1 तिमूतियूस 5:23 - जीवन को च्यानणो (सेकावाटी नया नियम की पोथ्या)

²³ पाणीई मना पीआ कर पण पेट अर बारबार होबाळी बिमारी की बजेऊँ चीनिसी अँगूरी बी पी लिआ कर।

1 तिमूतियूस 5:23 Iomraidhean Croise

भेजेड़ा चेला का काम 18:5

अर जद सीलास अर तिमूतियूस मकीदुनियाऊँ आया जणा पोलुस आपको सगळो टेम बचन का परचार मई बितातो हो अर यहूदि मिनखा म आ साबित करतो की ईसुई मसी ह।

इफिसुस 5:18

दारू पीर मतवाळा मना बणो, क्युं क इऊँ मत्त मारी ज्यावै, पण इकी बजाय पबितर आत्मा म भर्यापूरा होता जाओ।

1 तिमूतियूस 3:3

बो दारूड़ो नइ हो, मारपीट करबाळो नइ हो, पण दयाऊँ भरेड़ो अर स्यांतीऊँ रेह्बाळो होवै, बिको मो रिपीआ म नइ होवै।

1 तिमूतियूस 3:8

बिस्वासी मंडळी का सेवक बी सचा अर ईज्जत हाळा होणा चाए; बे पिसा का भूखा अर घणी अँगूरी पीबाळा नइ हो;

1 तिमूतियूस 4:4

क्युं क परमेसर को सिरजेड़ो सक्यु चोखो ह क्युं बी बगाबा जोगो कोनी, पण धनेवाद कर सक्यु खायो जा सकै ह,

तितूस 1:7

परमेसर का कामनै आपका हाता म लेबाळा भंडारी ताँई ओ जरूरी ह क बिमै कोई एब नइ हो। बो घमंड करबाळो नइ होवै, नइ तावळोई ताव खाबाळो होवै, नइ दारूड़ो, नइ मारपीट करबाळो अर नइ पिसा को लालची।

तितूस 2:3

अंय्यांई बूडी-ठेरी लूगायानै बी सीखा क बे पबितर मिनखा की जंय्यां बरताव करबाळी हो। बे चुगली-चाळा करबाळी नइ हो अर नइ बामै पीबा की लत हो। पण बे चोखी सीख देबाळी हो।