साऊकार हो। अर बो मेंगा-मेंगा गाबा पेरतो अर रोजकी म्हेफिल बाजी करतो।

लूका 7:25

नइ, जणा थे काँई देखबा गया हा? के कोई चोखा गाबल्या पेरेड़ा मिनखनै? चोखा गाबल्या पेरबाळा अर मोजऊँ जिबाळा तो म्हेला म मिली हीं।

इफिसुस 2:1

पाप अर परमेसर का हुकमानै नइ मानबा की बजेऊँ थे आत्मिक रूपऊँ मरेड़ा हा।

इफिसुस 2:5

अर परमेसर का हुकमानै नइ मानबा की बजेऊँ आपा तो आत्मा म मरेड़ा हा। पण मसी क जीबा की बजेऊँ बो आपानै पाप भर्या जीवनऊँ बचार आत्मा म जीवायो। आ परमेसर की दयाई ह जिकी बजेऊँ आपा बचगा।

इफिसुस 5:14

क्युं क जखो सक्यानै परगट करै ह बो उजाळोई ह। इ ताँई अंय्यां खेयड़ो ह, “ओ सोबाळा, जागज्या अर मरेड़ा मऊँ जी उठ; अर मसी को उजाळो तेरै प भळकसी”

कलुसीयो 2:13

मसी प बिस्वास करबाऊँ पेल्या थे थारा पाप की बजेऊँ आत्मा म मरेड़ा अर बिना सुन्नतहाळा हा। पण इब परमेसर थानै मसी क सागै जीवायो अर सगळा पापऊँ आपणानै माफ कर दिओ;

2 तिमूतियूस 3:6

बामैऊँ क्युंक सीखाबाळा, मिनखा क घरा म जार खुदनै बस म नइ राखबाळी लूगायानै आपकै बस म करली हीं, जखी खुदका बुरा करमा म अर इंछ्या म फसेड़ी रेह्‍वै।

याकूब 5:5

थे इ धरती प थारी मन की मोज मारी ह। अर थे खुदनै भोगबिलास म डूबा दिआ हो। अर अंय्यां कर थे खुदनै पाळपोसर नास हाळा दिन ताँई त्यार कर लिआ हो।

दरसाव 18:7

जत्ती बा आपकी मेमा, बडाई अर भोगबिलास करी ह, बत्तोई बिनै दुख अर पिड़ा द्‍यो। क्युं क बा खुद म गुमान कर्या करती ही, ‘म राणी की जंय्यां सिंघासन प बेठी हूँ। म खालीहोइड़ी कोनी, जणा म क्युं सोक मनाऊँ?’

दरसाव 3:1

“सरदिस की बिस्वासी मंडळी का मुखियानै मांड। अ बाता बिकै कानिऊँ ह जिकै कनै परमेसर की सात आत्मा अर सात तारा हीं। म थारा करमानै जाणू हूँ। थे जिंदा तो बाजो हो पण हो मरेड़ा।